Вадзім Дапкюнас: розьніца паміж вэрсіямі
Няма апісаньня зьменаў |
д Fix URL prefix |
||
Радок 66: | Радок 66: | ||
* [http://kimpress.by/index.phtml?page=2&DomainName=ulzhmcwnu&id=409 На «авансцэне» і ў «мізансцэнах»] на сайце [http://www.kimpress.by/ газэты «Культура»] |
* [http://kimpress.by/index.phtml?page=2&DomainName=ulzhmcwnu&id=409 На «авансцэне» і ў «мізансцэнах»] на сайце [http://www.kimpress.by/ газэты «Культура»] |
||
* [http://www.tvr.by/bel/culture.asp?id=5450 «Напярэдадні юбілею тэатр імя Купалы ўзгадвае сваю гісторыю» (відэа)] на сайце [http://www.tvr.by Белтэлерадыёкампаніі] |
* [http://www.tvr.by/bel/culture.asp?id=5450 «Напярэдадні юбілею тэатр імя Купалы ўзгадвае сваю гісторыю» (відэа)] на сайце [http://www.tvr.by Белтэлерадыёкампаніі] |
||
* [http://www.svaboda.org/search/search2.aspx#all|%D0%B2%D0%B0%D0%B4%D0%B7%D1%96%D0%BC%20%D0%B4%D0%B0%D0%BF%D0%BA%D1%8E%D0%BD%D0%B0%D1%81%7C0|allzones|min|now|date|banner Вадзім Дапкюнас - сьпіс матэрыялаў] на сайце [ |
* [http://www.svaboda.org/search/search2.aspx#all|%D0%B2%D0%B0%D0%B4%D0%B7%D1%96%D0%BC%20%D0%B4%D0%B0%D0%BF%D0%BA%D1%8E%D0%BD%D0%B0%D1%81%7C0|allzones|min|now|date|banner Вадзім Дапкюнас - сьпіс матэрыялаў] на сайце [http://www.svaboda.org/ [[Свабода (радыё)|«Радыё Свабода»]]] |
||
{{САРТЫРОЎКА_ПА_ЗМОЎЧВАНЬНІ:Дапкюнас, Вадзім}} |
{{САРТЫРОЎКА_ПА_ЗМОЎЧВАНЬНІ:Дапкюнас, Вадзім}} |
Вэрсія ад 02:14, 14 лютага 2015
Вадзім Дапкюнас | |
Род дзейнасьці | беларускі тэатральны дзеяч, актор, рэжысэр |
---|---|
Дата нараджэньня | 20 сьнежня 1940 (83 гады) |
Месца нараджэньня | Анадыр (Расея) |
Грамадзянства | Беларусь |
Месца вучобы | |
Занятак | актор, тэатральны рэжысэр |
Месца працы |
|
Жонка | Жанна Дапкюнас |
Дзеці | Андрэй, Ігар |
Вадзім Вячаслававіч Дапкюнас (нарадзіўся 20 сьнежня 1940 году ў г. Анадыр на Чукотцы) — беларускі тэатральны дзеяч і арганізатар тэатральнае справы.
Жыцьцяпіс
Нарадзіўся ў сям’і служачых, якая напрыканцы 1930-х гадоў на партыйны заклік прыехала на асваеньне савецкай Поўначы. Пасьля вайны сям’я вярнулася ў Менск.
Скончыў тэхнічную вучэльню ў Менску (1960) і Беларускі дзяржаўны тэатральна-мастацкі інстытут па спецыяльнасьцях «актор драматычнага тэатра і кіно» (1964) і «рэжысэр драмы» (1967). Пэдагог Менскага дома культуры прафтэхадукацыі (1961—1967), рэжысэр па народных тэатрах Беларускага рэспубліканскага дома народнай творчасьці (1967—1970).
З 1970 па 1972 год працаваў другім і неўзабаве першым сакратаром Фрунзенскага раённага камітэту ЛКСМБ г. Менску.
