Стандард Льеж

Стандард Льеж
Поўная назва	Royal Standard de Liège
Заснаваны	1898
Горад	Льеж, Бэльгія
Стадыён	Марыс Дзюфран Умяшчальнасьць: 30 023
Кіраўнік	777 Partners[d]
Галоўны трэнэр	Іван Лека[d]
Чэмпіянат	Першы дывізіён А
· 2022—2023	7 месца
Хатнія колеры Выязныя колеры Трэція колеры
Галерэя здымкаў у Вікісховішчы standard.be (фр.)​ (нід.)

«Стандард» (па-нідэрляндзку: Standard) — бэльгійскі футбольны клюб з гораду Льежу. Заснаваны ў 1898 годзе. 10-разовы чэмпіён Бэльгіі, васьміразовы ўладальнік Кубка Бэльгіі. Хатнім стадыёнам клюбу зьяўляецца арэна «Марыс Дзюфран», які зьмяшчае 30 023 гледачы.

Гісторыя

Матч на Кубак УЭФА супраць люксэмбурскага клюбу «Кэр’енгу»

Клюб быў створаны студэнтамі каледжа Сьвятога Сэрвацыюса ў 1900 годзе. У тыя часы ў Льежы існаваў толькі адзіны футбольны клюб, які насіў назву гораду — «Льеж». За «Льеж» тады заўзелі ў асноўным знатныя й заможныя мяшчане. Фактычна ў процівагу гэтаму клюбу й быў створаны «Стандард», названы па тыпу папулярнага тады францускага клюбу «Стандард дэ Парыж».

Да 1909 году клюб выступаў у другім дывізіёне чэмпіянату Бэльгіі. Але пасьля пераезду на новую арэну «Sclessin» «Стандард» здолеў выйсьці ў першы дывізіён Бэльгіі.

Падчас Першай сусьветнай вайны клюб пазбавіўся 20 сваіх гульцоў. І пасьля заканчэньня вайны кіраўніцтва пачало ствараць новую каманду. Быў выкуплены стадыён, сабраная новая каманда з новым трэнэрам. Але да Другой сусьветнай вайны клюб ня змог дамагчыся сур’ёзных посьпехаў, становячыся толькі тройчы віцэ-чэмпіёнам Бэльгіі.

Толькі праз 60 гадоў пасьля свайго заснаваньня «Стандард» стаў найлепшым клюбам Бэльгіі, шмат у чым дзякуючы кіраўніцтву клюбу ў асобе Ражэ Пэці й Поля Энрара. На працягу 1960-х і 1970-х гадоў «Стандард» быў адным зь лідэраў бэльгійскага футболу нароўні з «Бруге» й «Андэрлехтам». Вяршыні клюб дасягнуў у пачатку 1980-х гадоў, атрымаўшы перамогу ў Кубку Бэльгіі у 1981 годзе й двойчы запар чэмпіёнскі тытул у 1982 і 1983 гадох, а таксама выйшаўшы ў фінал Кубка ўладальнікаў кубкаў у 1982 годзе, дзе атрымаў паразу ад «Барсэлёны» зь лікам 1:2. Гэты фінал стаў самым вялікім дасягненьнем клюбу на міжнароднай арэне.

Аднак празь некаторы час, у 1984 годзе, быў выяўлены факт дамоўных матчаў, у якіх было замяшана кіраўніцтва «Стандарду». Наймацнейшыя гульцы каманды былі дыскваліфікаваныя, а клюб атрымаў сур’ёзныя санкцыі. Каля дзесяці гадоў спатрэбілася камандзе, каб акрыяць ад такога здарэньня, і ў 1993 годзе клюб заняў другое месца ў чэмпіянаце.

Паводле вынікаў сэзону 2007—2008 гадоў клюб заняў першае месца ў чэмпіянаце Бэльгіі, упершыню за 25 гадоў, а на наступны год выйграў другі чэмпіёнскі тытул запар.

Склад

Актуальны на 10 траўня 2020 году

№ Пазыцыя Імя Год нараджэньня 1 Бр Жан-Франсуа Жые 1979 3 Аб Зыньню Вангэўсдэн 1999 4 Аб Дымітры Лявале 1997 5 Аб Муса Сысако (ар. ПСЖ) 2000 6 Аб Ноэ Дзюсэн 1992 7 Нап Дуе Чоп 1990 8 ПА Гойка Цымірат 1992 10 Нап Мэгдзі Карсэля (капітан) 1989 12 Нап Дэніс Дрэгуш 1999 13 Аб Джон Нэкадыё 2002 15 ПА Эдэн Шамір 1995 16 Бр Арно Бадар 1998 17 Нап Абі Ўларэ 1996 18 Нап Аляксандар Болевіч 1995 19 ПА Сэлім Амаляг 1996

№ Пазыцыя Імя Год нараджэньня 20 ПА Мэрвэй Бакадзі 1996 21 Аб Колінз Фаі 1992 22 Нап Максім Лест’ен 1992 23 Аб Сэна Міянг (ар. Кальяры) 1997 24 Аб Нікаля Гавары 1995 25 Нап Фэліпэ Авэнацьці 1993 26 ПА Нікаля Раскін 2001 27 Аб Мёргім Войвада 1995 28 ПА Самюэль Баст’ен 1996 30 Бр Ваня Мілінкавіч-Савіч (ар. Тарына) 1997 32 ПА Ёахім Карсэля 1999 33 Бр Тымаці Гальжэ 2001 34 Аб Канстантынас Ляйфіс 1993 37 Аб Адзі Сангарэ 1998

Вонкавыя спасылкі

Стандард Льеж — сховішча мультымэдыйных матэрыялаў

• Афіцыйны сайт