Манчэстэр Юнайтэд

Манчэстэр Юнайтэд
Файл:Manchester United FC.png
Поўная назва	Футбольны клюб Манчэстэр Юнайтэд
Заснаваны	1878, як Newton Heath LYR F.C.
Горад	Манчэстэр
Стадыён	Олд Трафард Умяшчальнасьць: 76 312
Прэзыдэнт	Джоэл Глэйзэр Аўрам Глэйзэр
Кіраўнік	Manchester United Limited[d]
Галоўны трэнэр	Сэр Алекс Фэргюсан
Чэмпіянат	Прэм’ер-Ліга
· 2009—2010	2
Хатнія колеры Выязныя колеры Трэція колеры
Галерэя здымкаў у Вікісховішчы manutd.com (анг.)​ (гішп.)​ (фр.)​ (ар.)​ (яп.)​ (кіт.)​ (кар.)

«Манчэстэр Юнайтэд» (па-ангельску: Manchester United) — ангельскі футбольны клюб з гораду Манчэстэр.

Гісторыя

Першыя сэзоны (1878—1945)

Клюб быў сфармаваны пад назвай Newton Heath (Lancashire & Yorkshire Railway) (скарочана Newton Heath (L&YR)) групай працоўных-чыгуначнікаў Манчэстэру ў 1878 годзе. Затым імя было скарочанае да Newton Heath, а футбалісты сталі звацца «the Heathens» (насельнікі верасовых пустак). У 1889 годзе яны заснавалі футбольны альянс, які ў 1892 годзе ўвайшоў у склад футбольнай лігі Ангельшчыны.

Першым зьнятым на кінаплёнку матчам клюбу стала перамога над клюбам «Бэрнлі» 6 сьнежня 1902 году.

У 1902 годзе клюб збанкрутаваўся, але быў выратаваны Джонам Дэвісам, які пагасіў даўгі й зьмяніў імя на Manchester United, памяняўшы і колеры каманды зь зялёнага і залатога на чырвоны і белы для таго, каб пахадзіць на футбольны клюб «Лівэрпуль». Пад новым імем клюб выйграў чэмпіянат Ангельшчыны ў 1908 годзе, а 26 красавіка 1909 году і кубак Ангельшчыны, перамогшы ў фінале каманду з Брысталю. Затым у 1910 годзе пры фінансавай падтрымцы Дэвіса клюб пераехаў са старога стадыёна на Бэнк стрыт на новы «Олд Трафард». У 1911 годзе «Манчэстэр Юнайтэд» зноў выйграў чэмпіянат Ангельшчыны.

Час Басьбі (1945—1969)

Мэт Басьбі быў прызначаны галоўным трэнэрам каманды ў 1945 годзе. Справы ён вёў нечуваным тады спосабам, зьяўляючыся мэнэджарам і трэнэрам адначасова. Посьпех прыйшоў да яго практычна адразу: у 1948 годзе «Манчэстэр Юнайтэд» выйграў кубак Ангельшчыны.

Басьбі ўвёў практыку пошуку маладых адораных футбалістаў, і ў 1956 годзе каманда са сярэднім векам 22 гады выйграла чэмпіянат Ангельшчыны. У наступным сэзоне «Манчэстэр Юнайтэд» ізноў выйграў чэмпіянат і дайшоў да фіналу кубка, прайграўшы ў ім клюбу «Астан Віла». «Манчэстэр Юнайтэд» першым з ангельскіх клюбаў прыняў удзел у эўракубках, адразу жа дайшоўшы да паўфіналу.

6 лютага 1958 году каманда патрапіла ў авіякатастрофу, вяртаючыся з эўракубкавай гульні, у небе над Мюнхэнам. Трагедыя ўнясла жыцьці васьмі футбалістаў і пятнаццаці іншых пасажыраў. Нягледзячы на трагедыю, клюб працягнуў выступы ва ўсіх турнірах і ў гэтым жа сэзоне дайшоў да фіналу кубка Ангельшчыны, саступіўшы ў ім клюбу «Болтан Ўандэрэрз».

