Міністэрства замежных справаў Рэспублікі Беларусь: розьніца паміж вэрсіямі

Зьвесткі зь Вікіпэдыі — вольнай энцыкляпэдыі
Змесціва выдалена Змесціва дададзена
д сартаваньне
Радок 106: Радок 106:
{{Выканаўчая ўлада Беларусі}}
{{Выканаўчая ўлада Беларусі}}


[[Катэгорыя:Міністэрствы Беларусі]]
[[Катэгорыя:Міністэрствы Беларусі|Замежныя справы]]
[[Катэгорыя:Зьнешняя палітыка Беларусі]]
[[Катэгорыя:Зьнешняя палітыка Беларусі]]
[[Катэгорыя:Зьявіліся ў 1991 годзе]]
[[Катэгорыя:Зьявіліся ў 1991 годзе]]

Вэрсія ад 21:51, 8 кастрычніка 2010

Міністэрства замежных справаў Рэспублікі Беларусь
Абрэвіятура МЗС РБ
Дата ўтварэньня 25 жніўня 1991 (32 гады таму)
Штаб-кватэра Менск, вул. Леніна, д. 19
Міністар Сяргей Мартынаў
Першы намесьнік Ігар Петрышэнка
Намесьнікі Сяргей Алейнік, Валеры Варанецкі, Андрэй Яўдачэнка[1]
Бюджэт 177,4 млрд рублёў[2] (2009; 63,3 млн $[3])
Сайт mfa.gov.by

Міністэрства замежных справаў Рэспублікі Беларусь (МЗС Беларусі) — міністэрства ўраду Беларусі, упаўнаважанае ажыцьцяўляць ды ўзгадняць вонкавыя сувязі дзяржавы. Міністар замежных справаў прызначаецца й здымаецца з пасады прэзыдэнтам ды ўваходзіць у склад прэзыдыюму ўраду. З 21 сакавіка 2003 году пасаду міністра займае Сяргей Мартынаў.

Склад

  1. Цэнтральны апарат — 4 галоўныя ўправы, 16 управаў, па адным дэпартамэнце, сакратарыяце ды службе[4];
  2. 60 дыпляматычных прадстаўніцтваў у 47 дзяржавах — 45 амбасадаў, 7 сталых прадстаўніцтваў пры міжнародных арганізацыях, 7 генэральных консульстваў ды адно консульства, а таксама 12 аддзяленьняў амбасадаў[5];
  3. Нацыянальны цэнтар маркетынгу і кан'юнктуры цэнаў (НЦМКЦ).

Задачы

  1. ажыцьцяўленьне адзінай вонкавай палітыкі;
  2. забеспячэньне дзяржаўных зацікаўленасьцяў у міжнародных дачыненьнях;
  3. карыснае прадстаўленьне ўрада ў дачыненьнях зь іншымі дзяржавамі, міжнароднымі арганізацыямі ды міждзяржаўнымі ўтварэньнямі;
  4. узгадненьне ўзаемінаў зь імі управаў ураду;
  5. ахова зацікаўленасьцяў грамадзянаў ды юрыдычных асобаў дзяржавы за мяжою;
  6. спрыяньне прасоўваньню замежных гаспадарчых зацікаўленасьцяў дзяржавы;
  7. плянаваньне вонкавай дзейнасьці;
  8. падача прапановаў прэзыдэнту, ураду й Нацыянальнаму сходу аб рэагаваньні на чыньнікі й кірункі міжнароднага разьвіцьця ды стратэгічных напрамках вонкавай супрацы;
  9. забесьпячэньне выкананьня іх пастановаў аб вонкавай дзейнасьці дзяржавы;
  10. узгадненьне ўтварэньня ды зьмены органамі ўлады дамоўна-прававой асновы дачыненьняў з іншымі дзяржавамі, міжнароднымі арганізацыямі ды міждзяржаўнымі ўтварэньнямі;
  11. нагляд за ды спрыяньне выкананьню органамі ўлады міжнародных дамоваў дзяржавы;
  12. узгадненьне працы па ўступленьні дзяржавы ў Сусьветную гандлёвую арганізацыю;
  13. кіраваньне дыпляматычнымі прадстаўніцтвамі дзяржавы;
  14. выдача зьвестак аб умовах вонкавагаспадарчай дзейнасьці;
  15. спрыяньне разьвіцьцю падмуркаў вонкавай дзейнасьці дзяржавы;
  16. узгадненьне ўтварэньня парадка гандлю таварамі з іншымі дзяржавамі;
  17. спрыяньне прыцягненьню замежных укладаньняў;
  18. спрыяньне супрацы грамадзкіх аб'яднаньняў з суайчыньнікамі за мяжою.

