Ёнчэпінг

Ёнчэпінг
швэдз. Jönköping
Герб Ёнчэпінгу
Краіна:	Швэцыя
Лэн:	Ёнчэпінг
Плошча:	44,82 км²
Вышыня:	104 м н. у. м.
Насельніцтва (2015)
колькасьць:	93 797 чал.
шчыльнасьць:	2092,75 чал./км²
Часавы пас:	UTC+1
летні час:	UTC+2
Геаграфічныя каардынаты:	57°47′0″ пн. ш. 14°10′0″ у. д.
Ёнчэпінг на мапе Швэцыі Ёнчэпінг
Галерэя здымкаў у Вікісховішчы
www.jonkoping.se

Ёнчэпінг (па-швэдзку: Jönköping) — горад у Швэцыі ў ляндскапе Смоляндзе, цэнтар лэну Ёнчэпінгу і аднайменнай камуны, на паўднёвым канцы возера Вэтэрну. Насельніцтва на 31 сьнежня 2015 году — 93 797 чалавек.

Гісторыя

Магнус I Лядулёс заснаваў Ёнчэпінг у 1284 годзе. У XV стагодзьдзі гэта быў сярэдні горад з насельніцтвам каля 1000 чалавек. У 1612 годзе горад цалкам згарэў. Зноў адбудаваны Ёнчопінг атрымаў каралеўскія прывілеі ў 1614 і 1620 гадах.

Дзякуючы свайму разьмяшчэньню на скрыжаваньні дарог уздоўж рэк Нісану і Лягану, а таксама дарогі паміж ляндскапамі Эстэр’ётляндам і Вэстэр’ётляндам горад з даўніх часоў зьяўляецца гандлёвым цэнтрам. У XIX стагодзьдзі горад вядомы як «горад лібэралаў і запалак». Акрамя запалкавай, ён мае й папяровую мануфактуру, гавань і суднаходзтва на возеры Вэтэрне. Цяпер у склад Ёнчэпінгу ўваходзіць і былы горад Гускварна, дзе разьмяшчаецца фабрыка Husqvarna (вытворчасьць зброі з 1689 г., а цяпер і швейных машынаў, бэнзапілаў, ровараў, матацыклаў, мапэдаў).

Славутасьці

Царква Сьв. Сафіі

• Царква Сафіі (1888)
• Дом, у якім нарадзіўся Даг Гамаршэльд
• Музэй запалак
• Музэй птушак
• Музэй радыё

Асобы

• Агнэта Фэльтскуг — сьпявачка ў гурце ABBA
• Ніна Пэрсан — сьпявачка (The Cardigans, A Camp)
• Даг Гамаршэльд — дыплямат
• Фрэдрык Нэй — заснавальнік The Pirate Bay