Вікторыя Азаранка

Вікторыя Азарэнка (нарадзілася 31 ліпеня 1989) — беларуская тэнісістка. Жыве і трэніруецца ў Марбэльі (Гішпанія).

Дасягненьні

Пераможца Адкрытага чэмпіянату ЗША-2005 у юніёрскім разрадзе. Пераможца юніёрскага (да 18 год) Адкрытага чэмпіянату Аўстраліі Australian Open у 2005 годзе ў адзіночным і парным разрадах. У парным разрадзе сярод юніёрак Вікторыя Азарэнка таксама перамагла ў Адкрытым чэмпіянаце Францыі Roland Garros у 2005 годзе (разам з вугоркай Агнэш Савай), і на Ўімблдоне ў 2004 годзе (разам зь беларускай Вольгай Гаварцовай). На 2005 год у юніёрскім разрадзе Вікторыя Азарэнка ўжо мае шэсьць тытулаў у адзіночцы (і яшчэ дзесяць у парным разрадзе), зьяўляецца чэмпіёнкай Эўропы ў парным разрадзе сярод 14-гадовых і пераможцай каманднага Кубку Эўропы да 14 і 16 гадоў.

У 2005 годзе стала чэмпіёнкай сьвету сярод юніёрак па вэрсіі Міжнароднай тэніснай фэдэрацыі ITF.

Першы нумар юніёрскага рэйтынгу (2005). 149 нумар рэйтынгу WTA (кастрычнік 2005).

Зьнешнія спасылкі

• Вікторыя Азарэнка – чэмпіёнка сьвету сярод юніёрак (2005)
• 14-гадовая Вікторыя Азарэнка -- абсалютная чэмпіёнка Адкрытага чэмпіянату Аўстраліі сярод юніёраў