Анжы Махачкала

Анжы
Поўная назва	Футбольный клуб «Анжи»
Заснаваны	1991
Горад	Махачкала, Расея
Стадыён	Анжы-Арэна Умяшчальнасьць: 30 000
Прэзыдэнт	Сулейман Керымаў[d]
Кіраўнік	Сулейман Керымаў[d]
Галоўны трэнэр	Юры Сёмін
Чэмпіянат	Прэм’ер-ліга
· 2014—2015	Першынство ФНЛ, 2 месца (павышэньне)
Хатнія колеры Выязныя колеры
Галерэя здымкаў у Вікісховішчы Афіцыйны сайт

Анжы́ (па-расейску: Анжи) — расейскі футбольны клюб з гораду Махачкала. Заснаваны ў 1991 годзе. Фіналіст Кубка Расеі 2001 году. Назва клюбу ёсьць старажытная назва гораду. Хатнія матчы «Анжы» праводзіць у Махачкале на стадыёне «Анжы-Арэна».

Гісторыя

Стварэньне й станаўленьне клюба

Футбольны клюб «Анжы» быў утвораны ў 1991 годзе дырэктарам аб’яднаньня «Дагнафтапрадукт» Магамедсултанам Магамедавым й дырэктарам футбольнай школы Махачкалы Аляксандрам Маркаравым. Слова «Анжы» (на кумыкскай мове Анжы азначае «жамчужына») ёсьць старажытная кумыская назва мясьцовасьці, дзе зараз разьмешчаны горад Махачкала.

У першы ж год каманда «Анжы» перамагла чэмпіянат Дагестану й атрымала права ўдзельнічаць у прафэсійнай футбольнай лізе. У першым сэзоне на прафэсійным узроўні, клюб заняў 5-е месца ў сваім дывізіёне, а на наступны год і зусім упэўнена перамог у турніры. Але ў сувязі з рэарганізацыяй ўсяго расейскага першынства, махачкалінцам давялося застацца ў другім дывізіёне. Яшчэ тры сэзоны спатрэбілася «Анжы», каб перайсьці на адзін узровень вышэй, у сыстэме расейскага футбола. Адбылося гэта пад кіраўніцтвам славутага гульца й трэнера, чэмпіёна СССР 1982 году, Эдуарда Малафеева, які пачаў трэніраваць клюб у 1996 годзе, і адразу ж вывеў яго ў першую лігу расейскага першынства.

Годам раней, імя «Анжы» прабразгала на ўсю Расею, калі на стадыі 1/16 Кубка Расеі махачкалінцы сустрэўшыся зь дзеючым чэмпіёнам Расеі «Аланіяй», не стушаваліся й выбілі лідэра з турніру, абыграўшы іх у дадатковы часе зь лікам 2:1. Прайшоўшы яшчэ адзін раўнд, «Анжы» ў 1/4 прайграла маскоўскаму «Дынама» й завяршыла свой удзел у кубку таго сэзону.

Першы дывізіён

Творца посьпехаў «Анжы» Гаджы Гаджыеў

Сэзоны 1996 і 1997 гадоў, сышлі ў каманды на замацаваньне ў дывізіёне, і махачкалінцы завяршалі іх у сярэдзіне табліцы, заняўшы 13 і 12 месцы адпаведна. У 1999 годзе прэзыдэнтам клюба абралі Хізры Шіхсаідава, старшыні ўрада рэспублікі Дагестан. У клюб быў запрошаны вядомы дагестанскі трэнэр Гаджы Гаджыеў, перад якім была пастаўлена задача выхаду ў вышэйшы дывізіён. Гаджыеў цалкам абнавіў склад каманды, паклікаўшы ў яе малавядомых і ўжо сьпісаных гульцоў. І адразу ж, у сэзоне 1999 году, заняўшы першае месца ў першым расейскім дывізіёне, «Анжы» заваявала права на павышэньне ў клясе. Але гэты посьпех быў з прысмакам гаркаты, з-за трагедыі якая здарылася ў сярэдзіне сэзону. 3 ліпеня 1999 года ў аўтамабільнай аварыі ў Махачкале, загінуў лепшы бамбардзір у гісторыі клюба Ібрагім Гасанбекаў. Тую перамогу ў сэзоне гульцы прысьвяцілі яму, а клюб у сваю чаргу навечна замацаваў за гульцом яго 11-ы нумар.

Склад

Па стане на 26 студзеня 2015 году

№ Пазыцыя Імя Год нараджэньня 1 Бр Аляксандар Крываручка 1984 2 Аб Аляксей Аравін 1986 3 Аб Алі Гаджыбекаў 1989 4 Аб Дзьмітры Айдаў 1982 6 ПА Максім Андрэеў 1988 7 Аб Каміль Агалараў 1988 8 ПА Грыгоры Чыркін 1986 9 Нап Шаміль Асільдараў 1983 13 Аб Расім Тагірбекаў 1984 14 ПА Валерыю Чуперкэ 1992 15 Аб Георгі Зотаў 1990 16 ПА Раман Канцэдалаў (ар. Волга) 1986

№ Пазыцыя Імя Год нараджэньня 17 ПА Шарыф Мухамад 1990 19 Аб Пётар Цен (ар. ЦСКА) 1992 20 ПА Амаду Мутары 1994 21 ПА Міхаіл Камкоў 1984 22 Бр Міхаіл Кержакоў 1987 33 ПА Анвар Газімагамэдаў 1988 42 ПА Леанарда да Сылва 1992 87 ПА Ільля Максімаў 1987 94 Нап Янік Балі 1988 95 Нап Магамэд Мітрышаў (ар. Церак) 1992 99 Нап Ісламнур Абдулаваў 1994

Вонкавыя спасылкі

Анжы Махачкала — сховішча мультымэдыйных матэрыялаў

• Афіцыйны сайт