Адрыяна Чэлентана

Адрыяна Чэлентана
Adriano Celentano
Дата нараджэньня	6 студзеня 1938(1938-01-06)[…] (86 гадоў)
Месца нараджэньня	Мілян, Італія
Грамадзянства	Італія
Занятак	сьпявак, актор, рэжысэр, кампазытар
Гады дзейнасьці	1957 — цяпер
Жанры	поп, поп-рок, італё-дыска[d], сынці-поп, рок-н-рол, сўінг, лёгкая музыка[d] і лёгкая канцэртная музыка[d]
Дзеці	Разалінда Чэлентана, Разіта Чэлентана[d] і Джакама Чэлентана[d]
Узнагароды	«Давід ды Данатэльлё» за найлепшую мужчынскую ролю[d] (1976) «Срэбная стужка» за найлепшую музыку да фільму[d] музычны фэстываль «Санрэма»[d]
IMDb	ID nm0147983
Сайт	clancelentano.it/… (італ.)
Подпіс
Адрыяна Чэлентана ў Вікісховішчы

Адрыя́на Чэлента́на (па-італьянску: Adriano Celentano; 6 студзеня 1938, Мілян, Італія) — знакаміты італьянскі актор, эстрадны сьпявак, кампазытар і рэжысэр. Грамадзкі дзеяч і вядучы тэлебачаньня. У Італіі атрымаў мянушку «Мolleggiato» (па-італьянску: на спружынах) — за сваю манеру рухацца на сцэне.

Жыцьцяпіс

Дзяцінства

Нарадзіўся ў Міляне на вуліцы Глюк, 14 (па-італьянску: Via Gluck, 14). Ён быў пятым дзіцём у сям’і, што пераехала з Апуліі на поўнач у пошуках працы. У Міляне Адрыяна правёў сваё дзяцінства і шмат гадоў пасьля ўспаміны пра тыя часы будуць асновай песьні, якая стала гітом «Il ragazzo della via Gluck» (па-беларуску: Хлопец з вуліцы Глюка). Яна была перакладзена на шмат моваў і ўваходзіць у абавязковую школьную праграму. З дванаццаці гадоў Адрыяна вучыўся ў школе і адначасова працаваў вучнем у зэгармістра. У той самы час ён пачынае цікавіцца музыкаю, асабліва рок-н-ролам, які ён пачуў упершыню ў 1955 годзе, пад час паказу «Школьных джунгляў», дзе была песьня «Rock Around the Clock» Біла Хэйлі. На гэты ўзор Чэлентана стварае свой рок-гурт «Rock Boys».

Музычная кар’ера

Фэстываль Сан-Рэма і Clan Celentano

Хутка «Rock Boys» прымае ўдзел у «Першым італьянскім фэстывалі рок-н-ролу», які адбыўся 18 траўня 1957 году ў Лядовым палацы Міляну. У конкурсе ўдзельнічалі шмат італьянскіх рок-гуртоў, кожны зь якіх павінен быў прадставіць журы тры ці чатыры песьні (кароткія, да 2 хвілінаў гучаньня). Гурт «Rock Boys» выступіў зь песьняю «Ciao ti dirò» (аўтары Джорджа Габер і Люіджы Тэнка), якая атрымала шалёны посьпех у гледачоў.

У 1958 годзе Чэлентана перамог на фэстывалі лёгкай музыкі ў горадзе Анкона, дзе выканаў кампазыцыю «Il tuo bacio è come un rock».

Azzurro

У 1968 годзе «Clan» выпусьціў альбом Azzurro/Una carezza in un pugno. Песьня «Azzurro» з альбому, музыку да якога напісаў Паола Контэ, зрабілася адной з самых вядомых ў рэпэртуары Адрыяна. Заўзятары футбольнай зборнай Італіі, якіх завуць «gli azzurri» (па-італьянску: сінія) абралі «Azzurro» ў якасьці неафіцыйнага гімну для чэмпіянату сьвету па футболе 2006 году. Паола Контэ таксама напісаў музыку да песьні «La coppia più bella del mondo» (па-італьянску: Самая прыгожая пара ў сьвеце), якая была выдадзеная яшчэ ў 1967 годзе ў выглядзе сынглу і засьпяваная дуэтам з Клаўдыяй Мары.

