Леанід Баркоўскі

Вікіпэдыя мае артыкулы пра іншых асобаў з прозьвішчам Баркоўскі.

Леанід Мацьвеевіч Баркоўскі (13 чэрвеня 1938, Менск [па іншых зьвестках Аршанскі раён], БССР, СССР) — фізык-тэарэтык, доктар фізыка-матэматычных навук (1981), прафэсар (1983).

У 1955—1960 гг. вучыўся на фізыка-матэматычным факультэце Магілёўскага пэдагагічнага інстытуту, па заканчэньні якога на працягу года працаваў настаўнікам фізыкі ў в. Навасёлкі Магілёўскага раёну. З 1961 г. у асьпірантуры на катэдры тэарэтычнай фізыкі БДУ, працаваў выкладчыкам. У 1984—2003 гг. загадчык катэдры тэарэтычнай фізыкі БДУ.

Навуковыя працы ў галіне хвалевай фізыкі. Распрацаваў мэтад эвалюцыйных апэратараў для рашэньня прамых і адваротных задач у оптыцы і акустыцы крышталёў.

Узнагароджаны: Ганаровая грамата Вярхоўнага Савету БССР (1982); Нагрудны знак «За выдатныя посьпехі ў працы» Міністэрства вышэйшай адукацыі СССР (1988); «Charted Physicist» from Institute of Physics (2000); Прэмія імя акадэміка Ф. І. Фёдарава (2007).

Творы

• О тензоре показателей преломления в кристаллооптике. // Кристаллография. Т. 21. № 3. 1976.
• Операторы Коши и лучевые операторы в геометрооптике анизотропных сред (разам з Фо Тхі Нгует Хангам). // Оптика и спектроскопия. Т. 70. № 1. 1991.
• Поляризованные волны в сложных средах (разам з А. Фурсам). Минск. 2002.
• Операторные методы описания оптических полей в сложных средах (разам з А. Фурсам). Минск. 2003.

Літаратура

• Баркоўскі Леанід Мацвеевіч. // Беларуская энцыклапедыя ў 18 тамах. Т. 2. Мінск. 1996. С. 309.