Паўнамоцтвы

  1. запыт зьвестак;
  2. загадваньне падначаленымі дзяржаўнымі ўстановамі;
  3. нарады аб вонкавай дзейнасьці дзяржавы з зацікаўленымі ўстановамі й адмыслоўцамі;
  4. ухваленьне ведамасных пастановаў ды праверка іх выкананьня;
  5. ухваленьне супольных зь іншымі ўправамі ўраду пастановаў;
  6. прыём справаздачаў кіраўнікоў дыпляматычных прадстаўніцтваў дзяржавы аб вонкавай дзейнасьці;
  7. стварэньне друкаваных выданьняў;
  8. стварэньне ведамасных узнагародаў;
  9. стварэньне, ператварэньне й скасаваньне падначаленых установаў[6].

Мінуўшчына

Пасьля здабыцьця Беларусьсю незалежнасьці 25 жніўня 1991 году МЗС больш як тры гады працягвала кіравацца Пастановаю Рады міністраў БССР ад 25 кастрычніка 1988 г. № 302. 30 чэрвеня 1995 году ўрад ухваліў Пастанову № 343 аб новай уставе МЗС, паводле якой прэзыдэнт упаўнаважваўся прызначаць ды здымаць з пасады міністра замежных справаў пры згодзе Вярхоўнага Савета[7]. Рада міністраў скасавала гэтую ўставу Пастановай ад 4 лютага 1999 году № 189[8]. Паводле дзейнай Пастановы Рады міністраў ад 31 ліпеня 2006 г. № 978 міністар прызначаецца й звальняецца прэзыдэнтам адзінаасобна[6].

Дыпляматычная служба

Міністар наймае дыпляматаў зь ліку грамадзянаў, якія:

  1. маюць вышэйшую адукацыю,
  2. валодаюць дзьвюма замежнымі мовамі,
  3. валодаюць інфармацыйнымі тэхналёгіямі,
  4. ня маюць абмежаваньняў для працы з дзяржаўнымі таямніцамі.

Ня менш як праз год працы дыплямат дапускаецца да прызначэньня ў дыпляматычнае прадстаўніцтва пры наяўнасьці двухгадовага стажу кіроўцы. Працягласьць працы ў прадстаўніцтве на пасадзе да першага сакратара або консула ўлучна складае да 3 год, на пасадзе дарадцы, старшага дарадцы ды дарадцы-пасланьніка — да 4 год, а надзвычайнага і паўнамоцнага амбасадара, сталага прадстаўніка пры міжнароднай арганізацыі ды генэральнага консула — да 5 год. Надзвычайныя і паўнамоцныя амбасадары й сталыя прадстаўнікі пры міжнародных арганізацыях прызначаюцца й здымаюцца з пасадаў прэзыдэнтам, а намесьнікі міністра, кіраўнік дэпартамэнта вонкаваэканамічнай дзейнасьці, пасланьнікі, павераныя ў справах, дарадцы-пасланьнікі ды генэральныя консулы — Радаю міністраў[9].

Крыніцы

  1. ^ Прыём грамадзянаў. Міністэрства замежных справаў Рэспублікі Беларусь. Праверана 21 жніўня 2010 г.
  2. ^ Закон Рэспублікі Беларусь аб рэспубліканскім каштарысе на 2009 год. 13 лістапада 2008 г. (рас.). Нацыянальны прававы інтэрнэт-партал Рэспублікі Беларусь. Праверана 21 жніўня 2010 г.
  3. ^ Паводле сярэдняе за 2009 год цаны (2803,27) набыцьця даляра за рублі на валютным рынку. Зьвесткі аб сярэднеўзважаным курсе беларускага рубля да замежных валютаў на валютным рынку Рэспублікі Беларусь за 2009 год. Нацыянальны банк Рэспублікі БеларусьПраверана 21 жніўня 2010 г.
  4. ^ Цэнтральны апарат Міністэрства замежных справаў Рэспублікі Беларусь (рас.) (pdf). Міністэрства замежных справаў Беларусі. Праверана 18 жніўня 2010 г.
  5. ^ Гісторыя МЗС Беларусі (рас.). Міністэрства замежных справаў Беларусі. Праверана 18 жніўня 2010 г.
  6. ^ а б Пастанова Рады міністраў Рэспублікі Беларусь ад 31 ліпеня 2006 г. № 978 (рас.). Нацыянальны прававы інтэрнэт-партал Рэспублікі Беларусь. Праверана 18 жніўня 2010 г.
  7. ^ Пастанова Кабінэта міністраў Рэспублікі Беларусь ад 30 чэрвеня 1995 г. № 343 (рас.). Беларускі прававы партал. Праверана 18 жніўня 2010 г.
  8. ^ Пастанова Рады міністраў Рэспублікі Беларусь ад 4 лютага 1999 г. № 189 (рас.). Сайт «Бусел». Праверана 18 жніўня 2010 г.
  9. ^ Указ прэзыдэнта Рэспублікі Беларусь ад 15 траўня 2008 г. № 276 (рас.). Нацыянальны прававы інтэрнэт-партал Рэспублікі Беларусь. Праверана 18 жніўня 2010 г.

Вонкавыя спасылкі