Абора

Або́ра — у XVI—XX стагодзьдзях гаспадарчая пабудова для ўтрыманьня кароў (вялікі хлеў). Аборы будавалі зь бярвеньняў, брусоў ці дыляў, сьцены апляталі лазовымі дубцамі, накрывалі найчасьцей саломай. Заможныя гаспадары замянялі цалкам бярвеністым хлявом з многімі загарадкамі для розных свойскіх жывёлаў і птушак.

У фальварках аборы складалі комплексы згрупаваных адзін з адным 4—8 хлявоў, якія ўтвараюць вяночную кампазыцыю з дваром-дзяньніком у цэнтры.

Глядзіце таксама

Літаратура

Якимович, Ю. А. Зодчество Белоруссии XVI — середины XVII в. — Мн., 1991.
Этнаграфія Беларусі: Энцыклапедыя / Рэдкалегія: І. Шамякін (гал. рэд.) і інш. — Менск: БелСЭ, 1989. — 575 с.: іл. ISBN 5-85700-014-9.