Герб рэжыму Лукашэнкі

Дзяржаўны герб Беларусі

Дзяржаўны герб Беларусі ўяўляе сабой зялёны контур тэрыторыі Рэспублікі Беларусь у залатых промнях сонца над зямною куляй. Над контурам знаходзіцца чырвоная зорка, зьлева і справа контур абкружаны вянком з залатых каласоў, перапляцёных кветкамі канюшыны і ільну. Каласы абвітыя стужкамі колераў дзяржаўнага сьцягу Беларусі, унізе на стужцы бачны залаты надпіс «Рэспубліка Беларусь»

Гісторыя

Герб быў уведзены пасьля агульнанацыянальнага рэфэрэндуму, праведзенага ў 1995 годзе, дэмакратычнасьць правядзеньня якога ставілася пад сумнеў беларускай апазыцыяй і замежнымі назіральнікамі.

За аснову новага гербу быў узяты герб БССР, зь якога былі прыбраныя серп і молат, надпіс «Пралетарыі ўсіх краін, яднайцеся!» на беларускай і расейскай мовах. Колер стужак быў зьменены з чырвонага на чырвона-зялёны, надпіс «БССР» быў заменены на «Рэспубліка Беларусь», а замест серпу і молату зьявіўся контур Беларусі.

Акрамя Беларусі гербамі савецкага часу дагэтуль карыстаюцца Таджыкістан і Ўзбэкістан і непрызнаная Прыднястроўская малдаўская рэспубліка.

Гісторыя дзяржаўных гербаў Беларусі

• 
  1366—1795 (Вялікае Княства Літоўскае)
• 
  1569—1795 (Рэч Паспалітая)
• 
  1918 — дагэтуль (у выгнаньні) (БНР)
• 
  1919—1926 (БССР)
• 
  1937—1950 (БССР)
• 
  1950—1991 (БССР)
• 
  1991—1995 (Рэспубліка Беларусь)
• 
  1995—1996 (Рэспубліка Беларусь)
• 
  1996—2007 (Рэспубліка Беларусь)
• 
  2007 — дагэтуль (Рэспубліка Беларусь)

Глядзіце таксама

• Пагоня (герб)
• Сьцяг Беларусі
• Мы, беларусы
• Герб Беларускай ССР

Вонкавыя спасылкі

Герб рэжыму Лукашэнкі — сховішча мультымэдыйных матэрыялаў

• Апісаньне дзяржаўных сымбаляў Беларусі на афіцыйным сайце прэзыдэнта РБ