У 1972 годзе распачаў выкладчыцкую дзейнасьць: спачатку ў Менскім дзяржаўным пэдагагічным інстытуце імя Горкага, а з 1975 году — у Менскім інстытуце культуры.
Пасьля працы дырэктарам Беларускага тэатру юнага гледача (1978—1981) працягнуў выкладчыцкую дзейнасьць ў Менскім інстытуце культуры на катэдры рэжысуры.
У 1983 годзе запрошаны на працу ў Міністэрства культуры Беларусі, дзе працаваў рэдактарам рэпэртуарна-рэдакцыйнай калегіі і ва ўпраўленьні мастацтваў.
На працягу больш чым пяці гадоў (1996—2001) кіраваў аддзелам тэатраў Міністэрства культуры Рэспублікі Беларусь. Адзін з ініцыятараў станаўленьня нацыянальнага тэатральнага фэстывальнага руху Беларусі[1].
З 2001 па 2007 год працаваў вядучым рэдактарам Канцэртнага аркестру Беларусі.
Працоўную і творчую дзейнасьць працягнуў у Нацыянальным акадэмічным тэатры імя Янкі Купалы кіраўніком літаратурна-драматургічнай часткі і памочнікам мастацкага кіраўніка тэатру (2007—2009)[2].
Сябра прэзідыюму Саюзу тэатральных дзеячоў Беларусі (СТД). У 1970-я гады — кіраўнік сэкцыі народных тэатраў СТД.
Творчы і дасьледчыцкі шлях
Ажыцьцявіў першую пастаноўку п’есы вядомага расейскага драматурга А. Вампілава (камэдыя «Разьвітаньне ў чэрвені», Клайпедзкі драматычны тэатар, 1966) [3].
У шматлікіх публікацыях у газэтах «ЛіМ», «Культура», «Зьвязда», «Чырвоная зьмена», часопісе «Мастацтва» распрацоўваў праблемы ўзаемадзеяньня і ўзаемасувязі прафэсійнага і самадзейнага тэатра Беларусі.
Удзельнічаў у пастаноўцы шматлікіх спэктакляў у беларускіх драматычных і самадзейных тэатрах, масавых тэатралізаваных мерапрыемстваў. Здымаўся ў мастацкіх і тэлевізійных фільмах (сярод іх «Час-не-чакае» (1975), «Пагаварым, брат» (1978), «Дзяржаўная мяжа» (1982), сэрыял «Зьнікаючая натура» (2014) і інш.[4]).
Прафэсійныя адзнакі і ўзнагароды
- Ганаровы знак Міністэрства культуры Рэспублікі Беларусь (2000)
- Ляўрэат «Крыштальнай зоркі» Саюзу тэатральных дзеячоў Беларусі (2002)
Крыніцы
Вонкавыя спасылкі
- Асабовая інфармацыя на сайце Кино-Театр.ru
- «Фестываль — не толькі свята» на сайце часопісу «Мастацтва»
- На «авансцэне» і ў «мізансцэнах» на сайце газэты «Культура»
- «Напярэдадні юбілею тэатр імя Купалы ўзгадвае сваю гісторыю» (відэа) на сайце Белтэлерадыёкампаніі
- Вадзім Дапкюнас - сьпіс матэрыялаў на сайце «Радыё Свабода»
- Нарадзіліся 20 сьнежня
- Нарадзіліся ў 1940 годзе
- Выпускнікі Беларускай дзяржаўнай акадэміі мастацтваў
- Выкладчыкі БДПУ імя Максіма Танка
- Выкладчыкі Беларускага дзяржаўнага ўнівэрсытэту культуры і мастацтваў
- Асобы Нацыянальнага акадэмічнага тэатру імя Янкі Купалы
- Беларускія тэатральныя дзеячы
- Беларускія тэатральныя рэжысэры
- Нарадзіліся ў Расеі