Сан-Лярэнса Буэнас-Айрэс

Сан-Лярэнса
Поўная назва	Club Atlético San Lorenzo de Almagro
Заснаваны	1 красавіка 1908
Горад	Буэнас-Айрэс, Аргентына
Стадыён	Нуэва Гасамэтра Умяшчальнасьць: 47 964
Прэзыдэнт	Арасьё Арэсэйгор[d]
Галоўны трэнэр	Хорхэ Альмірон
Чэмпіянат	Прымэра
· 2017—2018	3 месца
Галерэя здымкаў у Вікісховішчы Афіцыйны сайт

«Сан-Лярэнса дэ Альмагра» (па-гішпанску: San Lorenzo de Almagro) — аргентынскі футбольны клюб з гораду Буэнас-Айрэс, гуляе ў Прымэры. «Сан-Лярэнса» лічыцца адным з клюбаў вялікай пяцёркі аргентынскага футболу, куды, таксама, уваходзяць «Рывэр Плэйт», «Бока Хуніёрс», «Індэпэнд’ентэ» і «Расінг». Аднак гістарычным супернікам клюбу лічыцца клюб «Уракан». «Сан-Лярэнса» па-за межамі Аргентыны атрымаў дадатковую вядомасьць дзякуючы таму, што ў сакавіку 2013 году рымскім папам быў абраны заўзятар гэтага клюбу папа Францішак.

Гісторыя

Каманда была заснавана 1 красавіка 1908 году. Назва адначасова адлюстроўвала павагу да Сьвятога Лаўрэнція і каталіцкага сьвятара Ляренса Маса, які дапамагаў новай камандзе праз прадастаўленьне ў выкарыстаньне пляцоўкі для гульняў. Пачынаючы з часоў стварэньня прафэсійнага футболу ў 1931 годзе, каманда ўваходзіць у пяцёрку найлепшых клюбаў Аргентыны, нароўні з «Рывэр Плэйтам», «Бока Хуніёрс», «Расінгам» і «Індэпэнд’ентэ».

У 1933 годзе клюб выйграў свой першы прафэсійны тытул. За каманду выступаў баск Ісыдра Лянгара. Наступны тытул быў атрыманы ў 1946 годзе, што перапыніла пераможную сэрыю «Рывэр Плэйт» у чэмпіянаце Аргентыны. У той жа год каманда адправілася ў турнэ па Гішпаніі і Партугаліі, дзе правяла сэрыю таварыскіх матчаў. Пасьля паразы ад мадрыдзкага «Рэалу», «Сан-Лярэнса» атрымаў перамогу ў сустрэчах з «Барсэлёнай», нацыянальнай зборнай Гішпаніі і Партугаліі. Гішпанскія журналісты назвалі «Сан-Лярэнса» «найлепшай камандай у сьвеце». Футбалісту Рэнэ Пантоні прапаноўвалі кантракт з «Барсэлёнай», аднак ён адмовіўся з прычыны нежаданьня пакідаць родную Аргентыну.

«Сан-Лярэнса» быў адным з галоўных фаварытаў першага розыгрышу Кубка Лібэртадорэс у 1960 годзе. Аднак каманда саступіла ў паўфінале ва ўпартай барацьбе пераможцу турніру ўругвайскаму клюбу «Пэньяроль».

Дасягненьні

• Чэмпіён Аргентыны: 15
  • 1923, 1924, 1927, 1933, 1936, 1946, 1959, 1968(М), 1972(М), 1972(Н), 1974(Н), 1995(К),
  • 2001(К), 2007(К), 2013(І)

• Уладальнікі Кубку Лібэртадорэс: 2014
• Уладальнікі Паўднёваамэрыканскага кубку: 2002
• Уладальнікі Кубка Мэркасур: 2001

• Удакладненьне: І — Інісіяль, К — Кляўсура, М — Мэтрапалітана, Н — Насьяналь

Склад

Актуальны на 8 кастрычніка 2018 году

№ Пазыцыя Імя Год нараджэньня 2 Аб Гансалё Радрыгес 1984 5 ПА Арыель Рохас 1986 6 Аб Марка Сэнэсі 1997 7 ПА Франка Мусіс 1992 8 ПА Габрыёль Гудыньнё 1992 9 Нап Нікаляс Бляндзі (капітан) 1990 11 ПА Баўтыста Мэрліні 1995 12 Бр Сэбастыян Тарыка 1980 13 Аб Ляўтара Мантоя 1994 14 ПА Алексіс Кастра 1994 15 Нап Нікаляс Рэн’ера 1995 16 ПА Фэрнанда Бэльюскі 1983 17 ПА Хэроніма Паблетэ 1993 19 ПА Рубэн Бота 1990 20 ПА Даніель Эрнандэс 1990 21 Аб Эліяс Пэрэйра 1999

№ Пазыцыя Імя Год нараджэньня 22 Бр Нікаляс Навара 1985 23 Нап Хэрман Бэртэрамэ 1998 24 Аб Фэдэрыка Гатоні 1999 25 Бр Хасэ Дэвэкі 1995 27 Аб Габрыель Рохас 1997 28 ПА Наўэль Барыёс 1998 29 Аб Віктар Салязар 1993 31 ПА Франка Маяна 1997 32 Аб Фабрыцыё Калячыні 1982 33 ПА Аляксандар Дыяс 2000 35 ПА Матыяс Палясіёс 2002 36 ПА Мануэль Інсаўральдэ 1999 37 Нап Паблё Моўчэ (ар. Палмэйрас) 1987 38 Нап Адольфа Гайч 1999 41 Аб Джанлюка Фэрары 1997 42 Аб Марсэлё Эрэра 1998

Вонкавыя спасылкі

Сан-Лярэнса Буэнас-Айрэс — сховішча мультымэдыйных матэрыялаў

• Афіцыйны сайт