Яўген Іваненка
| Яўген Іваненка | ||
| Пэрсанальная інфармацыя | ||
|---|---|---|
| Нарадзіўся | 22 сьнежня 1995[1][2] (28 гадоў) | |
| Рост | 184 см | |
| Вага | 85 кг[3] | |
| Пазыцыя | брамнік | |
| Клюбная інфармацыя | ||
| Клюб | Славія Мазыр | |
| Нумар | 22 | |
| Клюбы | ||
| Гады | Клюб | Гульні (галы)¹ |
| 2014— | Славія Мазыр | 10 (0) |
| 2015 | → Хімік | 19 (0) |
| 2018 | → Мікашэвічы | 1 (0) |
| 2020—2021 | → Гомель | 21 (0) |
|
¹ Колькасьць гульняў і галоў за прафэсійны клюб лічыцца толькі | ||
Яўге́н Іване́нка (нар. 22 сьнежня 1995 году) — беларускі футбаліст, брамнік мазырскай «Славіі».
Кар’ера[рэдагаваць | рэдагаваць крыніцу]
Выхаванец мазырскага футболу. У красавіку 2014 году падпісаў першы кантракт зь мясцовай «Славіяй». Быў другім брамнікам у камандзе пасьля Уладзімера Гаева. У сэзоне 2014 году браў удзел у трох матчах. У пачатку 2015 году, пасьля выхаду «Славіі» ў Найвышэйшую лігу, быў аддадзены ў арэнду шацілавіцкаму «Хіміку», дзе быў адным з асноўных брамнікаў. У 2016 годзе вярнуўся ў «Славію», быў рэзэрвовым брамнікам, гуляў таксама за дубль.
У першай палове 2018 году быў другім брамнікам мазырчукоў у Першай лізе, а ў жніўні быў арандаваны мікашэвіцкім «Гранітам», дзе таксама быў другім брамнікам. У пачатку 2019 году зноў апынуўся ў дублі «Славіі». Дэбютаваў у Найвышэйшай лізе 9 лістапада 2019 году ў матчы супраць салігорскага «Шахцёра» (1:5), калі ў першым тайме замяніў траўмаванага Радзівона Сямука.
У першай палове 2020 году зноў гуляў за дубль, а ў ліпені быў аддадзены ў арэнду «Гомлю»[4]. У сьнежні 2020 году вярнуўся ў «Славію»[5]. У пачатку 2021 году трэнаваўся разам з мазырчукамі, а ў лютым зноў быў арандаваны «Гомлем»[6]. Пачынаў сэзон другім брамнікам пасьля Алега Кавалёва, а зь лета замацаваўся ў пачатковым складзе. У лістападзе 2021 году па заканчэньні арэнды пакінуў гомельскі клюб[7]. З 2022 году быў рэзэрвовым брамнікам «Славіі». У лютым 2024 году падоўжыў кантракт з мазырскім клюбам[8].
Крыніцы[рэдагаваць | рэдагаваць крыніцу]
- ^ а б в https://www.pressball.by/footballstat/evgeni_ivanenko/
- ^ а б в Evgeni Ivanenko // Transfermarkt (мн.) — 2000.
- ^ а б в г https://fcslavia.by/ru/player/ivanenko-0
- ^ "Гомель" арендовал у "Славии" Иваненко (рас.)
- ^ Возвращение Янсане: Беларусь или Казахстан? (рас.) Архіўная копія ад 2021-05-06 г.
- ^ "Славия" подписала контракт с Альшаником и отдала Иваненко в аренду "Гомелю" (рас.)
- ^ Арендованные игроки «Гомеля» вернулись в расположение своих клубов (рас.) Афіцыйны сайт «Гомля»
- ^ Евгений Иваненко подписал контракт со "Славией" (рас.)
Вонкавыя спасылкі[рэдагаваць | рэдагаваць крыніцу]
- Статыстыка «ПБ-Инфо» (рас.)
- Профіль (анг.) на Transfermarkt
- Профіль (анг.) на Soccerway