Язэп Фарботка

Язэп Фарботка
Асабістыя зьвесткі
Псэўданімы	Юзюк Фарботка
Нарадзіўся	5 верасьня 1893 м. Налібакі, Менскі павет, Расейская імпэрыя
Памёр	8 чэрвеня 1956 Лодзь, Польская Народная Рэспубліка
Пахаваны	Старыя могілкі Лодзі[d]
Сужэнец	Уладзіслава Паўловіч[d]
Літаратурная дзейнасьць
Род дзейнасьці	літаратуразнаўца, перакладнік, паэт
Кірунак	паэзія
Мова	беларуская
Творы ў Вікікрыніцах
Язэп Фарботка ў Вікісховішчы

Язэ́п Аўгусьці́навіч Фарбо́тка (5 верасьня 1893 м. Налібакі, Менскі павет, Расейская імпэрыя — 8 чэрвеня 1956, Лодзь) — беларускі нацыянальны дзеяч, паэт, літаратуразнавец, перакладчык, фатограф, навуковец.

Першыя вершы надрукаваў у Нашай Ніве ў 1912 годзе — «Зацьменьне» і «Зруйнаваў». Пераклаў ўрывак Пана Тадэвуша на беларускую мову.

У 1914 скончыў клясычную гімназію ў Менску, навучаўся на фізыка-матэматычным факультэце ў Кіеўскім унівэрсытэце да 1918. У 1916 удзельнічаў у працы клюбу «Беларуская хатка». Далучыўся да беларускага палітычнага і культурнага руху на Украіне і ў Менску у пэрыяд 1918—1920. У 1919 працаваў акторам у «Беларускім савецкім тэатры». Супрацоўнік літаратурна-асьветніцкага аддзелу Наркампроса Літоўска-Беларускай ССР. У 1920 — адміністратар Беларускага тэатру ў Менску.

З 1920 па 1924 студыяваў у Віленскім унівэрсытэце, пасьля працаваў там выкладчыкам заалёгіі. У 1932 абараніў кандыдацкую дысэртацыю.

У 1922 пра Фарботку згадвае Карскі ў трэцім томе «Беларусаў».

Займаўся мастацкай фатаграфіяй, быў чальцом «Віленскага фотаклюбу» Яна Булгака. Працаваў таксама ў Ваяводзкай управе ў Вільні ў сельскагаспадарчым аддзяленьні. Пасьля вайны арыштаваны і сасланы ў Данбас. Напрыканцы 1945 пасяліўся ў Лодзі.

Быў жанаты на Уладзі (Уладзіславай) — дачцэ Альбэрта Паўловіча.

Вонкавыя спасылкі

• Язэп Фарботка — сховішча мультымэдыйных матэрыялаў

• http://www.expressnews.by/3353.html Сяргей Крапівін «ЯЗЭП ФАРБОТКА — ПОЭТ ИЗ ПЛЕЯДЫ „НАШАЙ НIВЫ“»//Экспресс-Новости 16 траўня 2008