Мацей Грушэцкі: розьніца паміж вэрсіямі
Knedlik-Pod (гутаркі | унёсак) |
→Біяграфія: герб у картцы |
||
| Радок 29: | Радок 29: | ||
== Біяграфія == |
== Біяграфія == |
||
[[Файл:Grushetsky COA.jpg|міні|180пкс|зьлева|Герб Грушэцкіх]] |
|||
=== Атрыманьне пасады === |
=== Атрыманьне пасады === |
||
Вэрсія ад 20:28, 11 верасьня 2016
 Герб Любіч | |
| Каронны харунжы караля Уладзіслава II Ягайлы | |
|---|---|
| з 1410г. — няма зьвестак | |
| Папярэднік | рыцар Марцін з Врацімавіцаў гербу Полуказы |
| Асабістыя зьвесткі | |
| Памёр | |
| Род | Грушэцкія |
| Жонка | Маліцкая |
| Дзеці | Эдржэй (па-беларуску: Андрусь) |
| Рэлігія | рыма-каталік |
| Дзейнасьць | жакей |
Мацей Грушэцкі (па-польску: Maciej Gruszecki) — рыцар гербу Любіч і каронны харунжы караля Ўладзіслава II Ягайлы. Пасаду атрымаў падчас Грунвальдзкай бітвы. За крывавыя рыцарскія заслугі атрымаў ад караля Ягайлы ў 1411 годзе вёску ў Люблінскім ваяводзтве — Грушкі (Грушыцы), ад якой узяў сваё прозьвішча — «Грушэцкі» (па-польску: Gruszecki) і стаўся такім чынам родапачынальнікам шляхецкага рыцарскага роду Грушэцкіх гербу Любіч.
Біяграфія
Атрыманьне пасады
Напачатку Грунвальдзкае бітвы каронным харунжым караля Ўладзіслава II Ягайлы быў рыцар Марцін з Врацімавіцаў гербу Полуказы. Але ў пылы бітвы ён абраніў сьцяг Каралеўства Польскага, што было ганебным учынкам. Гэта здарылася тады, калі войска літоўскае зьвярнулася ва ўцёкі, і разгарнулася жорсткая бітва паміж польскімі і прускімі войскамі. Між тым, як крыжакі сталі намагаць ўсе сілы да перамогі, вялікая харугва польскага караля Ўладзіслава зь белым арлом, якую нёс Марцін з Врацімавіцаў, пад варожым націскам валіцца на зямлю. Крыжакі ўжо спадзяваліся на хуткую перамогу, але дзякуючы вопытным і адважным рыцарам, якія былі побач са сьцягам і затрымалі яго падзеньне, сьцяг быў хутка падняты ізноў. Каб замяць ганьбу і крыўду і адстаяць гонар сьцягу, польскія рыцары, натхнёныя падняцьцём сьцягу і жаданьнем адстаяць яго гонар, у ярасным націску абрушыліся на ворага.
З гэтага часу каронным харунжым стаў рыцар Мацей гербу Любіч. За крывавыя заслугі кароль Ягайла, які паставіў рыцара Мацея каронным харунжым, дараваў яму ў Люблінскім ваяводзтве вёскі Грушыцы (Грушкі), і Малыя і Вялікія, навечна. Ад назвы гэтай мясьціны пайшло і прозьвішча, што замацавалася за ім — «Грушэцкі», а ён такім чынам стаў родапачынальнікам Грушэцкіх. Прозьвішча гэта таксама атрымалі і двое яго братоў. Мацей, будучы яшчэ да гэтага рыцарам і шляхцічам, валодаў вёскамі Вярцішоў і Быхаўка, таксама ў Люблінскім ваяводзтве.
Нашчадкі
Яго сын Эдржэй (па-беларуску: Андрусь) мужна сябе праявіў ў розных кампаніях каралёў Зыгмунта і Стэфана. З васьмі сыноў унука Мацея, Пятра, шэсьць палеглі ў розных ваенных кампаніях. Праўнук яго, Браніслаў Самуэль Шуміліст названы, войскім і лоўчым Чарнігаўскім. На Падольлі, у Галасковічах, выбудаваў замак. Другі праўнук, Станіслаў Ян, быў судзьдзя земскі Падольскі, стольнік Лецічэўскі, дэпутат на Каронны Трыбунал 1694 г.
Літаратура
- Gruszecki herbu Lubicz // Kasper Niesiecki. Herbarz Polski. T. 4: E—J. — Lipsk, 1839. S. 301—302.
- Jan Długosz. Bitwa Grunwaldzka: (z historii Polski). — Kraków, 1920.