Вільярэал (футбольны клюб)

Вільярэал
Файл:Villarreal CF logo.png
Поўная назва	Villarreal Club de Fútbol, S.A.D.
Заснаваны	10 сакавіка 1923
Горад	Вільярэал, Гішпанія
Стадыён	Эль-Мадрыгаль Умяшчальнасьць: 24 890
Прэзыдэнт	Фэрнанда Роіг Альфонса
Кіраўнік	Фэрнанда Роч Альфонса[d]
Галоўны трэнэр	Фран Эскрыба
Чэмпіянат	Ля Ліга
· 2016—2017	5 месца
Хатнія колеры Выязныя колеры
Галерэя здымкаў у Вікісховішчы Афіцыйны сайт

«Вільярэа́л» (па-гішпанску: Villarreal Club de Fútbol, S.A.D.) — гішпанскі футбольны клюб, што базуецца ў мястэчку Вільярэал у правінцыі Кастэльён у складзе Валенсійскай аўтаноміі. Каманда гуляе на стадыёне «Эль-Мадрыгаль», што месьціць 25 тысячаў чалавек. Клюб быў заснаваны ў 1923 годзе яшчэ да грамадзянскай вайны й да сэзону 1955—1956 гадоў гуляў у рэгіянальных лігах. Клюб шмат часу правёў у Тарсэры, Сэгундзе Б і Сэгундзе (трэці, другі й першы нацыянальныя дывызіёны) пакуль у 1998 годзе не дэбютаваў у Ля Лізе. Гэта падзея адбылася 31 жніўня, калі «падводнікі» ў гасьцёх гулялі супраць мадрыдзкага «Рэалу».

У чэмпіянаце краіны клюб заваяваў срэбраны мэдаль (2008) і бронзавы (2005). Найвышэйшым дасягненьнем у Кубку Гішпаніі для «Вільярэалу» пакуль зьяўляецца тройчае пападаньне ў чвэрцьфінал (1993, 2002 і 2008). Доўгі час асноўным супернікам «Вільярэалу» быў клюб «Кастэльён», бо абодва месьцяцца ў адной правінцыі. Але на сёньняшні момант галоўным супраціўнікам зьяўляецца «Валенсія». Супрацьборствы паміж гэтымі клюбамі атрымалі назоў Валенсійскае лякальнае дэрбі.

Гісторыя

Клюб быў заснаваны 10 сакавіка 1923 году. Першым прэзыдэнтам клюбу стаў Хасэ Кальдуш Альмэля. Першапачаткова колерамі клюбу былі чорны й белы, то бок белыя кашулі й чорныя шорты, а ў 1946 годзе было прынята рашэньне зьміняць іх на жоўты й сіні, якія застаюцца й на сёньняшні дзень. Стадыён «Эль-Мадрыгаль» быў уведзены ў дзеяньне 17 чэрвеня 1923 году, а першы матч каманда згуляла на ім 21 кастрычніка.

Клюб гуляў у рэгіянальных дывізіёнах да сэзону 1955—1956 гадоў, калі забясьпечыў сабе выхад у трэці нацыянальны дывізіён, у якім гуляў да сэзону 1961—1962 гадоў, калі 14 пазыцыя прывяла да паніжэньня ў клясе й вяртаньню ў першы рэгіянальны дывізіён. Аднак там «Вільярэал» затрымаўся ненадоўга й, заняўшы ў сэзоне 1966—1967 гадоў першае месца, забясьпечыў пераход у трэці нацыянальны дывізіён. З трэцяй спробы клюб забясьпечыў павышэньне ў клясе зь першага месца, аднак затрымаўся ў другім нацыянальным дывізіёне толькі на два гады, заняўшы 17 месца ў сэзоне 1971—1972 гадоў. Пасьля чатырох ня вельмі ўдалых сэзонаў у трэцім нацыянальным дывізіёне клюб у апошні раз вярнуўся ў першы рэгіянальны дывізіён, затрымаўшыся там толькі на сэзон 1976—1977 гадоў, паводле выніках якога зь першага месца зноўку трымаў павышэньне ў Тэрсэру. У сэзоне 1986—1987 гадоў «падводнікі» зарабілі павышэньне ў клясе й з 1987 па 1990 гады правялі ў Сэгундзе Б, адкуль панізіліся клясай ніжэй. Сэзон 1990—1991 гадоў стаў апошнім у трэцім нацыянальным дывізіёне, бо паводле ягоных вынікаў, заняўшы 2 месца, клюб перайшоў у Сэгунду Б, адкуль транзытам з 2 месца ў сэзоне 1991—1992 гадоў трапіў у Сэгунду. На працягу пяці сэзонаў клюб займаў месца ніжэй за сярэдзіну турнірнай табліцы лігі.

