Прагляд крыніцы для Нацыянальная бясьпека

'''Нацыяна́льная бясьпе́ка''' — абароненасьць [[Зацікаўленасьць|зацікаўленасьцяў]] асобы, [[грамадзтва]] і [[Дзяржава|дзяржавы]] ад вонкавай і ўнутранай [[Пагроза|пагрозы]] ў вайсковай, весткавай, гаспадарчай, гуманітарнай, палітычнай і [[Экалёгія|экалягічнай]] галінах жыцьцядзейнасьці.

Дзейнікамі і прадметамі ёсьць асоба, грамадзтва і дзяржава. У такіх [[Нарматыўны прававы акт|нарматыўным прававых актах]] (НПА), як [[канстытуцыя]], [[Закон (права)|закон]] і вайсковая [[дактрына]] вызначаюць жыцьцёва важныя зацікаўленасьці, магчымыя і рэчаісныя пагрозы гэтым зацікаўленасьцям, а таксама пераважныя кірункі іх абароны і забесьпячэньня<ref name="а">{{Кніга|аўтар=[[Анатоль Тозік]].|частка=Нацыянальная бясьпека|загаловак=[[Беларуская энцыкляпэдыя]] ў 18 тамах|арыгінал=|спасылка=https://knihi.com/none/Bielaruskaja_encyklapiedyja_djvu.zip.html|адказны=гал.рэд. [[Генадзь Пашкоў]]|выданьне=|месца=Менск|выдавецтва=[[Беларуская энцыкляпэдыя імя Петруся Броўкі]]|год=2000|том=[https://files.knihi.com/Knihi/Slounik/Bielaruskaja_encyklapedyja.djvu.zip/Bielaruskaja_encyklapedyja.08.djvu 11: Мугір — Паліклініка]|старонкі=[https://files.knihi.com/preview/Knihi/Slounik/Bielaruskaja_encyklapedyja.djvu.zip/Bielaruskaja_encyklapedyja.11.djvu/226_996x9999.jpeg 226]|старонак=560|сэрыя=|isbn=985-11-0188-5|наклад=10 000}}</ref>. Прадугледжвае забесьпячэньне канстытуцыйных правоў і [[свабода]]ў ды належную якасьць жыцьця грамадзянаў, а таксама [[незалежнасьць]], тэрытарыяльную цэласнасьць, [[сувэрэнітэт]] і ўстойлівае разьвіцьцё дзяржавы<ref name="б">{{Кніга|аўтар=[[Леанід Мальцаў]].|частка=Нацыянальная бясьпека|загаловак=[[Ваенная энцыкляпэдыя Беларусі]]|арыгінал=|спасылка=|адказны=гал.рэд. [[Ларыса Языковіч]], маст. [[Віктар Ляхар]]|выданьне=|месца=Менск|выдавецтва=[[Беларуская энцыкляпэдыя імя Петруся Броўкі]]|год=2010|том=|старонкі=690|старонак=1136|сэрыя=|isbn=978-985-11-0542-3|наклад=2100}}</ref>.

== Галіны ==
* ''Вайсковая''. Прадугледжвае ўмацаваньне ў грамадзтве пачуцьця [[патрыятызм]]у і гатоўнасьці да абароны нацыянальных зацікаўленасьцяў. Улучае спраўнае стратэгічнае [[стрымліваньне]] дзеля зарукі падтрыманьня [[мір]]у, міжкраёвай [[Бясьпека|бясьпекі]] і прадухіленьня пагрозы выкарыстаньня вайсковай сілы. Мае на ўвазе забясьпячэньне абароны незалежнасьці, тэрытарыяльнай цэласнасьці і сувэрэнітэту дзяржавы ў выпадкі выкарыстаньня супраць яе вайсковай сілы і пагрозы сілай. Прадугледжвае разьвіцьцё вайсковых установаў дзяржавы і падтрыманьне ўзроўню абаронных магчымасьцяў, адпаведных здольнасьцям дзяржавы і дастатковых для рашэньня задачаў мірнага і [[Вайна|ваеннага]] часу. Зьмяшчае ў сабе ўмацаваньне міжнародных і міжкраёвых дамоваў зарукі вайсковай бясьпекі, супрацы і [[давер]]у. Улучае пасьлядоўнае разьвіцьцё і ўмацаваньне вайсковай і вайскова-тэхнічнай супрацы з хаўруснымі дзяржавамі, а таксама павышэньне спраўнасьці ўстановаў супольнай бясьпекі.
