Прагляд крыніцы для Бітва пад Кобрынем (1939)

{{Іншыя значэньні|Бітва пад Кобрынем}}
{{Бітва
|Назва                 = Бітва пад Кобрынем
|Частка                = [[Абарончая вайна 1939 году]]
|Выява                 = Kobryn.png|300пкс
|Подпіс да выявы       = Пазыцыі Польшчы й Нямеччыны на 17 верасьня
|Дата                  = 14—18 верасьня 1939
|Месца                 = [[Кобрынь]], [[Заходняя Беларусь]]
|Прычына               = 
|Вынік                 = няпэўны
|Тэрытарыяльныя зьмены = 
|Супернік1             = {{Сьцягафікацыя|Нямеччына|1933}}
|Супернік2             = {{Сьцягафікацыя|Польшча}}
|Камандуючыя1          = [[Файл:Flag of Germany 1933.svg|25пкс]] [[Гайнц Гудэрыян]]
|Камандуючыя2          = [[Файл:Flag of Poland.svg|25пкс]] [[Адам Эплер]]
|Сілы1                 = XIX танкавы корпус
|Сілы2                 = 60-я дывізія пяхоты
|Страты1               = невядомыя
|Страты2               = невядомыя
|Агульныя страты       = 
|Дадаткі               = 
}}
{{Бітвы польскай кампаніі 1939 году}}
'''Бітва пад Кобрынем''' — адна зь бітваў у часе [[Уварваньне ў Польшчу (1939)|нямецкага ўварваньня ў Польшчу]], якая адбывалася 14—18 верасьня 1939 паміж нямецкім XIX танкавым корпусам генэрала [[Гайнц Гудэрыян|Гайнца Гудэрыяна]] і імправізаванай [[60-я польская дывізія пяхоты|польскай «кобрынскай» дывізіяй пяхоты]] палкоўніка [[Адам Эплер|Адама Эплера]]. Бітва адбывался адначасна зь [[Бітва за Берасьце-Літоўскае|бітвай за Берасьце-Літоўскае]].

== Падрыхтоўка ==
Пасьля прарыву польскай абароны ў [[Бітва пад Візнай|бітве пад Візнай]] нямецкія войскі пад камандаваньнем генэрала [[Гайнц Гудэрыян|Гайнца Гудэрыяна]] рушылі ў бок [[Берасьце-Літоўскае|Берасьця-Літоўскага]], [[Ковель|Ковелю]] і [[Кобрынь|Кобрыню]]. Іхняй мэтай быў падзел тэрыторыі Польшчы на дзьве часткі з мэтай пашкодзіць арганізацыі лініі абароны на ўсход ад ракі [[Буг]].

== Бітва ==
14 верасьня 1939 часткі XIX танкавага корпусу дасягнулі Берасьця і Кобрыню. У Берасьці стаялі невялікія сілы пад камандаваньнем генэрала [[Канстанцы Плісоўскі|Канстанцыя Плісоўскага]], а Кобрынь абараняла імправізаваная [[60-я польская дывізія пяхоты|60-я дывізія пяхоты]] палкоўніка [[Адам Эплер|Адама Эплера]].

Калі палкоўнік Эплер атрымаў данясеньне пра набліжэньне нямецкіх войскаў, ён загадаў 2-му батальёну ягонага 84-га пяхотнага палка правесьці адцягвальны манэўр у раёне чыгуначнай станцыі [[Жабінка]] і вёсак [[Тэўлі]] і [[Агароднікі (Жабінкаўскі раён)|Агароднікі]]. Адначасна 2-і батальён 83-га палку пяхоты заняўся ўмацаваньнем уздоўж забалочаных берагоў ракі [[Трасьцяніца (рака)|Трасьцяніцы]].

15 верасьня сілы Эплера былі заўважаныя немцамі і былі бамбаваныя самалётамі [[Люфтвафэ]]. На наступны дзень адбылося сутыкненьне з асноўнымі сіламі гітлераўцаў. Пасьля шасьцігадзіннага бою нямецкія войскі адышлі, панесшы значныя страты. Польскі батальён захапіў некалькі гарматаў і танкаў, але ня змог імі скарыстацца з прычыны недахопу паліва, пасьля чаго адышоў за асноўную лінію польскай абароны.

На сьвітанку 17 верасьня выведны атрад нямецкай 2-й матарызаванай пяхотнай дывізіі дасягнуў польскай лініі. Іхняя спроба абысьці палякаў з флянгу па могілках у вёсцы Хведкавічы была адбітая дзякуючы дапамозе 100-мм [[гаўбіца]]ў. Польскі батальён адышоў да вёскі Пяскі, дзе арганізаваў яшчэ адну засаду. Удзень яны ізноў былі беспасьпяхова атакаваныя нямецкай дывізіяй.

Асноўныя падзеі разгарнуліся 18 верасьня. Сьпярша немцы дабіліся посьпеху, здолеўшы захапіць тэрыторыі, якія абаранялі дарогу на [[Бяроза-Картуская|Бярозу-Картускую]] і прахон да асноўных польскіх сілаў. Жорсткія баі таксама трывалі ля каналу Каралевы Боны. Аднак немцы так і ня здолелі ў гэты дзень захапіць Кобрынь, а польскія аддзелы ня мелі сілаў для таго, каб адкінуць ворага ад ягоных ваколіцаў.

== Вынікі ==
Атрымаўшы зьвесткі пра пачатак [[Польскі паход РСЧА|савецкага ўварваньня]] і пра першыя сутычкі [[Самадзейная апэратыўная група Палесьсе|апэргрупы «Палесьсе»]] з 23-м стралковым корпусам Чырвонай арміі, генэрал [[Францішак Клеебэрг]] разаслаў усім фармаваньням апэргрупы «Палесьсе» (у тым ліку і 60-й пяхотнай дывізіі) загад на неадкладнае спыненьне ўзброенага супраціву і адступленьне на поўдзень, у кірунку [[Пінскія балоты|пінскіх балотаў]].

Выконваючы загад, 60-я пяхотная дывізія пакінула Кобрынь і адступіла ў кірунку [[Дывін]]а. Генэрал Клеебэрг таксама перанёс штаб апэргрупы «Палесьсе» зь [[Пінск]]у ў [[Любяшоў]].

== Літаратура ==
* {{Кніга|аўтар = Colonel Adam Epler.|частка = |загаловак = Ostatni żołnierz polski kampanii 1939 roku|арыгінал = |спасылка = |адказны = |выданьне = |месца = Tel Aviv|выдавецтва = Sekcja Oświaty i Kultury WP na Środkowym Wschodzie|год = 1942|том = |старонкі = |старонак = |сэрыя = |isbn = |наклад = }}

[[Катэгорыя:Бітвы польскай кампаніі 1939 году|Кобрынь]]
[[Катэгорыя:Гісторыя Кобрыню]]