Катастрофа Boeing 777 пад Данецкам: розьніца паміж вэрсіямі

	Катастрофа Boeing 777 пад Данецкам
	; Самалёт Boeing 777, якія быў зьбіты каля Тарэзу (нум. рэйсу 9M-MRD).
Зьвесткі пра катастрофу
Дата	17 ліпеня 2014 году
Прычына	зьбіты ракетаю «зямля-паветра»
Месца катастрофы	вёска Грабава(uk), Шахтарскі раён, Данецкая вобласьць, Украіна; 48°08′6″ пн. ш. 38°30′11″ у. д. / 48.135° пн. ш. 38.50306° у. д.Каардынаты: 48°08′6″ пн. ш. 38°30′11″ у. д. / 48.135° пн. ш. 38.50306° у. д.
Пункт вылету	Амстэрдам
Пункт прызначэньня	Куала-Лумпур
Паветранае судна
Мадэль самалёта	Boeing 777
Дата выпуску	1997
Авіякампанія	Malaysia Airlines
Бартавы нумар	200ER
Рэгістрацыйны нумар	9M-MRD
Пасажыры	283
Экіпаж	15
Загінулі	298
Выжылі	0

Інтэрактыўны прагляд гісторыі

← Папярэдняя зьмена Наступная зьмена →

Змесціва выдалена Змесціва дададзена

ВізуальнаВікіразметка

Лінейны

Вэрсія ад 13:18, 18 ліпеня 2014

Авіякатастрофа Boeing 777 — авіяцыйная катастрофа, якая адбылася 17 ліпеня 2014 году на тэрыторыі Ўкраіны недалёка ад граніцы з Расеяй. Boeing 777 авіякампаніі Malaysia Airlines выконваў плянавы рэйс з Амстэрдаму ў Куала-Лумпур. Самалёт пачаў падаць за 50 км да ўваходжаньня ў паветраную прастору Расеі, пазьней яго абломкі выявілі на зямлі на тэрыторыі Ўкраіны. На борце знаходзілася 280 пасажыраў і 15 чальцоў экіпажу^[1].

Гэта другая катастрофа з авіялайнэрам авіякампаніі «Малазійскія авіялініі» за пяць месяцаў (пасьля знікненьня 8 сакавіка 2014 году Boeing 777 падчас пералёту з Куала-Лумпура ў Пэкін) і другая буйная авіякатастрофа ў зоне ўзброенага канфлікту на ўсходзе Ўкраіны за месяц (пасьля зьбітага супернікамі цэнтральнай ўкраінскай улады самалёту Іл-76). Украінскія ўлады і прадстаўнікі самаабвешчаных рэспублік на ўсходзе Ўкраіны адмаўляюць сваё дачыненьне да трагедыі і вінавацяць адзін аднаго ў тым, што адбылося.

Па колькасьці загінулых гэтая катастрофа стала найбуйнейшай у гісторыі авіяцыі з 11 верасьня 2001 году і ўвайшла ў дзесятку найбуйнейшых за ўсю гісторыю. Найбуйнейшая авіякатастрофа XXI стагодьдзя на постсавецкай прасторы.

Авіякампаніі Аэрафлёт, Трансаэра, Air France, Turkish Airlines, Virgin Airlines, Lufthansa і S7 паведамілі пра намер зьдзяйсняць рэйсы ў аблёт Украіны. Эўракантроль закрыў паветраную прастору Ўсходняй Украіны для грамадзянскай авіяцыі.

Самалёт

Boeing 777-200ER, зарэгістраваны пад нумарам 9M-MRD, быў пабудаваны на заводзе Boeing у Эвэрэце (штат Вашынгтон) у 1997 годзе, і быў перададзены авіякампаніі Malaysia Airlines 29 ліпеня 1997 году^[2].

Крушэньне

Boeing 777 авіякампаніі Malaysia Airlines выконваў плянавы рэйс з Амстэрдаму ў Куала-Лумпур. На борце знаходзілася 283 пасажыры і 15 чальцоў экіпажу. Сувязь з самалётам зьнікла а 16:20 UTC+3^[3]. Расейскую граніцу ляйнэр мусіў перасячы прыкладна а 16:25 UTC+3^[1].

А 16:20 ля гораду Сьняжное (Данецкая вобл.) расейскія дывэрсанты з атраду падпалкоўніка Галоўнай разьведвальнай управы Расеі(en) Ігара Безьлера зьбілі самалёт з зэнітна-ракетнага комплексу, разьмешчанага на блёк-пасту ў гарадзкім пасёлку Чарнухіна(uk) (Перавальскі раён, Луганская вобласьць). Самалёт упаў ля вёскі Грабава(uk) (Шахтарскі раён, Данецкая вобл.). А 16:40 Безьлер паведаміў аб зьбіцьці самалёту свайму начальніку ў Маскве палкоўніку ГРУ Расеі Васілю Гераніну^[4]. Як паведамлялася раней, сэпаратысты атрымалі доступ да тэхнічных сродкаў, якімі быў зьбіты самалёт^[5], пры гэтым, паводле шэрагу паведамленьняў, на цяперашні час адбываецца выдаленьне інфармацыі падобнага тыпу з расейскіх інфармцыйных агенцтваў.

Сьпіс загінулых

На борце самалёта знаходзіліся 15 чальцоў экіпажу і 283 пасажыры.

Ахвяры аварыі па краінах
Краіна	Колькасьць
Нідэрлянды	154
Малайзія	43
Аўстралія	27
ЗША	23
Інданэзія	12
Вялікабрытанія	9
Нямеччына	4
Бэльгія	4
Філіпіны	3
Канада	1
не ўстаноўленыя	18
Усяго	298