Слонімскі краязнаўчы музэй
| Слонімскі краязнаўчы музэй | |
| Слонімскі раённы краязнаўчы музэй імя Стаброўскага | |
.jpg) | |
| Месцазнаходжаньне | Слонім, Беларусь |
|---|---|
| Створаны | 20 верасьня 1929 г. |
| slmuz.by | |
Сло́німскі раённы краязна́ўчы музэ́й імя́ Язэ́па Стабро́ўскага — музэй у Слоніме, адкрыты ў 1929 року.
Мінуўшчына
[рэдагаваць | рэдагаваць крыніцу]Музэй быў адкрыты 20 верасьня 1929. Ягоная экспазыцыя і зборы налічвалі 5 тысячаў экспанатаў. У 1957 року музэй атрымаў двухпавярховы будынак па адрасе пляц Леніна, № 1, дзе знаходзіцца і цяпер. Экспазыцыя музэю за савецкім часам мянялася тройчы. Цяперашняя плошча складае больш за 400 м². У трох экспазыцыйных залях разьмешчаны аддзел прыроды, у шасьці — аддзелы гісторыі ад старажытных часоў да сучаснасьці. Установа мае 2 выставачныя залі: у будынку музэю (36 м²) і ў в. Жыровічы (270 м²). Штогод музэй наведваюць больш за 30 000 чалавек.
Зборы
[рэдагаваць | рэдагаваць крыніцу]Агульны музэйны фонд уключае ў сябе больш за 23 000 экспанатаў, сярод якіх ёсьць вельмі рэдкія і ўнікальныя. Да такіх экспанатаў адносяцца: калекцыя манэтаў XVII—XIX стагодзьдзяў, у тым ліку скарб польска-літоўскіх манэтаў XVI—XVIII стагодзьдзяў, калекцыя дакумэнтаў XVI—XIX стагодзьдзяў, бронзавы бюст Напалеона, выкананы ў Парыжы ў 1885 г., каляровы плян Слоніму 1825 року, пляны асобных маёнткаў XVIII—XIX стагодзьдзяў, калекцыі старажытных рукапісаў XVI—XIX стагодзьдзяў.