* ''Весткавая''. Зьмяшчае ў сабе ажыцьцяўленьне законных правоў грамадзянаў на атрыманьне, захаваньне і распаўсюд поўных, дакладных і своечасовых [[Зьвесткі|зьвестак]]. Прадугледжвае ўтварэньне і паступальнае разьвіцьцё весткавага грамадзтва і паўнапраўны ўдзел дзяржавы ў міжнародных весткавых дачыненьнях. Мае на ўвазе пераўтварэньне весткавай галіны ў экспартную галіну народнай гаспадаркі і спраўнае весткавае забесьпячэньне дзяржаўнага кіраваньня. Таксама прадугледжвае забесьпячэньне надзейнасьці і ўстойлівасьці існаваньня крытычна важнай інфраструктуры вяшчаньня.
* ''Гаспадарчая''. Мае на ўвазе гаспадарчы рост і павышэньне спабораздольнасьці народнай гаспадаркі на падставе перабудовы, устойлівага ўкараненьня новаўвядзеньняў, укладаньняў у [[чалавечы капітал]], асучасьніваньня гаспадарчых дачыненьняў, зьніжэньня сабе[[кошт]]у, матэрыялаёмістасьці і [[імпарт]]азалежнасьці вытворчасьці. Прадугледжвае захаваньне ўстойлівасьці дзяржаўнага фінансавага і грашова-[[Пазыка|пазыковага]] ладу, а таксама забесьпячэньне поўнапраўнага доступу на замежныя рынкі [[тавар]]аў і [[паслуга]]ў, сыравіны і энэргіі. Зьмяшчае ў сабе дасягненьне энэргетычнай бясьпекі для палагоджаньня залежнасьці ад вонкавага паступленьня энэргарэсурсаў і падтрыманьне харчовай бясьпекі. Улучае перадачу сучасных распрацовак у гаспадарку дзяржавы пераважна за кошт [[Наўпроставыя ўкладаньні|наўпроставых укладаньняў]] і даступнасьць пазыкаў.
* ''Грамадзкая''. Прадугледжвае задавальненьне асноўных маёмасных патрэбаў грамадзянаў, зьмяншэньне адмоўных наступстваў маёмаснага расслаеньня і напружанасьці ў грамадзтве. Мае на ўвазе заруку бясьпекі жыцьцядзейнасьці [[насельніцтва]], зьніжэньне ўзроўню [[Злачынства|злачыннасьці]] і крыміналізацыі грамадзтва. Улучае забесьпячэньне занятасьці працаздольных грамадзянаў і годнага ўзроўню аплаты працы, а таксама разьвіцьцё разумовых і духоўных магчымасьцяў грамадзтва, захаваньне і прымнажэньне культурнай спадчыны. Урэшце, прадугледжвае забесьпячэньне суладнага разьвіцьця міжэтнічных і міжверавальных дачыненьняў, а таксама павышэньне духу патрыятызму.
* ''Дэмаграфічная''. Улучае ўстойлівы рост колькасьці [[народ]]у на падставе пасьлядоўнага павелічэньня [[Нараджальнасьць|нараджальнасьці]] і чаканай [[Працягласьць жыцьця|працягласьці жыцьця]], а таксама зьніжэньня [[Сьмяротнасьць|сьмяротнасьці]] насельніцтва. Мае на ўвазе павышэньне агульнага ўзроўню здароўя населльніцтва ды ахову здароўя [[Дзіця|дзяцей]] і матуляў у прыватнасьці. Прадугледжвае ўмацаваньне грамадзкага ўстою [[Сям’я|сям’і]] для найбольш спрыяльнага ажыцьцяўленьня патрэбы ў дзецях і іх [[Выхаваньне|выхаваньні]]. Таксама ўлучае мэтавасьць вонкавых і ўнутраных патокаў [[Перасяленьне|перасяленьня]] ды забесьпячэньне дадатнага сальда вонкавага перасяленьня [[Эканамічна актыўнае насельніцтва|эканамічна актыўнага насельніцтва]].