У пачатку 60-х гг. Басьбі перабудаваў каманду, запрасіўшы такіх знакамітых гульцоў, як Дэніс Лоў і Пэт Крэранд. Каманда выйграла кубак у 1963, затым у 1965 і 1967 чэмпіянат Ангельшчыны, а ў 1968 годзе, першай з ангельскіх каманд, Кубак Чэмпіёнаў. У той камандзе гулялі тры футбалісты, якіх прызналі лепшымі ў Эўропе па выніках году: Бобі Чарльтан, Дэніс Лоў і Джордж Бэст. У 1969 году на пасту кіраўніка Басьбі зьмяніў былы гулец і трэнэр каманды Ўілф Макгінэс.

1969—1986

У канцы 1972 году галоўным трэнэрам стаў Томі Догэрці. Догэрці, або проста «Док», выратаваў каманду ад вылету з вышэйшага дывізіёну, зрэшты гэтага не атрымалася пазьбегнуць у 1974 годзе. Зь першай спробы каманда вярнулася ў вышэйшую лігу і ўжо ў 1976 годзе дайшла да фіналу кубка Ангельшчыны, дзе прайграла «Саўтгэмптану». У 1977 годзе каманда была ў фінале зноў, гэтым разам ёй спадарожнічаў посьпех, і футбольны клюб «Лівэрпул» быў пераможаны. Нягледзячы на гэты посьпех і папулярнасьць сярод заўзятараў, Догэрці пакінуў клюб неўзабаве пасьля фіналу, пасьля таго, як выявілася яго сувязь з жонкай фізіятэрапэўта.

На вакантны пост у 1977 годзе ўступіў Дэйв Сэкстан. Ён прышчапіў камандзе больш абарончы стыль, выклікаўшы незадаволенасьць сярод заўзятараў, якія аддаюць перавагу атакаваламу футболу Басьбі і Догэрці. Пасьля шэрагу няўдалых сэзонаў Сэкстан пакінуў клюб у 1981 годзе.

Яго пераемнікам стаў Рон Аткінсан, які адразу жа паставіў трансфэрны рэкорд, падпісаўшы кантракт з Браянам Робсонам з клюбу «Ўэст Бромўіч». У камандзе Аткінсана таксама гулялі такія вядомыя футбалісты як Эспэр Ольсэн, Гордан Страчан, Норман Вайтсайд і Марк Х’юз. Клюб выйграў кубак у 1983 і 1985 гадах, і Кубак Чэмпіёнаў у сэзоне 1985—86. Аднак у чэмпіянаце Ангельшчыне ў той год каманда заняла толькі чацьвертае месца. Дрэнная форма захавалася і ў наступным сэзоне, калі каманда была на грані вылету з Прэм’ер-Лігі. Пасьля гэтага Аткінсан быў зьняты з паста.

Эпоха Алекса Фэргюсана (1986 — па цяперашні час)

Алекс Фэргюсан зьмяніў Аткінсана на пасту галоўнага трэнэра каманды і вывеў яе на 11 месца па выніках чэмпіянату Ангельшчыны. Наступны сэзон (1987—1988), МЮ скончыў другім, а Браян Маклэйр стаў першым пасьля Джорджа Бэста бамбардзірам клюбу, забіўшым дваццаць галоў у чэмпіянаце.

Аднак у сэзоне 1989 году каманда ізноў апынулася на грані вылету з Прэм’ер-Лігі, а Фэргюсан на грані адстаўкі. Аднак перамога ў трэцім крузе кубка Ангельшчыны над «Нотынгэм Форэст» дазволіла яму працягнуць працу з камандай, што прывяло да перамогі над «Крыстал Пэлас» у фінале.

У сэзоне 1990—1991 гадоў «Манчэстэр Юнайтэд» выйграў Кубак уладальнікаў кубкаў, перамогшы ў фінале гішпанскую «Барсэлёну». Аднак у наступным годзе каманда выляцела з розыгрышу кубка Ангельшчыны на раньняй стадыі, прайграўшы клюбу «Лідс Юнайтэд». У 1991 годзе клюб выпусьціў свае акцыі на Лёнданскую біржу.

Прыезд у каманду Эрыка Кантаны ў лістападзе 1992 году аказаў добры ўплыў на вынікі, і ўжо ў сэзоне 1992—1993 гадоў «Манчэстэр Юнайтэд» стаў чэмпіёнам Ангельшчыны, упершыню пасьля 1967 году. Акрамя таго, у наступным сэзоне каманда зрабіла дубль, выйграўшы як чэмпіянат так і кубак краіны.

