28 лістапада

28 лістапа́да — 333-і дзень году (332-і ў невысакосным годзе) паводле Грыгарыянскага календару. Да канца году застаецца 34 дні.

Падзеі

• 1520 — каманда Фэрнана Магелана стала першай у Эўропе, якая з Атлянтыкі патрапіла ў Ціхі акіян
• 1798 — расейскі імпэратар Павал I абраны гросмайстрам Мальтыйскага ордэну
• 1923 — у Беларусі было заснаванае літаратурнае аб’яднаньне «Маладняк»
• 1943 — Другая сусьветная вайна: пачатак Тэгеранскай канфэрэнцыі паміж кіраўнікамі Вялікабрытаніі, ЗША і СССР
• 1975 — Усходні Тымор абвяшчае незалежнасьць ад Партугаліі
• 1989 — Аксамітная рэвалюцыя: пасьля масавых пратэстаў Камуністычная партыя Чэхаславакіі абвясьціла аб увядзеньні манапольнага кантролю над краінай
• 1991 — Паўднёвая Асэтыя абвяшчае незалежнасьць ад Грузіі
• 1994 — у Нарвэгіі адбыўся рэфэрэндум, згодна вынікаў якога большасьць насельніцтва адмовілася ад далучэньня да Эўрапейскага Зьвязу

Нараджэньні

• 1489 — Маргарыта Цюдор, каралева Шатляндыі
• 1757 — Ўільям Блэйк, ангельскі паэт, пісьменьнік, мастак, друкар, гравёр і містык
• 1820 — Фрыдрых Энгельс, нямецкі філёзаф і эканаміст
• 1880 — Аляксандар Блок, расейскі паэт-сымбаліст
• 1881 — Аляксандар Розін, беларускі геоляг, чалец-карэспандэнт Акадэміі навук Беларусі
• 1907 — Альбэрта Маравія, італьянскі пісьменьнік, журналіст і літаратурны крытык
• 1931 — Генадзь Кляўко, беларускі паэт, перакладчык
• 1957 — Гаспар Льлямансарэс, гішпанскі палітык
• 1958 — Уладзімер Карват, беларускі вайсковы лётчык
• 1975 — Віктар Аляксандравіч Лукашэнка, памагаты прэзыдэнта Рэспублікі Беларусь, сябра Савету Бясьпекі Беларусі

Сьмерці

• 1058 — Казімер I Аднавіцель, польскі княжа
• 1694 — Мацуа Басё, японскі паэт
• 1859 — Ўошынгтан Ірвінг, амэрыканскі пісьменьнік пачатку XIX стагодзьдзя
• 1954 — Энрыка Фэрмі, выбітны італьянскі фізык, адзін з заснавальнікаў квантавае фізыкі
• 2006 — Любоў Палішчук, савецкая й расейская акторка тэатру й кіно

Сьвяты

• Гэты дзень у Беларусі традыцыйна называюць Піліпаўкай. У праваслаўных пачынаецца апошні ў годзе пост — Піліпаўскі або Калядны, які мусіць працягвацца да Калядаў. Казалі, што гэтай парой ваўкі зьбіраюцца ў зграі. Доўгімі піліпаўскімі вечарамі беларускія сяляне рабілі сваю работу па хатах: мужчыны займаліся рамёствамі, а жанчыны пралі кудзелю.