У сэзоне 1997—1998 гадоў «падводнікі» занялі 4 месца, што дазволіла праз сыстэму плэй-оф зарабіць упершыню за 65 гадоў гісторыі клюбу пуцёўку ў элітны гішпанскі дывізіён. Першы матч у Ля Лізе клюб правёў 31 жніўня 1998 году на стадыёне «Сант’яга Бэрнабэў», дзе «Вільярэал» саступіў мадрыдзкаму «Рэалу» зь лікам 4:1. У дэбютным сэзоне за «Вільярэал» выступалі такія гульцы, як то Давід Альбэльда, Андрэс Палёп, Хэсус Гарсія Санхуан, Жэрарда Гарсія. Нягледзячы на ​​ўдалую першую палову сэзону, у выніку «Вільярэал» заняў 18 радк у табліцы, вярнуўшыся ў Сэгунду. Сэзон 1999—2000 гадоў клюб завяршыў на 3 пазыцыі, вярнуўшы сабе права выступаць у найвышэйшым дывізіёне. За адзінаццаць наступных сэзонаў клюб займаў месцы з 15 па 2 і браў удзел у эўрапейскіх клюбных спаборніцтвах.

Паводле вынікаў сэзону 2011—2012 гадоў клюб пакінуў найвышэйшы дывізіён чэмпіянату Гішпаніі, скончыўшы сэзон на 18 месцы. Аднак на наступны сэзон «Вільярэал» зноўку забясьпечыў сабе права выступу ў Ля Лізе.

Склад

Актуальны на 28 жніўня 2015 году

№ Пазыцыя Імя Год нараджэньня 1 Бр Сэрхіё Асэнха 1989 2 Аб Марыё Гаспар 1990 3 Аб Боян Ёкіч 1986 4 ПА Тамас Піна 1987 5 Аб Матэо Мусак’ё 1990 6 Аб Віктар Руіс 1989 7 Нап Саму Гарсія 1990 8 ПА Жонатан дос Сантас 1990 9 Нап Рабэрта Сальдада 1985 10 Нап Лео Баптыстан 1992 11 Аб Хаўмэ Коста 1988 13 Бр Альфонс Арэаля 1993

№ Пазыцыя Імя Год нараджэньня 14 ПА Ману Трыгерас 1991 17 ПА Сэдрык Бакамбу 1991 19 ПА Саму Кастыльеха 1995 21 ПА Бруна Сарыяна (капітан) 1984 22 Аб Антоніё Рукавіна 1984 24 Аб Эрык Баі 1994 25 Бр Марыяна Барбоса 1984 26 ПА Матыяс Наўэль 1996 44 Аб Паблё Іньігес 1994 Аб Адрыян Марын 1997 ПА Дэніс Суарэс 1994 Нап Ханатан Пэрэйра 1987

Вонкавыя спасылкі

Вільярэал (футбольны клюб) — сховішча мультымэдыйных матэрыялаў

• Афіцыйны сайт (гішп.) (анг.)