У сэзоне 1994—1995 Кантана атрымаў васьмімесячную дыскваліфікацыю за зьбіцьцё, нанесеныя заўзятару клюбу «Крыстал Пэлас» Мэцью Сімансу падчас гульні. Згуляўшы ўнічыю апошні матч чэмпіянату і саступіўшы ў фінале кубка «Эвэртану», каманда засталася без узнагарод. Пасьля гэтага Фэргюсан прадаў частку ключавых гульцоў і запрасіў у каманду шэраг маладых таленавітых футбалістаў, уключаючы Дэвіда Бэкхэма і Пола Скоўлза. Новыя гульцы ўдала ўліліся ў склад і ў сэзоне 1995—1996 «Манчэстэр Юнайтэд» зноў аформіў дубль.

У 1997 годзе каманда зноў выйграла чэмпіянат, а Эрык Кантана завяршыў кар’еру ва ўзросьце 30 гадоў. Пачатак наступнага сэзону таксама складалася ўдала для каманды, але фінал не атрымаўся, і «Манчэстэр Юнайтэд» саступіў чэмпіёнства «Арсэналу».

Хэт-трык (1998—1999)

Сэзон 1998—1999 стаў найболей удалым для клюбу — ён выйграў чэмпіянат і кубак Ангельшчыны, а таксама Лігу Чэмпіёнаў, стаўшы першым эўрапейскім клюбам, якому пакараўся падобны хэт-трык у адным сэзоне.

Пасьля хэт-трыка (1999 — цяперашні час)

Каманда выйграла чэмпіянат у 2000 і 2001 гадах, але на эўрапейскай арэне выступала няўдала. Сэзон 2002 быў скончаны на трэцім месцы, аднак у наступным годзе каманда ізноў выйграла чэмпіянат Ангельшчыны. У наступных сэзонах каманда выступала ня так удала. Наступнае чэмпіёнства каманда выйграла ў 2007 годзе.

Угода Малькольма Глэйзэра

13 траўня 2005 году бізнэсмэн Малькольм Глэйзэр атрымаў кантрольны пакет акцыяў у клюбе коштам каля 1,47 мільярда амэрыканскіх даляраў. 16 траўня ён павялічыў сваю дзель да 75 адсоткаў, неабходных для атрыманьня права зьняць акцыі клюбу з гандлю Лёнданскай біржы. Клюб зноў стаў прыватным.

Заўзятары

Пасьля таго, як клюб выйграў чэмпіянат у 1956 годзе, ён стаў найболей наведвальным у лізе, пабіўшы папярэднія дасягненьні клюбу «Ньюкасл Юнайтэд». Пасьля авіякатастрофы ў Мюнхэне ў 1958 годзе ў клюбу значна дадалося заўзятараў.

На мяжы стагодзьдзяў у клюба ёсьць некалькі груп актыўных заўзятараў, сярод іх:

• Independent Manchester United Supporters' Association
• Manchester United Supporters Trust

Актуальны склад

Па стане на 2 лютага 2011 году

№ Пазыцыя Імя Год нараджэньня 1 Бр Эдвін ван дэр Сар 1970 3 Аб Патрыс Эўра 1981 4 ПА Оўэн Харгрыўз 1981 5 Аб Рыа Фэрдынанд (віцэ-капітан) 1978 6 Аб Ўэс Браўн 1979 7 Нап Майкл Оўэн 1979 8 ПА Андэрсан 1988 9 Нап Дзімітар Бербатаў 1981 10 Нап Ўэйн Руні 1985 11 ПА Раян Гігз 1973 12 Аб Крыс Смолінг 1989 13 ПА Парк Джы-Сун 1981 14 Нап Хавіер Эрнандэс 1988 15 Аб Неманьня Відзіч (капітан) 1981 16 ПА Майкл Кэрык 1981

№ Пазыцыя Імя Год нараджэньня 17 ПА Нані 1987 18 ПА Пол Скоўлз 1974 20 Аб Фабіё 1990 21 Аб Рафаэль 1990 22 Аб Джон О’Шы 1981 23 Аб Джоні Эванс 1988 24 ПА Дэрэн Флэтчэр 1984 25 ПА Антоніё Валенсія 1985 26 Нап Габрыель Обэртран 1989 28 ПА Дэран Гібсан 1987 29 Бр Томаш Кушчак 1982 33 Нап Бэбэ 1990 34 Бр Андэрс Ліндэгаард 1984 37 ПА Робэрт Брэдзі 45 Аб Олівэр Джыл 1990

