Прагляд крыніцы для Берасьцейскі дзяржаўны музычны каледж імя Рыгора Шырмы

{{Школа
| Назва        = Берасьцейскі дзяржаўны</br>музычны каледж</br>імя Рыгора Шырмы
| Краіна       = Беларусь
| Выява        = Берасьцейски музычны каледж.jpeg
| Апісаньне    = Уваход у каледж
| Дэвіз        = 
| Заснаваная   = 
| Заснаваны    = сьнежань 1939
| Зачыненая    = 
| Зачынены     = 
| Дырэктар     = Рамуальд Адольфавіч Жабінскі
| Тып          = сярэдняя спэцыяльная НУ
| Навучэнцаў   = 
| Адрас        = [[Берасьце]],<br>вул. Гогаля, 7
| Тэлефон      = (+375 162) 21-62-89
| Факс         = 
| E-mail       = 
| Сайт         = http://mus.by
| Назва дадатковага поля     = 
| Значэньне дадатковага поля = 
| Шырата паўшар'е     = 
 | Шырата градусаў    = 
 | Шырата хвілінаў    = 
 | Шырата сэкундаў    = 
| Даўгата паўшар'е    = 
 | Даўгата градусаў   = 
 | Даўгата хвілінаў   = 
 | Даўгата сэкундаў   = 
| Пазыцыя подпісу на мапе = 
| Водступ подпісу на мапе = 
}}
'''Берасьцейскі дзяржаўны музычны каледж імя [[Рыгор Шырма|Рыгора Шырмы]]''' — дзяржаўная сярэдняя спэцыяльная навучальная ўстанова ў г. [[Берасьце|Берасьці]].

Рашэньне пра адкрыцьцё ў Берасьці музычнай вучэльні было прынята ў сьнежні [[1939]] году. Гэта была першая музычная сярэдняя навучальная ўстанова ў [[Заходняя Беларусь|Заходняй Беларусі]]. Да гэтага ў Берасьці ў існавала музычная школа імя Караля Шыманоўскага, створаная ў 1938 годзе намаганьнямі маладога кампазытара і дырыгента Сыльвэстра Часноўскага, які быў яе дырэктарам. Ён таксама арганізаваў у горадзе хор і сымфанічны аркестар. 

Сярод тых, хто спрычыніўся да заснаваньня вучэльні ў 1939 годзе, былі такія вядомыя музыканты і пэдагогі, як Шубік І. Я., Дземчанка М. А., Дабратворская Я. М., Арэнская М. І., Мінстэр М. Я., Жукоўская В. Г., Русін М. А., Бубен Т. Г. і іншыя. У гады [[Другая сусьветная вайна|Другой сусьветнай вайны]] будынак вучэльні быў разбураны, у агні загінулі музычныя інструмэнты і бібліятэка. Пасьля вызваленьня Берасьця ад нямецкіх захопнікаў ужо [[1 верасьня]] [[1944]] году аднавіліся заняткі ў вучэльні. Першы выпуск (усяго 3 чалавекі) адбыўся ў [[1948]] годзе.

За вялікую працу па падрыхтоўцы музычных кадраў у [[1969]] годзе калектыў вучэльні быў узнагароджаны Ганаровай Граматай Вярхоўнага Савета БССР. У 1990 у ім адкрылася аддзяленьне народнага харавога сьпеву.

У лістападзе [[1993]] году рашэньнем Берасьцейскага аблвыканкаму вучэльня была пераўтворана ў сярэднюю спэцыяльную навучальную ўстанову новага тыпу — музычны каледж, а [[12 жніўня]] [[1994]] году пастановай Савета Міністраў Рэспублікі Беларусь каледжу было прысвоена імя [[Рыгор Шырма|Рыгора Шырмы]].

З [[1 верасьня]] [[1994]] году пры каледжы адкрыта дзіцячая музычная школа прафэсійнай арыентацыі, дзе працуюць лепшыя выкладчыкі.

У цяперашні час па 6 спэцыяльнасьцях у каледжы навучаюцца 298 навучэнцаў, калектыў каледжу складаюць 127 высокакваліфікаваных выкладчыкаў і канцэртмайстраў, зь іх 90% — выпускнікі вучэльні (каледжу). Навучаньне ў каледжы дзённае, штогод тут займаецца каля 300 навучэнцаў па 6 спэцыяльнасьцях: музыказнаўства, дырыгаваньне, інструмэнтальнае выкананьне, сьпевы (акадэмічныя), мастацтва эстрады, акторскае мастацтва. У каледжы больш за 10 розных творчых калектываў (аркестраў, хароў, ансамбляў), шэрагу з іх прысвоена высокае званьне народны.

