Янушкевіч (выдавецтва)

Выдавецтва «Янушкевіч»
Заснаваная	2014
Заснавальнікі	Андрэй Янушкевіч
Краіна	Беларусь; Польшча;
Разьмяшчэньне	Менск, вул. Мар’еўская 7А, офіс 10
Галіна	Выдавецкая
Прадукцыя	Кнігі
	https://januskevic.by/
	Выдавецтва «Янушкевіч» у Вікісховішчы

Выдавецтва «Янушкевіч» — беларускае выдавецтва. Заснавана ў сакавіку 2014 году гісторыкам Андрэем Янушкевічам і яго аднадумцамі^[1]. Выдавецтва спэцыялізуецца на выданьні беларускай, замежнай і гістарычнай літаратуры, займаецца падрыхтоўкай і выданьнем разнастайнай кніжнай прадукцыі.

Гісторыя[рэдагаваць | рэдагаваць крыніцу]

Стэнд выдавецтва «Янушкевіч» на XXVII Менскім міжнародным кніжным кірмашы, 2020 г.

Выдавецтва зарэгістраванае Міністэрствам інфармацыі Беларусі ў сакавіку 2014 году.

Першай кнігай, якая выйшла ў выдавецтве, была «Бітва пад Воршай 1514 года» польскага гісторыка Пятра Друджа. Пасьля яе выйшла кніга Анатоля Трафімчыка «1939 год і Беларусь. Забытая вайна»^[1].

У сьнежні 2016 году адкрыўся сайт інтэрнэт-кнігарні, які таксама ёсьць візытнай старонкай выдавецтва^[2].

Місія[рэдагаваць | рэдагаваць крыніцу]

Набліжаць гісторыю і літаратуру да людзей. Разьвіваць у Беларусі жанр non fiction, вельмі папулярны ва ўсім сьвеце. Кнігі выдавецтва па гісторыі напісаны сапраўднымі навукоўцамі, якія адказваюць за свае словы працяглым вывучэньнем крыніц у архівах і бібліятэках^[3].

Узнагароды[рэдагаваць | рэдагаваць крыніцу]

2020 год — Дыплём за найлепшыя продажы кнігі «Гары Потэр і філазофскі камень» у сетцы кнігарняў «Белкніга». На беларускую мову пераклад твора зрабіла Алена Пятровіч. У рэйтынгу ТОП-10 самых папулярных і найбольш прадаваных кніг ў сетцы «Белкніга» ў 2019-м годзе беларускі пераклад «Гары Потэр і філазофскі камень» заняў другое месца^[4]