Аксаміт амурскі

Аксаміт амурскі
Сталае дрэва ў кастрычніку
Клясыфікацыя
Царства	Расьліны
Аддзел	Пакрытанасенныя
Кляса	Двудольныя
Атрад	Сапіндакветныя
Сямейства	Рутавыя
Род	Аксаміт
Від	Аксаміт амурскі
Бінамінальная намэнклятура
Phellodendron amurense
Аксаміт амурскі на Віківідах  Аксаміт амурскі ў Вікісховішчы ITIS 504297 · NCBI 68554

Аксаміт амурскі (па-лацінску: Phellodendron amurense) — лістападнае дрэва сямейства рутавых.

Батанічнае апісаньне

Плод расьліны

Вышыня да 25 м. Ствол укрыты слоем корку. Лісьце чаранковае, непарнаперыстае. Кветкі зеленаватыя, у мяцёлчатых суквецьцях. Плод – чорная, ягаднападобная касьцянка.

Распаўсюджваньне

Радзіма – Кітай, Далёкі Усход Расеі. На Беларусі інтрадукаваны ў канцы ХІХ ст. Вырошчваецца ў садох, парках, прысадах уздоўж дарог. У сярэдзіне ХХ ст. ўведзены ў лясную культуру ў Брэсцкай вобласці.

Выкарыстаньне

Можа даваць прамысловую сыравіну: корак, драўніну, фарбы, таніны.