Валожынскі раён: розьніца паміж вэрсіямі
д →Турыстычная інфармацыя: выпраўленьне спасылкі |
|||
Радок 92: | Радок 92: | ||
* [[Міхал Грушвіцкі]] ([[1828]]—[[1904]]) — беларускі кампазытар. |
* [[Міхал Грушвіцкі]] ([[1828]]—[[1904]]) — беларускі кампазытар. |
||
* [[Фэрдынанд Рушчыц]] ([[1870]]—[[1936]]) — жывапісец і графік. |
* [[Фэрдынанд Рушчыц]] ([[1870]]—[[1936]]) — жывапісец і графік. |
||
* [[Міхал Сапоцька]] ([[1888]]—[[1975]]) — блаславёны каталіцкі святар. |
|||
* [[Адольф Шніп]] ([[1906]]—[[1985]])— беларускі каталіцкі сьвятар лацінскага і бізантыйскага абрадаў з Таварыства Ісуса, адзін з выдаўцоў беларускага рэлігійнага часопісу «Злучэньне», актыўны дзяяч дабрачыннага каталіцкага таварыства «Карытас». |
* [[Адольф Шніп]] ([[1906]]—[[1985]])— беларускі каталіцкі сьвятар лацінскага і бізантыйскага абрадаў з Таварыства Ісуса, адзін з выдаўцоў беларускага рэлігійнага часопісу «Злучэньне», актыўны дзяяч дабрачыннага каталіцкага таварыства «Карытас». |
||
Вэрсія ад 13:32, 4 студзеня 2014
Валожынскі раён | |
Агульныя зьвесткі | |
---|---|
Краіна | Беларусь |
Статус | раён Беларусі |
Уваходзіць у | Менская вобласьць |
Адміністрацыйны цэнтар | Валожын |
Дата ўтварэньня | 15 студзеня 1940 |
Кіраўнік | Яўген Круковіч[d] |
Насельніцтва (2009) | 37 543[1] |
Шчыльнасьць | 21,58 чал./км² |
Плошча | 1919,16[2] км² |
Вышыня па-над узр. м. · сярэдняя вышыня | 167 м[3] |
Месцазнаходжаньне Валожынскага раёну | |
Мэдыя-зьвесткі | |
Часавы пас | UTC +2 |
Тэлефонны код | +375-17-72 |
Паштовыя індэксы | 222 3хх |
Афіцыйны сайт | |
Дадатковыя мультымэдыйныя матэрыялы |
Вало́жынскі раён — адміністрацыйна-тэрытарыяльная адзінка на захадзе Менскай вобласьці Беларусі. Плошча раёну складае 1,9 тыс. км². Насельніцтва — 37 543[1] чалавекі (2009). Адміністрацыйны цэнтар — места Валожын.
Гісторыя
Ад 01.01.1919 тэрыторыя раёна знаходзіцца ў новастворанае Беларускае ССР.
Паводле пастановы СМ Польшчы ад 04.02.1921 года і Рыскае мірнае дамовы 18.03.1921 — утвораная адміністрацыйна-тэрытарыяльная адзінка з цэнтрам у Валожыне, Валожынскі павет у складзе Наваградзкага ваяводзтва Польскае Рэспублікі.
На пачатку 2-е Сусьветнае вайны Валожынскі павет ад верасьня 1939 занятый войскамі Чырвонае арміі, і ў лістападу 1939 улучаный ў склад Беларускае ССР.
Ад 04.12.1939 па 15.01.1940 — Валожынскі павет у складзе Баранавіцкае вобл. Беларускае ССР.
15.01.1940 — Валожынскі павет скасаваный, і на ягонае тэрыторыі ўтвораный Валожынскі раён ў складзе Баранавіцкае вобл. Беларускае ССР.
Напрыканцы чэрвеня 1941 раён занятый нямецкімі войскамі (25.06.1941 Валожын).
Напачатку ліпеня 1944 раён наноў занятый савецкімі войскамі (05.07.1944 Валожын), і 20.09.1944 Валожынскі раён узноўленый, гэтым разам у складзе Маладэчанскае вобл..
Ад 20.01.1960 — раён перадалучаный да Менскае вобл.
25.12.1962 — Валожынскі раён ліквідаваный (ягоныя тэрыторыі перададзеныя ў Маладэчанскі і Стаўпецкі раёны), але праз два гады адноўленый, 06.01.1965.
Геаграфічнае становішча
Мяжуе з Маладэчанскім, Менскім, Койданаўскім і Стаўпецкім раёнамі Менскай вобласьці, на захадзе і паўночным захадзе зь Іўеўскім, Ашмянскім і Смаргонскім раёнамі Гарадзенскай вобласьці.
Рэльеф і карысныя выкапні
Паверхня хвалістая. На ўсходзе раёну разьмяшчаецца Менскае ўзвышша, на поўначы — адгор’і Ашмянскага ўзвышша, на паўднёвым захадзе — Нёманская нізіна. Пераважаюць вышыні 150—250 м, максымальная адзнака — 335 м (гара Маяк каля в. Шапавалы).
Клімат і расьліннасьць
Клімат умерана кантынэнтальны. Сярэдняя тэмпэратура студзеня -6,7 °С, ліпеня 17,5 °С. Сярэдняя колькасьць ападкаў складае 659 мм. Вэгетацыйны пэрыяд доўжыцца 187 дзён.
