Прагляд крыніцы для Абраз Маці Божай Жыровіцкай

{{Карціна
|Назва = Жыровіцкі абраз Маці Божай
|Выява = Abraz Maci Вožaj Žyrovickaj.jpg
|Подпіс выявы = 
|Мастак = 
|Год = 1470
|Тып = [[абраз]]
|Вышыня = 56
|Шырыня = 44 мм<ref name="а"/>
|Музэй = 
|Горад = [[Жыровічы]]
|Уладальнік = [[Жыровіцкі манастыр]]
}}
'''Жыро́віцкі абра́з Ма́ці Бо́жай''' — хрысьціянская сьвятыня, ушаноўваецца праваслаўнай і грэка-каталіцкай цэрквамі як цудатворны. Знаходзіцца ў [[Жыровіцкі манастыр|Жыровіцкім Сьвята-Ўсьпенскім мужчынскім манастыры]].

Падзею знаходжаньня абраза ў 1470 годзе сьвяткуюць [[20 траўня]]. Найменшы паводле памеру з [[Абраз Багародзіцы|абразоў Багародзіцы]] ў Беларусі. Уяўляе сабой рэльефную выяву [[Багародзіца|Багародзіцы]] зь дзіцяткам [[Ісус]]ам на руках. Выразаны на [[Яшма|яшме]] і зьмяшчаецца ў акладзе. Адносіцца да віду абразоў «[[Замілаваньне (абраз)|Замілаваньне]]», калі шчака Багародзіцы прыхінаецца да шчакі дзіцяці<ref name="а">{{Артыкул|аўтар=Ларыса Цімошык.|загаловак=Прыцягненьне|спасылка=https://zviazda.by/be/news/20140513/1400014364-prycyagnenne|выданьне=[[Зьвязда]]|тып=газэта|год=14 траўня 2014|нумар=[https://zviazda.by/be/number/87-27697 87 (27607)]|старонкі=[https://zviazda.by/sites/default/files/pdf/2014/05/14may-6.indd_.pdf 6]|issn=1990-763x}}</ref>.

== Гісторыя ==
3ьяўленьне Жыровіцкага абраза Маці Божай на жыровіцкай зямлі папярэдзіў цуд. У 1470 г. пастушкі, якія пасьвілі ў лесе жывёлу ўбачылі аднойчы на дзікай грушцы нейкі прадмет, ад якога ва ўсе бакі разыходзіліся ясныя прамяні. Гэта быў маленькі абразок Маці Божай, які зьзяў незвычайным бляскам. Хлопчыкі забралі яго і занесьлі да свайго пана — літоўскага падскарбія Аляксандра Солтана, які загадаў пабудаваць на тым месцы драўляную сьвятыню. Слава цудоўнага абраза пачала прыцягваць да [[Жыровічы|Жыровічаў]] вялікую колькасьць набожнага люду.
 
Празь некалькі дзясяткаў гадоў маленькая драўляная каплічка раптам згарэла — на вачах уражаных жыхароў над алтаром абвалілася столь і абраз зьнік у агні. Пазьней, каля папялішча дзеці заўважылі Панну незвычайнай прыгажосьці, акружаную яснымі праменьнямі. Калі на гэтае месца прыйшлі сьвятары, яны знайшлі на камяні некрануты цудоўны абраз, перад якім палілася сьвечка.

У часы [[Рэфармацыя|Рэфармацыі]], якая ігнаравала Багародзіцу, культ жыровіцкага абраза амаль не пашыраўся. У 1613 г. тагачасны ўладальнік Жыровічаў, Ян Мялешка пабудаваў тут мураваную сьвятыню і кляштар і запрасіў да працы базыліянаў. Першым прыорам кляштару быў [[Язафат Кунцэвіч]]. Разьмешчаныя на мяжы Літвы, Русі і Кароны, Жыровічы маглі аб’ядноўваць вернікаў, што ўслаўлялі Маці Божую, і стваралі адну хрысьціянскую сям’ю. Шматлікія цудоўныя аздараўленьні невылечна хворых і іншыя незвычайныя цуды, якія адбываліся тут, прыцягвалі да сьвятога месца тысячныя натоўпы, таму слава мястэчка пашыралася далёка за межы краіны. Жыровічы ня ведалі непаразуменьняў і нянавісьці: панавала адзіная вера, якая яднала розныя канфэсіі.

19 верасьня 1730 году адбылася каранацыя Жыровіцкай Іконы Багародзіцы папскімі каронамі. Гэта было сьвята Раства Багародзіцы па [[юліянскі каляндар|юліянскім календары]], а розьніца паміж календарамі юліянскім і [[Грыгарыянскі каляндар|грыгарыянскім]] складала ў XVIII стагодзьдзі 11 дзён. Папам Рымскім быў тады [[Клімэнт XII]], але рашэньне «ўзлажыць на галаву Богадзіцяці Ісуса і багародзіцы Дзевы ў Жыровіцах у царкве айцоў ордэна Сьв. Васіля, Кіеўскага дыяцэза, залатыя кароны» было прынята яшчэ ў 1726 годзе, у час пантыфікату Папы [[Бэнэдыкт XIII|Бэнэдыкта XIII]]. Княгіня [[Ганна Сангушка]] ахвяравала Маці Божай дзьве залатыя кароны, аздобленыя каштоўнымі камянямі.

У 1839 г. царскім указам сьвятыня з абразам Маці Божай Жыровіцкай былі перададзена праваслаўнай Царкве.

Падчас Першай сусьветнай вайны Жыровіцкі абраз Багародзіцы вывезьлі ў маскоўскі [[Сабор Васіля Шчаснага (Масква)|сабор Васіля Шчаснага]]. У 1918 годзе яго перавезьлі ў падмаскоўны [[Кацярынінскі манастыр (Віднае)|Кацярынінскі манастыр]] ў [[Віднае (Расея)|Растаргуева]]. У 1922 годзе жыровіцкі архімандрыт [[Ціхан (Шарапаў)]] вярнуў яго ў Жыровіцкі манастыр. У жніўні 1941 году [[архімандрыт]] [[Серафім Жыровіцкі]] (Шахмуць) выехаў у Менск для [[місіянэрства]], куды вывозіў абраз з сабой<ref name="а"/>.

Сьвята Жыровіцкай Божай Маці сьвяткуецца штогод 7 траўня.

== Крыніцы ==
{{Крыніцы}}

{{Жыровіцкі манастыр}}
{{Цудатворныя абразы Беларусі}}

[[Катэгорыя:Жыровіцкі манастыр]]
[[Катэгорыя:Рэлігія ў Гарадзенскай вобласьці]]
[[Катэгорыя:Іканаграфія Багародзіцы]]
[[Катэгорыя:Зьявіліся ў 1470 годзе]]