Часопіс: розьніца паміж вэрсіямі

Зьвесткі зь Вікіпэдыі — вольнай энцыкляпэдыі
Змесціва выдалена Змесціва дададзена
Няма апісаньня зьменаў
д новы ключ для Катэгорыя:Часопісы: « » з дапамогай HotCat
Радок 28: Радок 28:
{{commons|Category:Magazines|выгляд=міні}}
{{commons|Category:Magazines|выгляд=міні}}


[[Катэгорыя:Часопісы]]
[[Катэгорыя:Часопісы| ]]

Вэрсія ад 18:44, 15 траўня 2018

Часопісы

Часо́піс (ча́сапіс, журна́л'; франц. Journal) — друкаванае пэрыядычнае выданьне. Побач з газэтай, часопіс зьяўляецца адным з асноўных сродкаў масавай інфармацыі і прапаганды, аказвае ўплыў на грамадзкую думку, фармуючы яе ў адпаведнасьці з інтарэсамі вызначаных ідэалягічных групаў, грамадзкіх клясаў, палітычных партый, арганізацый.

Са зьяўленнем тэхналёгій кампутарнай вёрсткі і распаўсюджваньнем камэрцыйных друкарняў з магчымасьцю поўнакаляровага друку ў Беларусі канца XX — пачатка XXI стагодзьдзя, часопісы сталі асноўным рэкляманосьбітам для тавараў кляса «прэміум». Часопісы як правіла, адрасаваныя да канкрэтнае аўдыторыі чытачоў.

У Беларусі, як увогуле і ў сьвеце часопісы былі адным з асноўных відаў СМІ на працягу XIX і XX стагодзьдзя. Зараз пад уплывам нарастаньня новых тэхналёгій перадачы інфармацы, кшталту Інтэрнэта, часопісы пачалі адмаўляцца ад папяровых вэрсій і выходзіць толькі ў электронным выглядзе. Так напрыклад вырашылі зрабіць выдаўцы часопіса «Life».

Віды

Часопісы, як і газэты, клясыфікуюцца:

  • па пэрыядычнасьці — не бывае штодзённых часопісаў, распаўсюджаны штотыднёвыя і штомесячныя, а таксама бываюць такія, якія выходзяць два разы на месяц, раз у два месяца, раз на квартал;
  • па фармаце;
  • па тэматыцы;
  • па характары падачы інфармацыі.

Асаблівасьці

З-за таго, што часопісы выходзяць у сьвет радзей, чым газэты, яны адрозьніваюцца нізкай апэратыўнасьцю падачы інфармацыі, затое ў іх больш магчымасьцяў для падрабязнага аналізу падзеяў, разважаньняў, падвядзеньня вынікаў і г. д.

Гісторыя

Першым часопісам у сьвеце лічыцца амэрыканскі «The Gentleman's Magazine», першы нумар якога зьявіўся ў 1731.

Беларусь

У 2010 годзе з 885 найменьняў часопісаў толькі 147 (16%) выходзіла па-беларуску. З гадавога накладу ў 59 млн. асобнікаў на беларускай мове выдалі толькі 3,2 млн. (5,4%)[1].

Крыніцы

Вонкавыя спасылкі

Часопіссховішча мультымэдыйных матэрыялаў