Аляксандар Заслаўскі (сын Януша)
 Герб «Баклай» | |
| Асабістыя зьвесткі | |
|---|---|
| Нарадзіўся | XVI стагодзьдзе |
| Памёр | не раней за 27 верасьня 1629 і не пазьней за 6 сьнежня 1629[1] |
| Род | Заслаўскія |
| Бацькі | Януш Заслаўскі Аляксандра з Сангушкаў |
| Жонка | Эўфрасіньня з Астроскіх |
| Дзеці | Уладзіслаў Дамінік |
Аляксандар Заслаўскі (па 1577—1629) — дзяржаўны дзяяч Рэчы Паспалітай. Кашталян валынскі (1605—1615), ваявода брацлаўскі (1615—1628) і кіеўскі (з 1628).
Па сьмерці бацькі атрымаў маёнткі роду Астроскіх (60 местаў і мястэчак). Трымаў Жытомірскае староства, II ардынат астроскі.
Біяграфія[рэдагаваць | рэдагаваць крыніцу]
З княскага роду Заслаўскіх гербу «Баклай», сын Януша і Аляксандры з Сангушкаў.
Атрымаў грунтоўную адукацыю ў заходнеэўрапейскіх унівэрсытэтах. Займаў шэраг высокіх дзяржаўных пасадаў.
Ажаніўся з Эўфрасіньняй Астроскай (шлюб у 1605), зь якой меў сыноў Францішка, Караля, Януша Базыля, Кастантына Аляксандра, Уладзіслава Дамініка і Януша Ізыдора, а таксама дачок Сузанну і Канстанцыю. На хросных бацькоў для сваіх дзяцей запрашаў убогіх і жабракоў[2].
У варшаўскай бібліятэцы аа. Капуцынаў захоўваюцца кнігі з прыватнай бібліятэкі А. Заслаўскага, у тым ліку: лац. Joan Herdani. De quatuor summis inferiis libri tres. Argentorati 1556; Opus chronologicum… auctore Jacobo Gordono Lesmoreo. Scoto. Societatis Jesu doctore theologo. Coloniae 1614; Petri Matthaei. Historiarum Franciae continuatarum… interprete Johanne Friderico Salveldt. Darmstadino. Francofurti 1613. Імаверна, кнігі патрапілі туды празь бібліятэку кляштару аа. Капуцынаў у Астрозе[3].
Крыніцы[рэдагаваць | рэдагаваць крыніцу]
- ^ Urzędnicy województw kijowskiego i czernihowskiego XV-XVIII wieku: spisy — Kórnik: Biblioteka Kórnicka, 2002. — С. 67. — 344 с. — ISBN 83-85213-37-6
- ^ Eustachy Heleniusz (Eustachy Antoni Iwanowski). Wspomnienia polskich czasów dawnych i późniejszych przez Eu......go Heleniusza. T. I. — Lwów, 1894. S. 102.
- ^ Rewski Z. Dawna biblioteka ks. Zasławskich w Ostrogu // Ziemia Wołyńska. 1939. Cz. 1. S. 13.
Літаратура[рэдагаваць | рэдагаваць крыніцу]
- Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0