Прагляд крыніцы для Барабан

{{Іншы артыкул|ударны музычны інструмэнт у выглядзе абцягнутага абруча|Бубен (абцягнуты абруч)|інструмэнт у выглядзе шырокага цыліндру}}
[[Файл:DrumMozartRegiment.jpg|міні|220пкс|Барабан]]
'''Бараба́н''', таксама '''бу́бен''' — [[ударныя музычныя інструмэнты|ударны]] [[музычны інструмэнт]]. У залежнасьці ад канструкцыі, адносіцца да [[мэмбранафон]]аў або [[ідыяфон]]аў. Распаўсюджаны ў большасьці народаў.

Мэмбранныя барабаны складаюцца з пустога корпусу-[[рэзанатар]]у пэўнай формы або рамы, на якія нацягнутыя скураныя або плястыкавыя [[мэмбрана|мэмбраны]]. Адносная [[вышыня гуку]] можа рэгулявацца ступеньню нацягненьня мэмбранаў. [[Шчылінны барабан|Шчылінная барабаны]] маюць іншую канструкцыю, без мэмбранаў. Корпус барабану робіцца з [[драўніна|драўніны]], мэталу ([[сталь|сталі]], [[латунь|латуні]]), [[акрыл]]авага плястыку<ref name="drumsppech314">[http://www.drumspeech.com/articles.php?id=314 «Анатомия» строения кадушки]{{ref-ru}}</ref>, або нават з гліны{{Заўвага|Напрыклад, [[мрыданга]].}}.

Гук атрымліваюць ударам па мэмбране драўлянай [[калатушка]]й зь мяккай канцавінай, [[барабанныя палачкі|палачкай]], рукамі, а часам і [[церце]]м<ref>Гл. [[фрыкцыйны барабан]]</ref>. Для выкарыстаньня адначасова некалькіх інструмэнтаў барабаны зьбіраюцца ва [[Ударная ўстаноўка|ўдарную ўстаноўку]].

== Гісторыя ==
Пры раскопках у [[Мэсапатамія|Мэсапатаміі]] былі знойдзеныя адны з самых старажытных ударных інструмэнтаў у сьвеце, зробленыя ў выглядзе маленькіх цыліндраў, паходжаньне якіх датуецца 6 тысячагодзьдзем да нашай эры, да гэтага ж часу адносяць і наскальныя малюнкі ў пячорах [[Паўднёвая Амэрыка|Паўднёвай Амэрыкі]]<ref>Капитан Макс. [https://web.archive.org/web/20101004025606/http://www.vmdaily.ru/article/58129.html Древнейшая профессия: барабанщик История ударных инструментов и их место в оркестре и жизни. История ударных инструментов и их место в оркестре и жизни] // Вечерняя Москва : газета. — 16.05.2008. — № 84 (24862).</ref>. Узрост знойдзенага ў [[Маравія|Маравіі]] барабану датуецца 5 тысячагодзьдзем да н. э., у [[Старажытны Эгіпет|Старажытным Эгіпце]] барабаны паўсталі за 4 тысяч гадоў да н. э. Вядома аб існаваньні барабанаў у старажытным [[Шумэр|Шумэры]] каля 3 тысяч гадоў да н. э.<ref>Евгений Рябой. [https://web.archive.org/web/20120111013552/http://www.musicbox.su/musicbox_17/gimn_barabannomu_iskusstvu-1.html Гимн барабанному искусству (Часть 1)]. MusicBox № 17</ref> Аб працяглай гісторыі разьвіцьця інструмэнту сьведчыць і вялікая разнастайнасьць ягоных відаў у нашыя дні.

З самых старажытных часоў барабан выкарыстоўваўся як сыгнальны інструмэнт, а таксама для суправаджэньня рытуальных танцаў, рэлігійных абрадаў, вайсковых шэсьцяў і дзеяньняў, такіх, дзе існавала неабходнасьць выконваць рытм, напрыклад, ісьці, бегчы, цягнуць, веславаць ці біць зладжана. Да прыкладу, яшчэ ў старажытных грэкаў і рымлянаў барабан-тымпан, папярэднік сучасных літаўраў, выкарыстоўваўся ў культах Кібэлы і Вакха, а таксама ў войску і на вясьлярным флёце. І гэтак далей, напрыклад, у [[16 стагодзьдзе|XVI стагодзьдзі]] барабаны выкарыстоўваліся ў Брытанскім войску ў пяхоце, драгунамі і кавалерыяй. За часам [[Генрых VIII|Генрыха VIII]] у кожнай роце ад 100 чалавек было двое барабаншчыкаў. У [[17 стагодзьдзе|XVII стагодзьдзі]] асноўнымі выкарыстоўванымі сыгналамі барабаншчыкаў былі «Увага», «Шыхтавацца», «Гатоўнасьць», «Марш», «Атака», «Адступіць».

== Крыніцы і заўвагі ==
{{Крыніцы}}
{{Заўвагі}}

== Вонкавыя спасылкі ==
{{Commons}}
* [https://web.archive.org/web/20160305022138/http://www.dmoz.org/Arts/Music/Instruments/Percussion/Drums Барабаны] на Open Directory Project

[[Катэгорыя:Барабаны| ]]
[[Катэгорыя:Вікіпэдыя:Істотныя артыкулы]]