Вядомыя гульцы

Артур Альбістан Джон Астан Гэры Бэйлі Дэвід Бэкхэм Джордж Бэст Шэй Брэнан Стыў Брус Марцін Бучан Роджэр Бёрн Лэй Олфард Эрык Кантана Бобі Чарльтан Эндзі Коўл Стыў Капл Пэт Крэранд Тоні Выдмаў Данкан Эдвардс Алекс Форсайт Рууд ван Ністэлрой Біл Фуклз

Дэвід Хэрд Гордан Хіл Джым Холтон Сьцюарт Х’юстан Марк Х’юз Пол Інс Дэніс Ірвін Джо Джордан Андрэй Канчэльскіс Рой Кін Дэніс Лоў Лу Макары Брайан Маклэр Сэмі Макілрой Гордан Маквін Білі Мэрэдыт Чарлі Мітэн Кевін Моран Джымі Нікол Гэры Палістэр

Стэн Пірсан Браян Робсан Пэды Рошэ Джэк Раўлі Пэтэр Шмэйхэль Тэды Шэрынгэм Джо Спэнс Яп Стам Фрэнк Стэплтан Алекс Стэфні Нобі Стайлз Гордан Страчан Томі Тэйлар Сэндзі Торнбул Дэніс Ваёлэт Норма Вайтсайд Рэй Уілкінс Дуайт Ёрк Крышціяну Раналду Эдвін Ван дэр Сар

Уэйн Руні Райан Гігз Уле-Гунар Сульшэр

Галоўныя трэнэры

1892—1900 Э. Г. Олбат 1900—1903 Джэймс Ўэст 1903—1912 Эрнэст Маньёл 1912 Т. Дж. Уолварт 1912—1914 Джон Бэнтлі 1914—1921 Джон Робсан 1921—1926 Джон Чэпман 1926—1927 Лал Хілдытч 1927—1931 Геэрбэрт Бэмлэт 1931—1932 Уолтар Крыкмэр 1932—1937 Скот Данкан

1938—1944 Джымі Портэр 1944—1945 Вальтар Крыкмэр 1945—1969 Сэр Мэт Басьбі 1958 Джэймс Мэрфі 1970 Вілф Макгінэс 1970—1971 Сэр Мэт Басьбі 1971—1972 Фрэнк О’Фарэл 1972—1977 Томі Дохэрці 1977—1981 Дэйв Сэкстан 1981—1986 Рон Аткінсан 1986 — па цяперашні час Сэр Алекс Фэргюсан

Трафэі

• Чэмпіён Ангельшчыны: 18
  • Чэмпіён у: 1908, 1911, 1952, 1956, 1957, 1965, 1967, 1993, 1994, 1996, 1997, 1999, 2000, 2001, 2003, 2007, 2008, 2009
• Першы дывізіён: 2
  • Пераможца ў: 1936, 1975
• Кубак Ангельшчыны: 11
  • Пераможца ў: 1909, 1948, 1963, 1977, 1983, 1985, 1990, 1994, 1996, 1999, 2004
• Кубак Футбольнай лігі: 3
  • Пераможца ў: 1992, 2006, 2009
• Супэркубак Ангельшчыны: 17
  • 1908, 1911, 1952, 1956, 1957, 1965, 1967, 1977, 1983, 1990, 1993, 1994, 1996, 1997, 2003, 2007, 2008
• Кубак Чэмпіёнаў / Ліга Чэмпіёнаў: 3
  • Пераможца ў: 1968, 1999, 2008
• Кубак кубкаў УЭФА: 1
  • Пераможца ў: 1991
• Міжкантынэнтальны кубак: 1
  • Пераможца ў: 1999
• Супэркубак Эўропы: 1
  • Пераможца ў: 1991

Іншыя ўзнагароды

• Лепшая абарона чэмпіянату Ангельшчыны: 16
  • Пераможца ў: 1908, 1911, 1952, 1956, 1957, 1965*, 1967*, 1977*, 1983, 1990*, 1993, 1994, 1996, 1997, 2003, 2007 (*- некалькі пераможцаў)
• Каманда года па вэрсіі канала BBC Sports: 2
  • Пераможца ў: 1968, 1999