1970-я, Soli

У 70-я гады папулярнымі сталі сынглы Un albero di trenta piani, Prisencolinensinainciusol, Bellissima, Ti avro, Soli, Il tempo se ne va. Кампазыцыя Prisencolinensinainciusol — песьня якая складаецца зь незразумелых прыдуманых словаў, якія нічога не значаць, што сымбалізуе разьдзеленасьць людзей, немагчымасьць зразумець адзін аднаго, і выконваецца рэчытатывам, што магчыма расцэньваць як адзін зь першых рэп-выпрабаваньняў — доўгі час заставалася ў гары эўрапейскіх гіт-парадаў і патрапіла ў амэрыканскія поп-чарты. Напрыканцы 2009 кампазыцыя стала інтэрнэт-мемам. У 1979 выйшаў альбом Soli (па-італьянску: На самоце) — адзін з найбольш знакамітых альбомаў Чэлентана, створаны ў супрацы з Тота Кутуньё. Альбом пратрымаўся на верхавіне італьянскага гіт-параду 58 тыдняў. Тады ж, у 1979 годзе прайшоў канцэртны тур Чэлентана, які сабраў паўнюткія стадыёны па ўсёй краіне, пасьля чаго выў выдадзены канцэртны альбом Me Live!.

2000-я

У 2008 годзе выдаў альбом L’animale, дзе адна зь песень «Сны пра Чарнобыль» (Sognando Chernobyl), якая зьяўляецца адмысловай перасьцярогай для людзей, якія, на думку музыкі, зьнішчаюць сябе і плянэту. На гэтую песьню быў зьняты 10-хвілінны кліп.

Асабістае жыцьцё

У 1964 годзе ажаніўся з акторкаю Клаўдыяй Мары. У 1965 годзе нарадзілася дачка Разалінда Чэлентана, якая таксама здымаецца ў кіно.

Дыскаграфія

• Adriano Celentano con Giulio Libano e la sua orchestra (1960)
• Furore (1960)
• Peppermint twist (1962)
• A New Orleans (1963)
• Non mi dir (1965)
• La festa (1966)
• Il ragazzo della via Gluck (1966)
• Azzurro/Una carezza in un pugno (1968)
• Adriano Rock (1968)
• Le robe che ha detto Adriano (1969)
• Il forestiero (1970)
• Er più - Storia d'amore e di coltello (1971)
• I mali del secolo (1972)
• Nostal Rock (1973)
• Yuppi du (1975)
• Svalutation (1976)
• Disco dance (1977)
• Tecadisk (1977)
• Ti avrò (1978)
• Geppo il folle (1978)
• Soli (1979)
• Un po` artista un po` no (1980)
• Deus (1981)
• Uh...Uh... (1982)
• Atmosfera (1983)
• I miei americani (1984)
• Joan Lui (1985)
• I miei americani 2 (1986)
• La pubblica ottusità (1987)
• Il re degli ignoranti (1991)
• Quel punto (1994)
• Arrivano gli uomini (1996)
• Mina Celentano (1998)
• Io non so parlar d’amore (1999)
• Esco di rado e parlo ancora meno (2000)
• Per sempre (2002)
• C’è sempre un motivo (2004)
• L'indiano (самотнік, 2005)
• Dormi amore, la situazione non è buona (2007)
• Fantastica /La mia storia... (2007)
• L’animale (2008)

Фільмаграфія

• La dolce vita (1960)
• Il monaco di Monza (1963)
• Super rapina a Milano (1965)
• Serafino (1968)
• Er Più - storia d'amore e di coltello (1971)
• Bianco rosso e... (1972)
• L'emigrante (1973)
• Rugantino (1973)
• The Five Days aka Le Cinque Giornate (1973)
• Yuppi du (1974)
• Di che segno sei? (1975)
• Culastrisce nobile veneziano (1976)
• Bluff - storia di truffe e di imbroglioni (1976)
• Ecco noi per esempio (1977)
• L'altra metà del cielo (1977)
• Geppo il folle (1978)
• Zio Adolfo in arte Führer (1978)
• Mani di velluto (1979)
• La locandiera (1980)
• Qua la mano (1980)
• Sabato, domenica e venerdì (1980)
• Утаймаваньне свавольнага (1980)
• Innamorato pazzo (1981)
• Asso (1981)
• Bingo Bongo (1982)
• Grand Hotel Excelsior (1982)
• Segni particolari: bellissimo (1983)
• Sing Sing (1983)
• Lui è peggio di me (1984)
• Joan Lui (1985)
• Il burbero (1986)
• Jackpot (1991)