* ''Навукова-тэхнічная''. Мае на ўвазе ўтварэньне народнай гаспадаркі на падставе [[Веды|ведаў]] і забесьпячэньне разьвіцьця [[Навука|навукі]] дзеля ўстойлівага ўкараненьня распрацовак. Прадугледжвае стварэньне вытворчасьцяў і галінаў гаспадаркі перадавога [[Тэхналягічны ўклад|тэхналягічнага ўкладу]], шпаркае абнаўленьне абсталяваньня ў асноўных галінах гаспадаркі і ўкараненьне перадавых распрацовак ва ўсіх галінах жыцьцядзейнасьці грамадзтва. Улучае пашырэньне прысутнасьці на міжнародным рынку [[Інтэлектуальная ўласнасьць|інтэлектуальнай уласнасьці]], навукаёмістых тавараў і паслугаў, узаемавыгадную міжнародную навукова-тэхнічную супрацу і прыцягненьне ў народную гаспадарку распрацовак міжнароднага ўзроўню.
* ''Палітычная''. Мае на ўвазе захаваньне законных правоў і свабодаў чалавека, а таксама ўстойлівае разьвіцьцё народнай, прававой і адказнай перад грамадзтвам дзяржавы. Прадугледжвае дасягненьне ўраўнаважанасьці палітычных зацікаўленасьцяў грамадзянаў, [[Грамадзкае аб’яднаньне|грамадзкіх аб’яднаньняў]] і дзяржавы, грамадзкай згоды ў ключавых справах разьвіцьця краіны. Зьмяшчае ў сабе разьвіцьцё [[Грамадзянская супольнасьць|грамадзянскай супольнасьці]] з улікам народных [[традыцыя]]ў і асаблівасьцяў, а таксама спраўнае супрацьдзеяньне [[Хабарніцтва|хабарніцтву]]. Улучае ўтварэньне [[Міжнародны лад|міжнароднага ладу]] на падставе вяршэнства [[Міжнароднае права|міжнароднага права]] і шматбаковай супрацы, якія забясьпечваюць удзел дзяржавы ў вырашэньні справаў, якія закранаюць яе зацікаўленасьці. Прадугледжвае ўдасканаленьне і ўмацаваньне дамоваў зарукі нацыянальнай і [[Супольная бясьпека|супольнай бясьпекі]] з удзелам дзяржавы на сусьветным, міжкраёвым і двухбаковым узроўнях, а таксама наданьне міжнароднай бясьпецы ўсёабдымнасьці і шматскладовасьці. Мае на ўвазе карысныя ўзаеміны зь [[Вялікая дзяржава|вялікімі дзяржавамі]], заснаваныя на спраўнай шматбаковай і шматкірункавай [[Дыпляматыя|дыпляматыі]], стратэгічнай супрацы і асаблівых стасунках зь сяброўскімі дзяржавамі, раўнапраўных узаемінах і ўзаемным уліку зацікаўленасьцяў. Прадугледжвае міжнародную паставу дзяржавы за мяжой у якасьці прызнанай грамадзтвам і прававой, а таксама ў якасьці адказнай і прадказальнай супольніцы ды пастаўніцы міжнароднай і міжкраёвай бясьпекі. Урэшце, зьмяшчае ў сабе забесьпячэньне абароны правоў [[Дыяспара|суайчыньнікаў]] і салідарнасьці з дыяспарай за мяжой дзеля моцы і росквіту дзяржавы<ref>{{Навіна|аўтар=|загаловак=§ 9-1. Геапалітычнае становішча і нацыянальныя інтарэсы Рэспублікі Беларусь|спасылка=http://profil.adu.by/mod/book/view.php?id=5808&chapterid=19979|выдавец=Партал «Профільнае навучаньне»|дата публікацыі=2021|дата доступу=23 лютага 2022}}</ref>.

