Стрававод
Стрававод (лац. œsóphagus) — частка стрававальнага каналу. Уяўляе сабой сплясканую ў пярэднезаднім кірунку полую цягліцавую трубку, па якой ежа з глоткі паступае ў страўнік.
Стрававод дарослага чалавека мае даўжыню 25-30 см. Зьяўляецца працягам глоткі, пачынаецца ў вобласьці шыі на ўзроўні VI—VII шыйнага пазванка, затым праходзіць праз грудную поласьць ў міжсьценьне й заканчваецца ў брушнай поласьці на ўзроўні X—XI грудных пазванкоў, калі ўпадае ў страўнік.