Прагляд крыніцы для Граб

'''Граб'''<ref name="Киселевский">Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 33. — 160 с. — 2 350 экз.</ref> (''Carpinus'') — [[Род (біялёгія)|род]] кветкавых расьлін сямейства бярозавых. Налічваецца каля 50 відаў.

== Апісаньне ==

Аднадомныя лістападныя [[дрэва|дрэвы]] (вышыня да 30 м), рэдка [[куст]]ы з густой яйцападобнай кронай і вэртыкальна-рабрыстым ствалом. Кара гладкая, светлая, серабрыста-шэрая, потым цёмная, трэшчынаватая. Лісьце двухрадна разьмешчанае, чаргаванае, простае, шчыльнае, цёмна-зялёнае. Кветкі дробныя, аднаполыя, аднадомныя, у павіслых зеленавата-чырвоных каташках. Цьвітуць адначасова з распусканьнем лісьця. Плод — аднанасенны рабрысты арэшак. Ценевыносьлівыя, засухаўстойлівыя расьліны. Устойлівыя да гарадзкіх умоў, шкоднікаў і хвароб. Жывуць да 100—300 (часам да 400) гадоў. Добра пераносяць падстрыганьне. Размнажаюцца насеньнем і вегетатыўна (парасткамі).

== Пашырэньне й ваколіца ==
Утвараюць грабавыя лясы. Пашыраны ва Усходняй Азіі, Эўропе (асабліва Цэнтральнай і Заходняй) і Паўночнай Амэрыцы (1 від), пераважна ў горных і перадгорных ваеоліцах. На [[Каўказ]]е сустракаюцца лясы, створаныя [[Граб каўказскі|грабам каўказскім]], у [[Крым]]е — [[Граб усходні|усходнім, або грабіннікам]], у Карэі, Японіі і Кітаі [[Граб прыморскі|прыморскім, або сэрцалістым]], у Паўночнай Амерыцы — [[Граб каралінскі|грабам каралінскім, або амэрыканскім]], у Еўропе, у т. л. ў Прыбалтыцы, на Беларусі і Украіне, — [[Граб звычайны|грабам звычайным, або эўрапейскім]]. Розныя віды граба ўтвараюць мяшаныя насаджэньні з [[дуб]]ам і [[бук]]ам.

== Значэньне і выкарыстаньне ==
Дэкаратыўныя, дубільныя, кармавыя, тэхнічныя і фарбавальныя расьліны. Драўніна цяжкая, цьвёрдая, выкарыстоўваецца ў машынабудаваньні, сталярнай, такарнай справе, ідзе на выраб музычных інструментаў, мэблі, паркету. Выкарыстоўваюць для азеляненьня населеных месцаў. Ёсць дэкаратыўныя садовыя формы: пірамідальная, ніцая, калонападобная, лопасцялістая, пурпуровая і інш.

== Крыніцы==
{{зноскі}}

== Літаратура ==
* Вынаеў Г. Граб // БЭ ў 18 т. Т. 5. Мн., 1997.

== Вонкавыя спасылкі ==
* [http://www.efloras.org/florataxon.aspx?flora_id=2&taxon_id=200006223 Флора Кітая — Ostryopsis davidiana]{{ref-en}}

{{Бібліяінфармацыя}}

[[Катэгорыя:Бярозавыя]]
[[Катэгорыя:Флёра Эўразіі]]
[[Катэгорыя:Флёра Паўночнай Амэрыкі]]