Аддзел Задзіночаньня беларускіх вэтэранаў у Заходняй Аўстраліі

Аддзел Задзіночаньня беларускіх вэтэранаў у Заходняй Аўстраліі — заснаваны 6 студзеня 1951 году ў раёне Кельмскат (Пэрт, Заходняя Аўстралія).

Аб’ядноўвала былых беларускіх ваенных і займалася наладжваньнем нацыянальнага жыцьця ў Заходняй Аўстраліі, а таксама прадстаўніцтвам інтарэсаў беларусаў і папулярызацыяй беларускай культуры ў аўстралійскім грамадзтве. Рэгулярна ладзіла беларускія стэнды на шматнацыянальных выставах. Каардынавала свае дзеяньні з Галоўным кіраўніцтвам Задзіночаньня беларускіх вэтэранаў у Аўстраліі і Новай Зэляндыі ў Брысбэне.

У 1953 годзе ў якасьці чальцоў Галоўнага кіраўніцтва (у Брысбэне) згадваецца капітан Станіслаў Дамброўскі. У 1956 годзе ў выніку непаразуменьняў з Галоўным кіраўніцтвам ператворана на Задзіночаньне беларускіх вэтэранаў у Заходняй Аўстраліі, але ў такім выглядзе праіснавала толькі некалькі гадоў і было заменена на Беларускае аб’яднаньне ў Заходняй Аўстраліі.

Старшыні

• Міхась Раецкі (6 студзеня 1951 — ?)
• Мікола Лейка (1953)
• Міхась Раецкі (1956)

Літаратура

• Гардзіенка, Н. Беларусы ў Аўстраліі: да гісторыі дыяспары / Натальля Гардзіенка; Прадмова І.Сурвіллы. — Мн.: Беларускі кнігазбор, 2004. — 468 с., [4] арк. — (Бібліятэка Бацькаўшчыны, Кніга 3). — С.