== Беларусь ==
Паводле 79-га артыкула [[Канстытуцыя Беларусі|Канстытуцыі Беларусі]] 1994 году, прэзыдэнт прымае захады аховы нацыянальнай бясьпекі Рэспублікі Беларусь. Згодна з 23-м артыкулам абмежаваньне [[Правы чалавека|правоў]] і [[свабода]]ў асобы дапускаецца толькі ў выпадках, прадугледжаных [[Закон (права)|законам]], у інтарэсах нацыянальнай бясьпекі<ref>{{Навіна|аўтар=А. Лукашэнка|загаловак=Канстытуцыя 1994 году са зьмяненьнямі і дапаўненьнямі|спасылка=https://pravo.by/pravovaya-informatsiya/pomniki-gistoryi-prava-belarusi/kanstytutsyynae-prava-belarusi/kanstytutsyi-belarusi/kanstytutsyya-1994-goda-sa-zmyanennyami-i-dapa-nennyami-/|выдавец=[[Нацыянальны прававы партал Беларусі]]|дата публікацыі=2004|дата доступу=23 лютага 2022}}</ref>. У 1994 годзе Найвышэйшыя курсы [[Камітэт дзяржаўнай бясьпекі Беларусі|Камітэту дзяржаўнай бясьпекі Беларусі]] пераўтварылі ў [[Інстытут нацыянальнай бясьпекі Беларусі]], які на 1999 год меў 3 факультэты, 11 катэдраў і [[Дактарантура|дактарантуру]]<ref>{{Кніга|аўтар=[[Станіслаў Князеў]].|частка=Нацыянальнай бясьпекі інстытут|загаловак=Беларуская энцыкляпэдыя ў 18 тамах|арыгінал=|спасылка=|адказны=гал.рэд. Генадзь Пашкоў|выданьне=|месца=Менск|выдавецтва=[[Беларуская энцыкляпэдыя імя Петруся Броўкі]]|год=2000|том=11: Мугір — Паліклініка|старонкі=226|старонак=560|сэрыя=|isbn=985-11-0188-5|наклад=}}</ref>. У 1995 годзе [[Рада бясьпекі Беларусі]] ўхваліла [[Канцэпцыя|Канцэпцыю]] нацыянальнай бясьпекі, у якой акрэсьліла зьмест і будову нацбясьпекі Беларусі як незалежнай дзяржавы, падставы і кірункі ўтварэньня ўстановаў нацбясьпекі, а таксама гаспадарчыя і прававыя акалічнасьці іх існаваньня. [[Прэзыдэнт Беларусі]] кіраваў установамі нацбясьпекі, утвараў і ўзначальваў Раду бясьпекі Беларусі, што разглядала адпаведныя справы і ўзгадняла дзейнасьць органаў [[Выканаўчая ўлада|выканаўчай]], [[Заканадаўчая ўлада|заканадаўчай]] і [[Судовая ўлада|судовай]] улады ў галіне яе забесьпячэньня<ref name="а"/>. [[Крымінальны кодэкс Беларусі]] 1999 году прадугледжваў [[пазбаўленьне волі]] за «прычыненьне шкоды нацыянальнай бясьпецы Рэспублікі Беларусь» паводле 3-х артыкулаў: 1) «[[здрада дзяржаве]]» (артыкул 356) — ад 7 да 15 гадоў, 2) «[[агентурная дзейнасьць]]» (арт. 358<sup>1</sup>) — ад 3-х да 7 гадоў, 3) заклік да абмежавальных захадаў (арт. 461) — да 6 гадоў<ref>{{Навіна|аўтар=А. Лукашэнка|загаловак=Крымінальны кодэкс Рэспублікі Беларусь ад 9 ліпеня 1999 г. № 275-З|спасылка=https://pravo.by/document/?guid=3871&p0=hk9900275|выдавец=Нацыянальны прававы партал Беларусі|мова=ru|дата публікацыі=11 студзеня 2022|дата доступу=23 лютага 2022}}</ref>. Канцэпцыя нацыянальнай бясьпекі Беларусі 2010 году, якая замяніла канцэпцыю 2001 году, вызначала стратэгічныя і асноўныя [[нацыянальныя зацікаўленасьці]], пагрозы і іх крыніцы, мэту і задачы, падставы і напрамкі яе забесьпячэньня, склад і прызначэньне ўстановаў забесьпячэньня нацбясьпекі, а таксама паказьнікі яе стану<ref name="б"/>.

