Алесь Пісьмянкоў: розьніца паміж вэрсіямі
(Розьніцы няма)
|
Вэрсія ад 01:24, 27 студзеня 2021
Алесь Пісьмянкоў | |
Асабістыя зьвесткі | |
---|---|
Нарадзіўся | 25 лютага 1957 |
Памёр | 23 красавіка 2004 (47 гадоў) |
Пахаваны | |
Літаратурная дзейнасьць | |
Род дзейнасьці | эсэіст, пісьменьнік, паэт, журналіст, перакладнік |
Мова | беларуская мова[1] |
Узнагароды |
Алесь Уладзімеравіч Пісьмянкоў (25 лютага 1957, в. Бялынкавічы (паводле іншых зьвестак в. Іванаўка), Касьцюковіцкі раён, Магілёўская вобласьць — 23 красавіка 2004, Менск) — беларускі паэт, эсэіст.
Біяграфія
Нарадзіўся 25 лютага 1957 году ў в. Бялынкавічы (паводле іншых зьвестак у в. Іванаўка) Касьцюковіцкага раёну Магілёўскай вобласьці ў рабочай сям’і. Бацька паэта, Уладзімер Сямёнавіч, працаваў шафёрам, маці, Марыя Сямёнаўна, — медсястрой у бальніцы. На выхаванне і сталеньне Алеся ды яго малодшага брата Міколы ў значнай ступені паўплывалі родныя бацькоў: апавядальнікі і надзвычай гасьцінныя дзед Сямён Варфаламеевіч і бабуля Анісся Васільеўна.
Вучыўся ў Бялынкавіцкай сярэдняй школе, асаблівы ўплыў на Алеся зрабіў настаўнік мовы і літаратуры А. Нікіценка, які падчас вучобы ў Смаленску неаднойчы сустракаўся з А. Твардоўскім і М. Ісакоўскім. Пасьля школы, у 1974—1975 гадох працаваў карэспандэнтам касцюковіцкай раённай газэты «Сцяг камунізму». У 1975 годзе паступіў на беларускае аддзяленьне філялягічнага факультэту Беларускага дзяржаўнага ўнівэрсытэту, якое скончыў у 1980 годзе.
У 1980—1982 гадох працаваў карэспандэнтам у аддзеле крытыкі і бібліяграфіі штотыднёвіка «Літаратура і мастацтва», у 1982 годзе перайшоў у часопіс «Полымя» на пасаду рэдактара аддзелу навукі і мастацтва. Член Саюзу беларускіх пісьменьнікаў з 1984 году, у 1990 годзе абраны сакратаром саюзу. Пазьней вярнуўся ў часопіс «Полымя» намесьнікам галоўнага рэдактара, але потым ізноў перайшоў у «ЛіМ» на пасаду галоўнага рэдактара (1999—2002). У 2002 годзе перайшоў у рэдакцыю часопісу «Вожык» (2002—2004).
Памёр 23 красавіка 2004 году ў Менску на працоўным месцы ад сардэчнага прыступу. Пахаваны ў Менску на Кальварыйскіх могілках[2].
Узнагароды
- ляўрэат прэміі Ленінскага камсамолу БССР (1988) за кнігу лірыкі «Чытаю зоры»,
- ляўрэат Літаратурнай прэміі імя А. Куляшова (1998) за кнігу «Вершы»,
- ляўрэат прэміі «Залаты апостраф» (2004, пасьмяротна).
Крыніцы
- Нарадзіліся 25 лютага
- Нарадзіліся ў 1957 годзе
- Нарадзіліся ў Касьцюковіцкім раёне
- Памерлі 23 красавіка
- Памерлі ў 2004 годзе
- Памерлі ў Менску
- Пахаваныя на Кальварыйскіх могілках
- Ляўрэаты прэміі Ленінскага камсамолу БССР
- Ляўрэаты Літаратурнай прэміі імя Аркадзя Куляшова
- Ляўрэаты прэміі «Залаты апостраф»
- Беларускія літаратары
- Беларускамоўныя паэты і паэткі