Рэкорды

• Буйная перамога ў чэмпіянаце: 10-1 у матчы з «Вулвэргэмптанам», 1-ы дывізіён, 15 кастрычніка 1892 году.
• Буйная перамога ў Прэм'ер-лізе: 9-0 у матчы з «Іпсвіч Таўн» 4 сакавіка 1995 году
• Буйная перамога ў кубках: 10-0 у матчы з «Андэрлэхтам», Ліга Чэмпіёнаў, папярэдні этап 26 верасьня 1956 году
• Буйная выязная перамога: 8-1 у матчы з «Нотынгэм Форэст», люты 1999
• Буйная параза: 0-7 у матчы з «Блэкбэрн Ровэрз», 1-ы дывізіён, 10 красавіка 1926 году
• Буйная параза ў кубках: 1-7 у матчы з «Бэрнлі», Кубак Ангельшчыны, 1-ы этап, 13 лютага 1901 году
• Больш за ўсё матчаў: Бобі Чарльтан 754
• Больш за ўсё галоў: 247 Бобі Чарльтан
• Больш за ўсё галоў у чэмпіянаце Ангельшчыне: 199 Бобі Чарльтан, 1956-73
• Больш за ўсё матчаў у рангу капітана: Бобі Чарльтан, 106
• Больш за ўсё матчаў у чэмпіянаце Ангельшчыне: 606 Бобі Чарльтан, 1956-73
• Больш за ўсё галоў у сэзоне: 32 Дэніс Вайёлэт, 1-ы дывізіён, 1959-60
• Больш за ўсё галоў у сэзоне ва ўсіх спаборніцтвах: 46 — Дэніс Лоў, 1963-64
• Больш за ўсё галоў у матчы: 6 Джордж Бэст у матчы з «Нортхэмптан Таўн», 7 лютага 1970 году
• Рэкорд наведвальнасьці ў матчах Прэм'ер-лігі: Олд Трафард 76 098 — «Блэкбэрн Ровэрз», 31 сакавіка 2007 году
• Рэкорд хатняй наведвальнасьці ў матчах Прэм'ер-лігі: Мэйн Роад 83 250 у матчы з «Арсэналам», 1-ы дывізіён, 7 студзеня 1948 году
• Рэкорд наведвальнасьці на Олд Трафард: 76 962, «Вулвэргэмптан Ўандэрэрз» супраць «Грымсьбі Таўн», Кубак Ангельшчыны, паўфінал, 25 сакавіка 1939 году
• Бяспройгрышная сэрыя (усе турніры): 45, 24 сьнежня 1998 году — 3 кастрычніка 1999 году
• Больш за ўсё галоў у сэзоне; 103 1956/57, 1958/59
• Больш за ўсё ачкоў у сэзоне: 92 у 42 гульнях 1993/94; 91 у 38 гульнях 2000/01

Статыстыка ў вышэйшым дывізіёне

«Манчэстэр Юнайтэд» правёў у Прэм’ер-лізе 79 сэзонаў (больш толькі «Эвэртан», «Астан Віла», «Лівэрпул» і «Арсэнал») сканчаючы чэмпіянат на наступных месцах:

1	16	12	2
2	12	13	4
3	6	14	2
4	7	15	2
5	2	16	2
6	2	17	1
7	2	18	3
8	6	19	1
9	3	20	0
10	1	21	2
11	3	22	2

«Манчэстэр Юнайтэд» зьяўляецца адным з трох клюбаў (нароўні зь «Лівэрпулем» і «Арсэналам»), якія сканчалі чэмпіянат на першым месцы часьцей чым на якім-небудзь іншым.

Папярэднік Рэал Мадрыд

Кубак эўрапейскіх чэмпіёнаў 1998—1999 Фіналіст: Баварыя

Наступнік Рэал Мадрыд

Вонкавыя спасылкі

Манчэстэр Юнайтэд — сховішча мультымэдыйных матэрыялаў

• Афіцыйны сайт
• Манчэстэр Юнайтэд: чырвоныя д’яблы ў Расеі | Manchester United: Russian Red Devils (рас.)
• Усе клюбныя навіны «Манчэстэр Юнайтэд» (рас.)
• Сайт пра МЮ (рас.)
• Сайт расейскіх заўзятараў МЮ (рас.)
• Lentapedia, «Манчэстэр Юнайтэд»
• Russianreds.ru (рас.)