Поліцукрыды

Полісахары́ды (або гліка́ны) — адносна складаныя вугляводы, палімэры монасахарыдаў (такіх як глюкоза або сахароза) ці іхніх вытворных (напрыклад, амінасахарыдаў). Полісахарыды маюць вялікую малекулярную вагу, часам — разгалінаваную структуру. Яны звычайна аморфныя, нераспушчальныя ў вадзе, ня маюць характэрнага для монасахарыдаў салодкага смаку.

Полісахарыды, вытворныя ад аднаго тыпу монасахарыдаў, называюцца гомаполісахарыдамі (гомагліканамі), а болей за аднаго тыпу монасахарыдаў — гетэраполісахарыдамі (гетэрагліканамі).

Агульная формула полісахарыдаў — звычайна C_n(H₂0)_{n − 1}, дзе n — даволі вялікі лік, 200-500.

Прыкладамі полісахарыдаў зьяўляюцца цэлюлёза, крухмал, глікаген, хіцін.