18 сакавіка 2019 году Рада бясьпекі Беларусі ўхваліла Пастанову № 1 «Аб Канцэпцыі [[Інфармацыйная бясьпека|інфармацыйнай бясьпекі]] Рэспублікі Беларусь», якая зьмяшчала ўмовы падрыхтоўкі адмыслоўцаў у гэтай галіне. Таксама прадугледжвалася выкарыстаньне міжнародных рэйтынгаў стану інфабясьпекі. Акрэсьлівалася абарона [[банк]]аўскай, [[Камэрцыйная таямніца|камэрцыйнай]] і прафэсійнай таямніцы. Адказ на інфавыклік і пагрозу меў ажыцьцяўляцца ўсімі без выключэньня дзяржаўнымі ўстановамі ў адпаведнасьці з галіной дзейнасьці як мага поўна і безадкладна. Канцэпцыя зыходзіла з [[Геапалітыка|геапалітычных]] зацікаўленасьцяў Беларусі і грунтавалася на двух- і шматбаковых пагадненьнях аб супрацы ў галіне інфабясьпекі. Таксама ўлічваліся адпаведныя рашэньні [[Генэральная асамблея ААН|Генэральнай асамблеі ААН]] (ЗША) і парады [[Арганізацыя бясьпекі і супрацы ў Эўропе|Арганізацыі бясьпекі і супрацы ў Эўропе]] (Аўстрыя). У якасьці выклікаў і пагрозаў дзяржаўнаму ладу і жыцьцядзейнасьці дзяржавы прызнаваліся [[маніпуляваньне]] масавай сьвядомасьцю, [[дыскрэдытацыя]] ідэалаў і [[Каштоўнасьць|каштоўнасьцяў]], размываньне дзяржаўнага сувэрэнітэту і няўстойлівасьць інфармацыйнай інфраструктуры<ref>{{Навіна|аўтар=|загаловак=Апублікаваны поўны тэкст Канцэпцыі інфармацыйнай бясьпекі Беларусі|спасылка=https://zviazda.by/be/news/20190319/1552977914-apublikavany-pouny-tekst-kancepcyi-infarmacyynay-byaspeki-belarusi|выдавец=Газэта «[[Зьвязда]]»|дата публікацыі=22 сакавіка 2019|дата доступу=23 лютага 2022}}</ref>. Канцэпцыя складалася са 105 артыкулаў у складзе 7 разьдзелаў: 1) «Агульныя палажэньні», 2) «Стан і разьвіцьцё інфармацыйнай сфэры ў Рэспубліцы Беларусь», 3) «Дзяржаўная палітыка забесьпячэньня інфармацыйнай бясьпекі», 4) «Бясьпека інфармацыйнай прасторы як адна з найважнейшых умоваў разьвіцьця сувэрэннай, дэмакратычнай сацыяльнай дзяржавы», 5) «Забесьпячэньне бясьпекі інфармацыйнай інфраструктуры», 6) «Забесьпячэньне бясьпекі інфармацыйных рэсурсаў», 7) «Мэханізмы рэалізацыі канцэпцыі». Сярод іншага, у 48-м артыкуле згадвалася: «[[Беларуская мова]] разам з канстытуцыйна замацаваным у дзяржаве [[дзьвюхмоўе]]м садзейнічае павышэньню [[Нацыянальная самасьвядомасьць|нацыянальнай самасвядомасьці]] беларускага грамадзтва і фармаваньню яго духоўнасьці. Пашырэнне сацыяльных функцыяў і [[Зносіны|камунікатыўных]] магчымасьцяў беларускай мовы, яе паўнавартаснае і ўсебаковае разьвіцьцё разам зь іншымі элемэнтамі нацыянальнай [[Культура|культуры]] выступаюць гарантам гуманітарнай бясьпекі дзяржавы»<ref>{{Артыкул|аўтар=|загаловак=Канцэпцыя інфармацыйнай бясьпекі Рэспублікі Беларусь|спасылка=https://zviazda.by/be/news/20190326/1553587194-kancepcyya-infarmacyynay-byaspeki-respubliki-belarus|выданьне=[[Зьвязда]]|тып=газэта|год=26 сакавіка 2019|нумар=[https://zviazda.by/be/number/56-28923 56 (28923)]|старонкі=[https://zviazda.by/sites/default/files/26sak-5_optim.pdf 5]—[https://zviazda.by/sites/default/files/26sak-8_optim.pdf 9]|issn=1990-763x}}</ref>. Папярэдне ў ходзе распрацоўкі канцэпцыі Дзяржаўны сакратарыят Рады бясьпекі Беларусі правёў каля 20 аналітычных [[Дасьледаваньне|дасьледаваньняў]]<ref>{{Артыкул|аўтар=Уладзіслаў Лукашэвіч.