Аўгустоў

Аўгустоў
Augustów
У цэнтры места
Герб Аўгустова
Першыя згадкі:	1555
Магдэбурскае права:	17 траўня 1557
Ваяводзтва:	Падляскае
Павет:	Аўгустоўскі
Плошча:	80,90 км²
Насельніцтва:	30 384 (2008)
Тэлефонны код:	+48 87
Паштовы індэкс:	16-300 — 16-303
Геаграфічныя каардынаты:	53°51′ пн. ш. 22°58′ у. д.
Аўгустоў на мапе Польшчы Аўгустоў
Галерэя здымкаў у Wikimedia Commons
Афіцыйны сайт

Аўгустоў, Аўгустаў (па-польску: Augustów) — места ў Падляскім ваяводзтве Польшчы, на рацэ Нета. Адміністрацыйны цэнтар Аўгустоўскага павету, сядзіба сельскай гміны Аўгустоў. Насельніцтва 30 384 чал. (2008).

Знаходзіцца за 90 км на поўнач ад Беластоку. Побач зь местам праходзіць заходняя мяжа этнічнай тэрыторыі беларусаў.

Геральдыка

У блакітным полі пад мітрай залатая манаграма S[igismundus] A[ugustus] і літары R[ex] P[oloniae]. Атрыманы ў 1561 г.

Гісторыя

Заснаваньне

Паселішча ўзьнікла на дзяржаўных землях, што знаходзіліся ў трыманьні Радзівілаў (Гарадзенскае і Кнышынскае староствы). У 1526 або 1527 годзе Я. М. Радзівіл заклаў карчму на рацэ Мета (Нета), на вялікім шляху з Горадні да Праўдзішак. У 1540 годзе каралева і вялікая княгіня Бона Сфорца заснавала фальварак, названы Зыгмунтова ў гонар мужа (Жыгімонта I) і сына (Жыгімонта II Аўгуста).

Храналёгія

• 1555: першы ўспамін, мястэчка ў Падляскім ваяводзтве Вялікага Княства Літоўскага.
• 17 траўня 1557: Жыгімонт II Аўгуст надаў Аўгустову Магдэбурскае права і дазволіў праводзіць 2 кірмашы штогод; пазьней вялікі князь заснаваў у мястэчку праваслаўную царкву.
• 1569: паводле ўмоваў Люблінскай уніі перайшоў да Каралеўства Польскага.
• 1561: атрымаў мескі герб «у блакітным полі пад мітрай залатая манаграма S[igismundus] A[ugustus] і літары R[ex] P[oloniae]».
• 1570: цэнтар Аўгутоўскага староства.
• 1795: у выніку трэцяга падзелу Рэчы Паспалітай апынуўся ў складзе Прусіі, а з 1815 году — у Расейскай імпэрыі.
• 1837: цэнтар Аўгустоўскай губэрні.
• 1 студзеня 1919: згодна з пастановай І зьезду КП(б) Беларусі ўвайшоў у склад Беларуская ССР, цэнтар павету («падраёну») Гарадзенскага раёну.
• 1921: паводле ўмоваў Рыскай мірнай дамовы, апынуўся ў складзе міжваеннай Польскай Рэспублікі, цэнтар павету Беластоцкага ваяводзтва.
• 1939: у Беларускай ССР.
• 1940: цэнтар Аўгустоўскага раёну Беластоцкай вобласьці.
• 1941—1944: знаходзіўся пад нямецкай акупацыяй.
• 16 жніўня 1945: улады СССР перадалі Аўгустоў Польшчы.

Насельніцтва

• 1967 — 18,4 тыс. чал.
• 2008 — 18,4 тыс. чал.

Выдатныя мясьціны

• Аўгустоўскі канал (1825—1839)
• Былая праваслаўная царква, цяпер касьцёл Маці Божай Чэнстахоўскай
• Забудова XIX — пач. ХХ ст.
• Капліца-пахавальня Трушкоўскіх
• Касьцёл Найсьв. Сэрца Езуса і Сьв. Барталамея (1906—1911)
• Комплекс Яхт-клюбу
• Могілкі каталіцкія
• Парк
• Рынак
• Сядзіба ген. Ігната Прандзінскага

Галерэя

• 
  Аўгустоўскі канал
• 
  Касьцёл Найсьв. Сэрца Езуса і Сьв. Барталамея
• 
  Касьцёл Маці Божай Чэнстахоўскай
• 
  Помнік Жыгімонту I на Рынку

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 684 с. — ISBN 985-11-0314-4
• Аўгустаў // Цітоў А. Геральдыка Беларускіх местаў / Маст. А. Бажэнаў. — Менск: «Полымя», 1998. — 287 с.: іл. ISBN 985-07-0131-5.
• Augustów // Słownik geograficzny Królestwa Polskiego i innych krajów słowiańskich. Tom I: Aa — Dereneczna. — Warszawa, 1880. S. 53—54

Вонкавыя спасылкі

Аўгустоў — сховішча мультымэдыйных матэрыялаў

• м. Аўгустоў на Radzima.org