Прагляд крыніцы для Абраз Маці Божай Тракельскай

{{Твор мастацтва
|тып               = Твор сакральнага выяўленчага мастацтва
|назва             = Абраз Маці Божай Тракельскай
|арыгінал          = 
|файл              = Trakeli-mary-01-big.jpg
|памер             = 300px
|аўтар             = 
|год               = XV ст.
|матэрыял          = 
|тэхніка           = 
|вышыня            = 180 см
|шырыня            = 100 см
|месцазнаходжаньне = [[Тракелі (Вярэнаўскі раён)|Тракелі]]
|музэй             = 
}}
'''Маці Божая Тракельская''' — [[Каталіцызм у Беларусі|каталіцкая]] цудатворны [[абраз]]. Знаходзіцца ў галоўным алтары [[Касьцёл Адведзінаў Найсьвяцейшай Панны Марыі (Тракелі)|касьцёлу Адведзінаў Найсьвяцейшай Панны Марыі]] ў вёсцы [[Тракелі (Вярэнаўскі раён)|Тракелі]] [[Вярэнаўскі раён|Вярэнаўскага раёну]] [[Гарадзенская вобласьць|Гарадзенскай вобласьці]].

== Гісторыя ==
Абраз рымскай іканаграфіі згодна з легендай быў намаляваны напрыканцы ХVІ стагодзьдзя памерам 180*100 см. Паводле адной з легендаў, абраз, прывезены з [[Вільня|Вільні]] ў 1595 годзе<ref>[https://trokiele.by/gistoryja-sanktuaryja-maci-bozhaj-u-trakeljah/ Гісторыя санктуарыя Маці Божай у Тракелях], Сайт парафіі ў Тракелях</ref>, здаўна славіўся шматлікімі цудамі. Невядомы віленскі мастак стварыў прыгожы і высакародны вобраз Багародзіцы з Дзіцяткам. Па характары вобразаў яго можна параўнаць з абразом 1640 году віленскага мастака флямандзкага паходжаньня Пенса ў [[Сьвятая Ліпка|Сьвятой Ліпцы]] на Варміі (Польшча).

Асаблівай увагі заслугоўвае падзея 1656 годзе, падчас [[Вайна Маскоўскай дзяржавы з Рэччу Паспалітай 1654—1667 гадоў|13-гадовай вайны]] касьцёл быў спалены маскоўскім войскам. Вернікі знайшлі сярод попелу абраз Маці Божай, які не пашкодзіла полымя. Парафіяльная хроніка пацьвярджае факт, што абраз знайшоў невідушчы чалавек, які пры гэтым пачаў бачыць. На новым пляцы была адбудавана сьвятыня, і абраз зноў быў зьмешчаны ў галоўным алтары.

У другой палове XVII стагодзьдзя (магчыма, каля 1664 году) абраз Маці Божай з Дзіцяткам быў дапоўнены выявай укленчанага [[Сьвяты Казімер|сьв. Казімера]] з ружанцам у руках.

У 1738 г. зноў здарыўся пажар, і абраз зноў быў цудоўна ўратаваны ад агню. У 1782 годзе пашкоджаны абраз быў адноўлены і наклеены на новае палатно. Апошняе абнаўленьне адбылося ў 1991 годзе ў Варшаве. 

У 1994 годзе Гарадзенскі ардынарый [[Аляксандар Кашкевіч]] зрабіў касьцёл у Тракелях дыяцэзіяльным [[санктуарый|санктуарыем]]. Сьвята цудатворнага абразу адзначаецца ў першую нядзелю ліпеня<ref name="svyatavit"/><ref name="catholic.by">[http://catholic.by/2/belarus/sanctuarium/100261-trakeli.html Дыяцэзіяльны санктуарый Маці Божай у Тракелях]</ref>. У Тракелі ладзяцца штогадовыя пілігрымкі.

5 ліпеня 2009 году адбылася ўрачыстая каранацыя абраза папскімі каронамі. Зьдзейсьніў акт каранацыі кардынал [[Казімер Сьвёнтак]].

== Апісаньне ==
Зьяўляецца адным з самых высокамастацкіх сьпісаў [[Маці Божая «Сьнежная»|Маці Божай «Сьнежнай»]] у Беларусі. Абраз прадстаўляе Маці Божую з Дзіцяткам Ісусам на левай руцэ. З дасканалым позьнерэнэсансным стылем жывапісу гарманіруе мэталічная шата з каронамі. Сваёй правай далоньню Марыя ахапіла левую руку, якая трымае Божага Сына. 3 правага боку ад яе ўкленчыў [[Сьвяты Казімер|Сьв. Казiмер]] з [[ружанец|ружанцам]] у руках — заступнік [[Вялікае Княства Літоўскае|Вялікага Княства Літоўскага]].

Выява Казімера была намалявана на асобным палатне і даклеена да асноўнага падчас першай рэстаўрацыі абразу ў другой палове XVII стагодзьдзя. Праўдападобна, гэта было зьвязана з кананізацыяй Казімера і выданьнем тагачасным [[Папа Рымскі|Папам Рымскім]] у 1664 годзе кананізацыйнай булы<ref name="svyatavit">[http://svyatavit.iatp.by/Khramy/Ikony/Trokely.html Маці Божая Тракельская]{{Недаступная спасылка|date=October 2022 |bot=InternetArchiveBot |fix-attempted=yes }}</ref>.

== Крыніцы ==
{{крыніцы}}

== Вонкавыя спасылкі ==
* [http://catholic.by/2/belarus/sanctuarium/100261-trakeli.html Дыяцэзіяльны санктуарый Маці Божай у Тракелях]
* [http://slowo.grodnensis.by/index.php?option=com_content&view=article&id=2945%3A15-379&catid=12%3Aparafii-i-swiatynie&Itemid=430&lang=by Гісторыя абраза Маці Божай Тракельскай]

{{Цудатворныя абразы Беларусі}}

[[Катэгорыя:Абразы Беларусі]]
[[Катэгорыя:Іканаграфія Багародзіцы]]
[[Катэгорыя:Беларускі іканапіс]]
[[Катэгорыя:Тракелі (Вярэнаўскі раён)]]