У розныя гады музычную вучэльню ў Берасьці ўзначальвалі: Солапаў Міхаіл Рыгоравіч, Школьнікаў Леанід Яфімавіч, Манучараў Канстанцін Леанідавіч, Мартыненка Аляксандр Аляксандравіч, а з 1988 году — Жанна Савіна. Цяпер дырэктарам Берасьцейскага дзяржаўнага музычнага каледжу імя Рыгора Шырмы зьяўляецца Жабінскі Рамуальд Адольфавіч.

За 70 гадоў свайго існаваньня каледж падрыхтаваў больш за 4 тысячы спэцыялістаў, якія працуюць ў краіне і па-за яе межамі. Сярод выпускнікоў каледжу шмат таленавітых музыкантаў-выканаўцаў, арганізатараў і кіраўнікоў творчых калектываў, кампазытараў, артыстаў тэатру, харавых і аркестровых калектываў, ансамбляў, выкладчыкаў дзіцячых музычных школаў, вучэльняў і кансэрваторыяў. Калектыў каледжу ганарыцца ляўрэатам дзяржаўнай прэміі БССР кампазытарам [[Уладзімер Солтан|Уладзімерам Солтанам]], заслужанымі артыстамі Беларусі [[Леанід Тышко|Леанідам Тышко]] і [[Аляксандар Дзямешка (музыка)|Аляксандрам Дзямешкам]], якія сталі артыстамі легендарнага ансамблю «[[Песьняры]]», артысткай акадэмічнага хору [[Белтэлерадыёкампанія|Белтэлерадыёкампаніі]], заслужанай артысткай Беларусі [[Ніна Ясева|Нінай Ясевай]], заслужанымі артыстамі Беларусі [[Мікалай Шошчыц|Мікалаем Шошчыцам]], [[Міхаіл Зданевіч|Міхаілам Зданевічам]], заслужаным артыстам [[Расея|Расеі]] і народным артыстам [[Буратыя|Буратыі]] [[Барыс Пяцюк|Барысам Пецюком]], народнымі артыстамі Расеі сьпеваком [[Аляксандар Баскін|Аляксандрам Баскіным]] і [[Анатоль Бандарэц|Анатолем Бандарцом]], заслужанымі артыстамі [[Украіна|Ўкраіны]] [[Фёдар Богдан]]ам і [[Анатоль Маскаленка|Анатолем Маскаленкам]], заслужаным дзеячом мастацтва Беларусі [[Ганна Пячонкіна|Ганнай Пячонкінай]], заслужаным дзеячом мастацтва Беларусі [[Леў Лях|Львом Ляхам]] (дырыгент аркестру [[Нацыянальны акадэмічны Вялікі тэатар опэры і балету|Нацыянальнага акадэмічнага Вялікага тэатру оперы і балету]]), заслужаным дзеячом мастацтва Беларусі [[Лілія Батырава|Ліліяй Батыравай]] (ляўрэат спэцыяльнай прэміі Прэзыдэнта Рэспублікі Беларусь «За разьвіцьцё міжнародных сувязяў», узнагароджана мэдалямі «Францыска Скарыны», «Міжнароднага саюзу музычных дзеячаў», знакам Міністэрства культуры Рэспублікі Беларусь «За ўклад у разьвіцьцё культуры Беларусі»), заслужанай настаўніцай Беларусі [[Валянціна Верамяюк|Валянцінай Верамяюк]] (кавалер ордэна Леніна і Дружбы народаў), заслужанымі работнікамі культуры [[Адам Мурзіч|Адамам Мурзічам]] (мастацкі кіраўнік [[Беларускі дзяржаўны акадэмічны музычны тэатар|Беларускага дзяржаўнага акадэмічнага музычнага тэатру]]), Сяргеем Любчуком, Мікалаем Трафімуком, Алегам Паповым і інш.

== Літаратура ==
* Ромуальд Жабинский. Брестский музыкальный колледж: история и современность. — Брест, Альтернатива, 2011.

== Вонкавыя спасылкі ==
* [https://web.archive.org/web/20131224102657/http://city.brest.by/topic.php?tid=325 У. І. Нікіценкаў. Музычны каледж імя Р. Шырмы]
* [https://web.archive.org/web/20191216192948/http://www.mus.by/ УО «Брестский государственный музыкальный колледж им. Г.Ширмы»]

[[Катэгорыя:Адукацыя ў Берасьці]]
[[Катэгорыя:Беларускія сярэднія навучальныя ўстановы]]
[[Катэгорыя:Зьявіліся ў 1939 годзе]]
[[Катэгорыя:Узнагароджаныя Ганаровай граматай Вярхоўнага Савету БССР]]
[[Катэгорыя:Музычная адукацыя Беларусі]]