Канстытуцыя Рэспублікі Сэрбскай

Канстытуцыя Рэспублікі Сэрбскай — галоўны закон і праўны акт у сыстэме праўных актаў Рэспублікі Сэрбскай. Канстытуцыя рэгулюе стасункі ў грамадзтве, рэспубліканскую арганізацыю і паўнамоцтвы рэспубліканскіх органаў улады.

Першая Канстытуцыя была прынятая 28 лютага 1992 году. Тады яна звалася Канстытуцыя Сэрбскай Рэспублікі Босьніі і Герцагавіны. Галоўны закон РС быў прыняты ў гады распаду Югаславіі. З моманту прыняцьці Канстытуцыя неаднаразова зьмянялася і дапаўнялася. Галоўным чынам, гэта было зьвязана зь яе рэдакцыяй пасьля Дэйтанскага мірнага пагадненьня і пастановамі Канстытуцыйнага суду Босьніі і Герцагавіны. Таксама Канстытуцыя неаднаразова зьмянялася падчас мандата Высокага прадстаўніка ў БіГ Пэдзі Эшдаўна. Былі агучаны і патрабаваньні прыняцьця новай канстытуцыі.

Структура

Структура Канстытуцыі РС складаецца з 12 разьдзелаў і 140 артыкулаў.

1. Асноўныя палажэньні
2. Правы і свабоды чалавека
3. Эканамічны і сацыяльны лад
4. Правы і абавязкі Рэспублікі
5. Арганізацыя Рэспублікі
6. Тэрытарыяльная арганізацыя
7. Абарона Рэспублікі
8. Канстытуцыйнасьць і законнасьць
9. Канстытуцыйны суд
10. Суды і пракуратура
11. Зьмена Канстытуцыі
12. Апошнія палажэньні

Вонкавыя спасылкі

• Конституция РС