Лясы (хваёвыя, яловыя, дробна- і шырокалістыя) займаюць 38% плошчы раёну. Пад балотамі 3,9 % тэрыторыі. Ляндшафтавы заказьнік дзяржаўнага значэньня Налібоцкі (частка).
Гідраграфія
Па тэрыторыі раёну цячэ 36 рэчак, якія належаць да басэйну ракі Нёман. Найбуйнейшая рака — Заходняя Бярэзіна, шырыня якой дасягае 20—25 м, з прытокамі Альшанка, Волка, Іслач (з прытокамі Волма і Валожынка). Вадасховішча Сакаўшчынскае.
Гаспадарчая дзейнасьць
Мяса-малочная жывёлагадоўля, сьвінагадоўля, птушкагадоўля. Пасевы зерневых і кармавых культураў, бульбы, гародніны.
Прадпрыемствы харчовай, лёгкай і дрэваапрацоўчай прамысловасьці.
Чыгунка Маладэчна — Ліда, аўтамабільныя дарогі Менск — Ліда, Валожын — Маладэчна, Валожын — Івянец — Стоўбцы. Транзітны газаправод Менск — Горадня з адгалінаваньнямі на Валожын і Пяршаі.
Турыстычная інфармацыя
Захаваліся помнікі архітэктуры: касьцёл Сьвятога Міхала (1690) у в. Багданаў, касьцёл Сьвятога Язэпа (пач. ХІХ ст.) і палац Тышкевічаў (кан. XVIII — пач. XIX ст) у м. Валожын, Сьвята-Касма-Даміянаўская царква (1865) у в. Вялікія Крывічы, касьцёл Зьвеставаньня Найсьвяцейшай Панны Марыі (XVII ст.) і Сьвята-Касма-Даміянаўская царква (кан. XIX ст.) ў в. Вішнеў, Сьвята-Пакроўская царква (1866) у в. Гародзькі, капліца (пачатак ХХ ст.) у в. Дзясятнікі, Спаса-Праабражэнская царква (1869) у в. Даўбені, Сьвята-Георгіеўская царква (1868) у в. Дубіна Баярская, Сьвята-Дабравешчанская царква (1867) у в. Забрэзьзе, сядзіба Яніцкіх (канец ХІХ — пачатак ХХ стст.) у в. Залесьсе, касьцёл Сьвятога Аляксея (пач. XX ст.) й касьцёл Сьвятога Міхала Арханёла з кляштарам францішканцаў (XVIII ст.) у мяст. Івянец, Сьвята-Петра-Паўлаўская царква (1919) у в. Кіявец, Сьвята-Георгіеўская царква (1856) і касьцёл Найсьвяцейшага Сэрца Езуса (1930) у в. Глянец, каталіцкая капліца (ХІХ ст.) ў в. Падневічы, касьцёл Сьвятога Юрыя і Маці Божай (пач. ХХ ст.) у в. Пяршаі, капліца-пахавальня (2-я палова ХІХ ст.) у в. Пральнікі, былы касьцёл дамініканцаў (Спаса-Праабражэнская царква) (XVIII ст.), каталіцкая капліца сьвятой Ганны (1830) і Касьцёл Найсьвяцейшай Панны Марыі (пач. XX ст.) у в. Ракаў, рэшткі палаца (канец ХІХ — пачатак ХХ стст.) у в. Рудня, Сьвята-Ільлінская царква (1878) у в. Сакаўшчына, капліца (пачатак ХХ ст.) у в. Цьвіраўшчына, Спаса-Праабражэнская царква (кан. ХІХ ст.) у в. Яршэвічы.
Вядомыя асобы
- Міхал Грушвіцкі (1828—1904) — беларускі кампазытар.
- Фэрдынанд Рушчыц (1870—1936) — жывапісец і графік.
- Міхал Сапоцька (1888—1975) — блаславёны каталіцкі святар.
- Адольф Шніп (1906—1985)— беларускі каталіцкі сьвятар лацінскага і бізантыйскага абрадаў з Таварыства Ісуса, адзін з выдаўцоў беларускага рэлігійнага часопісу «Злучэньне», актыўны дзяяч дабрачыннага каталіцкага таварыства «Карытас».
Крыніцы
- ^ а б Перепись населения — 2009. Минская область (рас.) Нацыянальны статыстычны камітэт Рэспублікі Беларусь
- ^ Государственный земельный кадастр Республики Беларусь (рас.) (па стане на 1 студзеня 2010 г.)
- ^ GeoNames (анг.) — 2005.
Літаратура
- Воложинский район // Туристская энциклопедия Беларуси / редкол. Г. П. Пашков [и др.]; под общ. ред. И. И. Пирожника. — Мн., 2007. — 648 с. ISBN 978-985-11-0384-9.
- Энцыклапедыя гісторыі Беларусі. У 6 т. / Беларус. Энцыкл.; Рэдкал.: Б. І. Сачанка (гал. рэд.) і інш.; Маст. Э. Э. Жакевіч. — Мн.: БелЭн, 1994. — Т. 2: Беліцк — Гімн. — 537 с. — ISBN 5-85700-142-0
Вонкавыя спасылкі
Валожынскі раён — сховішча мультымэдыйных матэрыялаў
- Здымкі на Radzima.org
- Валожынскі раён (рас.), Глёбус Беларусі
- Інфармацыя на старонцы Менскага аблвыканкаму
|