Лін (папа рымскі)

Сьвяты Лін (па-лацінску: Linus) — як лічыцца, другі біскуп Рыму пасьля апостала Пётры.

Згодна традыцыі, гэта той самы Лін, які згадваецца ў Другім Пасланьні апостала Паўлы да Цімафея. Пра жыцьцё ягонае амаль нічога невядома. Liber Pontificalis паведамляе, што ён быў родам з Тасканы, прыняў пакутніцкі вянок і быў пахаваны каля св. Пётры, але раннія крыніцы аб гэтым нічога не гавораць. Год ягонае сьмерці ў розных крыніцах даецца як 67, 76, 78 ці 80. Дзень, згодна Liber Pontificalis — 23 верасьня.

Ушанаваньне

Біскупа Ліна ўшаноўваюць як сьвятога хрысьціяне розных канфэсіяў. Дзень ягонае памяці ў каталікоў — 23 верасьня, у праваслаўных — 4 студзеня і 5 лістапада. У ягонае імя асьвечаны касьцёл у вёсцы Пеляса Воранаўскага раёну Гарадзенскае вобласьці.

Папярэднік Апостал Пётра

Папа рымскі 64/67 - 76/78

Наступнік Сьвяты Анаклет

Вонкавыя спасылкі

Лін (папа рымскі) — сховішча мультымэдыйных матэрыялаў