Васіль Рагуля

Васіль Цімафеевіч Рагуля (16 ліпеня 1879, в. Ачукевічы, Наваградзкі павет — 16 чэрвеня 1955, Нью-Ёрк), беларускі грамадзка-палітычны дзеяч. Пасол польскага сойму ў 1922 і Сэнатар польскага сойму 1928 году.

У 1898 скончыў школу ў Маладэчна. Скончыў Віленскі настаўніцкі інстытут у 1900 годе, працаваў настаўнікам.

Удзельнік Першай Сусьветнай вайны. Удзельнік 1-га Усебеларускага кангрэсу.

У 1922 абраны дэпутатам у польскі сойм ад Блёку Нацыянальных Меншасьцяў, у 1928 ад тагож блёку — у сэнат. Уваходзіў у Беларускі пасольскі клюб.

Арыштоўваўся польскімі ўладамі.

У 1930-х працаваў на сялянскай гаспадарцы. Пасьля далучэньня Заходняй Беларусі да БССР — 20 чэрвеня 1941 арыштаваны савецкімі ворганамі дзяржбясьпекі, З пачаткам ВАВ — уцёк з турмы.

Пад час нямецкай акупацыі — бурмістр Дзятлава. Зь лета 1944 — на эміграцыі. Жыў у Нямеччыне, Бэльгіі.

Творчасьць

• Упаміны 1957, Нью-Ёрк
• Лісты В.Рагулі да Юркі Віцьбіча // Архэ 2-2002

Літаратура

• Рагуля Васіль // Лявон Юрэвіч. Літаратурны рух на эміграцыі. Менск, БГА, 2002.
• РАГУЛЯ Васіль Цімафеевіч // Маракоў Л.У. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі, 1794—1991. Энц. даведнік. У 10 т. Т. 2. — Мн:, 2003. ISBN 985-6374-04-9.
• Аляксандр Адзінец. Выкладчык маiх унiверсiтэтаў // Салідарнасьць № 42 (533), 28 кастрычніка 2005

Вонкавыя спасылкі

• РАГУЛЯ Васіль Цімафеевіч // «Адраджэнцы Беларусі», выданьне культурна-асьветнага клюбу «Спадчына», прысьвечанае 90-годзьдзю абвяшчэньня незалежнасьці Беларускай Народнай Рэспублiкi.