Какосавыя астравы

Какосавыя астравы Territory of the Cocos (Keeling) Islands
Сьцяг Герб
Афіцыйная мова	ангельская
Сталіца	Вэст-Айлэнд
Найбуйнейшы горад	Бантэм
Форма кіраваньня каралева кіраўнік	залежная тэрыторыя Элізабэта ІІ Браян Лэйсі
Плошча  • агульная  • адсотак вады	14 км² 0
Насельніцтва  • агульнае (2009)  • шчыльнасьць	596 44,9/км²
Валюта	Аўстралійскі даляр (AUD)
Дамэн верхняга ўзроўню	.cc
Тэлефонны код	+61 891
Мапа Какосавых астравоў

Како́савыя астравы, астравы Кілінг (па-ангельску: Cocos (Keeling) Islands) — група атолаў у Індыйскім акіяне, якія зьяўляюцца аўстралійскай залежнай тэрыторыяй. Знаходзяцца ў 1100 км на захад ад Суматры.

Гісторыя

Астравы былі адкрытыя ў 1609 годзе капітанам Вільямам Кілінгам, але да ХІХ стагодзьдзя заставаліся незаселенымі. У 1826 годзе зьявілася паселішча на Вэст-Айлэнд, а ў наступным годзе на Саўс-Айлэнд.

У 1836 годзе на астравы прыбыў карабель «Бігль», на якім Чарлз Дарвін ажыцьцяўляў кругасьветнае падарожжа. Яго дасьледаваньні мясцовых атолаў сталі падмуркам тэорыі ўзьнікненьня атолаў.

Вялікабрытанія анэксавала астравы ў 1857 годзе, далучыўшы іх да сваіх азіяцкіх калёніяў, але на практыцы на астравах нічога не зьмянілася.

Пад час Першай сусьветнай вайны 9 лістапада 1914 году адбылася марская бітва, у выніку якой быў патоплены нямецкі карабель «Эмдэн».

У часы Другой сусьветнай вайны астравы знаходзіліся пад вайсковай адміністрацыяй Цэйлону. У траўні 1942 году на астравах адбыўся бунт 15 салдатаў гарнізона. Пасьля падаўленьня бутну, 3 яго ўдзельнікаў былі пакараныя сьмерцю.

У 1955 годзе Вялікабрытанія перадала астравы Аўстраліі і з гэтага часу яны атрымалі статус залежнай тэрыторыі.

Палітыка

Какосавыя астравы згодна з Cocos (Keeling) Islands Act 1955, зьяўляюцца аўстралійскай залежнай тэрыторыяй, якая кіруецца аўстралійскім Department of Transport and Regional Services.

Аўстралійскі кіраўнік, займае пасаду Генэральнага Губэрнатара Аўстраліі і адначасова прадстаўляе на астравах Аўстралію і брытанскую манархію.

Лякальную ўладу прадстаўляе Рада Какосавых астравоў ((Keeling) Islands Shire Council), якая складаецца зь сямі дэпутатаў і выбіраецца на чатырохгадовы тэрмін на ўсеагульных выбарах.

За зьнешнія зносіны і абарону астравоў адказвае Аўстралія, за парадкам на астравах назіраюць пяць паліцэйскіх.

Геаграфія

Какосавыя астравы складаюцца зь дзьвюх групаў атолаў: Паўднёвыя астравы Кілінга, на якіх знаходзіцца ўсё насельніцтва астравоў і Паўночныя астравы Кілінга.

На астравах не існуе крыніцаў пітной вады.

Паўднёвыя астравы складаюцца з 26 астравоў, агульнай плошчай 13,1 км². Заселенымі зьяўляюцца толькі два вострава: Хоўм-Айлэнд і Вэст-Айлэнд.

Паўночныя астравы складаюцца з аднаго атола, які мае выгляд літары “С”. Яго плошча складае 1,1 км². Тут знаходзіцца нацыянальны парк (Pulu Keeling National Park).

Адміністрацыйны падзел

Астравы ня маюць адміністрацыйнага падзелу.

Эканоміка

Асновай эканомікі астравоў зьяўляецца вырошчваньне какосавых пальмаў і абслуга аэрапорта празь які ідзе міжнародная лінія Аўстралія — ПАР, паступова разьвіваецца і турызм.

Дэмаграфія

Большасьць насельніцтва тэрыторыі складаецца з малайцаў.

Вонкавыя спасылкі

Какосавыя астравы — сховішча мультымэдыйных матэрыялаў