|загаловак=Вынікі каля 20 дасьледаваньняў|спасылка=https://zviazda.by/be/news/20190313/1552463333-vyniki-kalya-20-dasledavannyau-lyagli-u-asnovu-kancepcyi-infarmacyynay|выданьне=[[Зьвязда]]|тып=|год=13 сакавіка 2019|нумар=[https://zviazda.by/be/number/47-28914 47 (28914)]|старонкі=[https://zviazda.by/sites/default/files/13sak-3_optim_0.pdf 3]|issn=}}</ref>. Агулам над праектам працавалі адмыслоўцы з 20 дзяржаўных установаў, у тым ліку [[СМІ]], навуковых установаў і [[Нацыянальны сход Беларусі|Нацыянальнага сходу Беларусі]]. 3 красавіка 2019 году старшыня Пастаяннай камісіі [[Палата прадстаўнікоў Беларусі|Палаты прадстаўнікоў Беларусі]] па адукацыі, культуры і навуцы [[Ігар Марзалюк]] адзначыў: «распрацоўнікі канцэпцыі, дэталёва прааналізавалі досьвед усяго сьвету, глядзелі і расейскі, і польскі аналягі. Але Канцэпцыя [[Вялікабрытанія|Вялікабрытаніі]] аб інфармацыйнай бясьпецы, з нашага пункту гледжаньня, — адна з самых разьвітых. Многія прынцыпы, якія характэрныя для [[Англасаксонскае права|англасаксонскага права]] і брытанскай традыцыі, выкарыстаныя ў Канцэпцыі інфармацыйнай бясьпекі Рэспублікі Беларусь». Дэпутат Марзалюк згадаў: «Я непасрэдна прычыніўся да 4-га разьдзелу канцэпцыі, пункты якога зьвязаныя з традыцыйнымі каштоўнасьцямі народу, роляй беларускай мовы і гістарычнай палітыкі»<ref>{{Артыкул|аўтар=Марыя Дадалка.|загаловак=Ад мовы да несупярэчлівай гісторыі|спасылка=https://zviazda.by/be/news/20190403/1554308613-gavorym-ab-kancepcyi-infarmacyynay-byaspeki-z-adnym-z-yae-autarau|выданьне=Зьвязда|тып=|год=4 красавіка 2019|нумар=[https://zviazda.by/be/number/63-28930 63 (28930)]|старонкі=[https://zviazda.by/sites/default/files/4kra-1_optim_0.pdf 1], [https://zviazda.by/sites/default/files/4kra-13_optim_0.pdf 13]|issn=}}</ref>.

== Крыніцы ==
{{Крыніцы}}

== Вонкавыя спасылкі ==
* {{Навіна|аўтар=|загаловак=Нацыянальная бясьпека|спасылка=https://zviazda.by/be/tags/nacyyanalnaya-byaspeka|выдавец=Газэта «[[Зьвязда]]»|дата публікацыі=18 сакавіка 2021|дата доступу=23 лютага 2022}}
* {{Навіна|аўтар=|загаловак=Нацыянальная бясьпека|спасылка=https://bisr.gov.by/be/nacyyanalnaya-byaspeka|выдавец=[[Беларускі інстытут стратэгічных дасьледаваньняў]]|дата публікацыі=29 ліпеня 2021|дата доступу=23 лютага 2022}}
* {{Навіна|аўтар=|загаловак=Нацыянальная бясьпека|спасылка=https://nastgaz.by/tag/natsyyanalnaya-byaspeka/|выдавец=«[[Настаўніцкая газэта]]»|дата публікацыі=11 чэрвеня 2020|дата доступу=23 лютага 2022}}
* {{Навіна|аўтар=|загаловак=Нацыянальная бясьпека|спасылка=https://bel.sputnik.by/keyword_Nacyjanalnaja_bjaspeka/|выдавец=[[Спадарожнік (радыё)|Радыё «Спадарожнік»]]|дата публікацыі=1 кастрычніка 2021|дата доступу=23 лютага 2022}}
* {{Навіна|аўтар=|загаловак=Указ прэзыдэнта Рэспублікі Беларусь ад 9 лістапада 2010 г. № 575 «Аб зацьвярджэньні Канцэпцыі нацыянальнай бясьпекі Рэспублікі Беларусь»|спасылка=https://pravo.by/document/?guid=3871&p0=P31000575|выдавец=[[Нацыянальны прававы партал Беларусі]]|мова=ru|дата публікацыі=30 студзеня 2014|дата доступу=23 лютага 2022}}

{{Накід}}
{{Бібліяінфармацыя}}
[[Катэгорыя:Нацыянальная бясьпека]]
[[Катэгорыя:Палітычныя тэрміны]]
[[Катэгорыя:Адміністрацыйнае права]]
[[Катэгорыя:Крымінальнае права]]
[[Катэгорыя:Крыміналёгія]]
[[Катэгорыя:Замежная палітыка]]