Паўло Чоры

Паўло Чоры укр. Чорій Павло Володимирович
Прыналежнасьць	Украіна
Род войскаў	Узброеныя сілы
Званьне	Старшы жаўнер
Частка	79 АДШБр
Бітвы/войны	Вайна на Данбасе
Узнагароды	Ордэн «За мужнасьць» II ступені Ордэн «За мужнасьць» III ступені

Паўло́ Чо́ры (па-ўкраінску: Павло Володимирович Чорій) — снайпэр, старшы жаўнер 79-е асобнае дэсантна-штурмавое брыґады Ўзброеных сілаў Украіны.

Біяграфія

Скончыў Мікалаеўскі пэдаґаґічны ўнівэрсытэт — факультэт фізычнае культуры і турызму, вырашыў служыць у арміі — 79-я аэрамабільная брыґада.

Падчас баёў быў паранены. 3 чэрвеня 2014 року на калёну ўкраінскіх вайскоўцаў — у іх ліку дэсантнікі 79-е аэрамабільнае брыґады, напалі тэрарысты. Адзін дэсантнік загінуў, 13 пацярпелі, Паўло Чоры паранены аскепкам у вока, але працягваў весьці бой — заціскаў адною рукою параненае вока, а другою страляў з снайпэрскае вінтоўкі Драгунова — колькі мог. Між тым БТР-4Е, манэўруючы, скамячыў ГАЗ-66, дзе знаходзіліся заціснутыя параненыя дэсантнікі, кабіну хоць якім момантам маглі закідаць ґранатамі. Паўло, выстраліўшы ўсе набоі, кінуўся ратаваць таварышаў, выцягнуў чатырох параненых субратаў і аказаў першую дапамогу. У шпіталі зьнепрытомнеў.

Празь перажываньні й стрэсы сэрца маці Вольгі Чоры не вытрымала, яна памерла.

Сабраныя калеґамі ды валянтэрамі сродкі на пратэз вока перадаў на патрэбы 79-е брыґады.

Узнагароды

За асабістую мужнасьць ды гераізм, выяўленыя ў ахове дзяржаўнага сувэрэнітэту ды тэрытарыяльнае цэласнасьці Ўкраіны, вернасьць вайсковай прысязе падчас расейска-ўкраінскае вайны ўзнагароджаны

• ордэнам «За мужнасьць» III ступені (20.6.2014)
• ордэнам «За мужнасьць» II ступені (27.11.2014)

Вонкавыя спасылкі

• Указ прэзыдэнта Ўкраіны ад 20 чэрвеня 2014 году № 892/2014 «Аб узнагароджаньні дзяржаўнымі ўзнагародамі»
• Указ прэзыдэнта Ўкраіны ад 27 лістапада 2014 году № 543/2014 «Аб узнагароджаньні дзяржаўнымі ўзнагародамі»