Крыжыкі-нулікі

Анімаваны прыклад гульні

Крыжыкі-нулікі - гульня на паперы для двух гульцоў, адзін зь якіх гуляе O (нулікамі), а іншы - X (крыжыкамі). Гульцы па чарзе ставяць, кожны свой значак, на полі 3x3. Традыцыйна першы ход робяць X. Той з супернікаў, хто здолее выставіць свае значкі ў адзін шэраг: па гарызанталі, вертыкалі ці дыяганалі - раней за другога, выйграе гульню.

У гэтай партыі выйграе першы гулец, X:

Крыжыкі-нулікі, выйграе X

А гэта прыклад "нічыйнай" партыі:

Крыжыкі-нулікі, нічыя

Гуляючы ў крыжыкі-нулікі, вельмі хутка можна выявіць, што пры пэўнай ступені ўважлівасьці абодвух гульцоў любая партыя вядзе да нічыёй, у якім бы мейсцы ня быў бы пастаўлены першы крыжык. Таму найчасьцей за ўсё ў гэтую гульню гуляюць малыя дзеці; калі ім адкрываецца стратэгія бяспройгрышнай гульні, яны пераходзяць да болей разумова вытанчаных гульняў, такіх як, напрыклад, кропкі.

Варыянты першых двух хадоў для гульні ў крыжыкі-нулікі.

Прастата гульні робяць яе ідэальнай у якасьці педагагічнага інструмэнта для навучаньня прынцыпам тэорыі гульняў і таксама галіны штучнага інтэлекту, якая вырашае праблемы пошуку і пабудовы дрэваў гульні. Не прадстаўляецца складаным напісаньне кампутарнай праграмы для дасканалай гульні ў крыжыкі-нулікі, трэба падлічыць 765 істотна адрозных пазыцыяў , ці 26 830 магчымых варыянтаў гульні. Усяго магчымыя 255168 варыянтаў гульні, за выняткам сыметрычных .

Першая вядомая кампутарная гульня, OXO (1952), створаная для кампутару EDSAC дэманстравала дасканалыя варыянты гульні ў крыжыкі-нулікі супраць любых апанэнтаў.

Назвы гульні на іншых мовах і ў іншых краінах сьвету

• Tic-tac-toe, tick-tat-toe ці tit-tat-toe (ЗША)
• Noughts and crosses ці naughts and crosses (Аб'яднанае Каралеўства, Ірляндыя, Аўстралія)
• Ta-te-ti, tres en raya, gato, equis cero (Гішпанія)
• Morpion (Францыя)
• Tris (Італія)
• Boter, kaas en eieren (Галяндыя)
• Kryds og bolle (Данія)
• Luffarschack ці Tripp trapp trull (Швэцыя)
• Ristinolla ці Jatkanshakki (Фінляндыя)
• Trips-traps-trull (Эстонія)
• X şi zero (Румынія)
• Jogo da velha (Партугалія і Бразылія)
• Τρίλιζα (Грэцыя)
• Zero kata ці Phool aur chaukadi (Індыя)
• Maru batsu (円伐) ці Sanmoku narabe (((三目並べ)) (Японія)
• Морски шах (Баўгарыя)
• Kołko i krzyżyk (Польшча)
• Крестики-нолики (Расея)
• Bondesjakk, Tripp trapp tresko ці Tre pa rad(Нарвэгія)
• /iks-miks-driks/ (Ідыш)