Малая Апака

Апака
Першыя згадкі:	XIX ст.
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Вярховіцкі
Насельніцтва (2005)
колькасьць:	3 чал.
колькасьць двароў:	3
Часавы пас:	UTC+3
Тэлефонны код:	+375 1631
Паштовы індэкс:	225075
Нумарны знак:	1
Геаграфічныя каардынаты:	52°30′43″ пн. ш. 23°25′49″ у. д.
Апака на мапе Беларусі ± Апака Апака

Апака — вёска ў Камянецкім раёне Берасьцейскай вобласьці, уваходзіць у Вярховіцкі сельсавет, у складзе СВК «Агра-Ніва».

Месьціцца за 33 км на паўночны захад ад Камянца, за 58 км на поўнач ад Берасьця, за 15 км на поўнач ад чыгуначнай станцыі Высока-Літоўск (лінія Берасьце — Беласток). За 500 м на паўночны захад ад вёскі праходзіць дзяржаўная мяжа Беларусі з Польшчай. Мясцовай аўтадарогай Н-422 злучана зь вёскай Альвус.

У вёсцы 3 гаспадаркі і 3 жыхары (2005).

Гісторыя

• сярэдзіна XIX ст.: вёскі Вялікая і Малая Апака ў Берасьцейскім павеце Гарадзенскай губэрні Расейскай імпэрыі.
• 1845: паводле інвэнтара вёска Вялікая Апака, 4 двары, 33 жыхары, у складзе фальварка Апака маёнтку Капылы, уладаньне абшарніцы Караліны Пуслоўскай.
• 1857: паводле 10-й рэвізіі 92 рэвіскія душы, вёска маёнтку Доўбізна, уласнасьць абшарніка Вікенція Сьняжко.
• 1890: фальварак Апака належаў Ігнату Пуслоўскаму; вёска Вялікая Апака адносілася да Сіпурскай сельскай грамады, вёска Малая Апака — да Апацкай сельскай грамады.
• 1897: паводле перапісу ў Вярховіцкай воласьці тых жа павету і губэрні, ў вёсцы Вялікая Апака (Мартынюкі) — 8 двароў, 67 жыхароў, у вёсцы Малая Апака — 25 двароў, 168 жыхароў, дзейнічалі кузьня, хлебазапасная крама, у аднайменным маёнтку (уласнасьць сельскага таварыства) — 17 двароў, 116 жыхароў.
• 1921: у выніку Польска-савецкай вайны па Рыскай мірнай дамове ў складзе Польшчы, вёска ў Вярховіцкай гміне Берасьцейскага павету Палескага ваяводзтва.
• 1923: ў вёсцы Вялікая Апака 18 двароў, 93 жыхары, у вёсцы Малая Апака 10 двароў, 53 жыхары.
• 1939: у выніку Пакту Молатава — Рыбэнтропа ў складзе Берасьцейскай вобласьці БССР.
• 1940: вёскі Вялікая Апака (на той час 275 жыхароў) і Малая Апака (177 жыхароў) ў Бушміцкім сельсавеце Кляшчэльскага раёну Берасьцейскай вобласьці.
• 1941—1945: цягам 2-ой сусьветнай вайны на франтах загінулі 5 жыхароў вёскі.
• 1945: у Высокаўскім раёне.
• 1962: у Камянецкім раёне.
• 1964: вёскі Вялікая і Малая Апака зьліліся ў адну.
• 1968: у Вярховіцкім сельсавеце.
• 1970: 38 жыхароў, у калгасе імя Дзяржынскага.
• 2005: 3 гаспадаркі, 3 жыхары.

Літаратура

• Гарады і вёскі Беларусі: Энцыклапедыя. Т. 4, кн. 2. Брэсцкая вобласць / рэдкал.: Г.П. Пашкоў (дырэктар) [і інш.]. — Менск: БелЭн, 2007. — 608 с.: іл. ISBN 978-985-11-0388-7. С. 16.