Фры́дрых Ра́йнгальд Кро́йцвальд (па-нямецку: Friedrich Reinhold Kreutzwald; 26 сьнежня 1803 — 25 жніўня 1882, Тарту) — эстонскі паэт, пісьменьнік, фальклярыст, асьветнік, мэдык і грамадзкі дзеяч, пачынальнік эстонскай літаратуры.
Аўтар эстонскага гераічнага эпасу «Калевіпаэг» (1861). Акрамя таго, быў аўтарам паэтычных збораў (такіх як Viru lauliku laulud, 1865), гістарычных паэмаў (напр. Lembitu, 1885), сатыры і апавяданьняў. Пісаў навукова-папулярныя працы па этнаграфіі, гісторыі, геаграфіі і фальклёры. Апрацаваў таксама зборнікі народных песень і баек.