Алейны жывапіс

«Мона Ліза» пэндзля Леанарда да Вінчы, драўляная дошка, алей.

Алейны жывапіс — від жывапісу мастацкімі алейнымі фарбамі, у якіх сувязным рэчывам для каляровых парашкоў (пігментаў) зьяўляюцца алей ільняны, арэхавы, сланечнікавы і інш. і розныя лакі. Алейны жывапіс выконваецца пераважна на палатне, дрэве, кардоне, металічных плітах, пакрытых адмысловымі грунтамі (станковы алейны жывапіс) ці па вапнавым тынку (манумэнтальны алейны жывапіс).

Вядомы з 10 стагодзьдзя. Пашырыўся на пачатку 15 стагодзьдзя пасьля ўдасканаленьня яго Янам ван Эйкам.

На Беларусі вядомы з пачатку 16 стагодзьдзя. У тэхніцы алейнага жывапісу працуе пераважная большасьць мастакоў.

Літаратура

• Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн.: БелЭн., 1996. ISBN 985-11-0036-6.