Альмэрыя (футбольны клюб)

Альмэрыя
Поўная назва	Unión Deportiva Almería, S.A.D.
Заснаваны	1989
Горад	Альмэрыя, Гішпанія
Стадыён	Эстадыё дэль Мэдытэранэра Умяшчальнасьць: 22 000
Кіраўнік	Туркі эль-Шэйх[d]
Галоўны трэнэр	Франсыска Радрыгес
Чэмпіянат	Ля Ліга
· 2012—2013	Сэгунда, 3 месца
Хатнія колеры Выязныя колеры
Галерэя здымкаў у Вікісховішчы udalmeriasad.com

Альмэры́я (па-гішпанску: Unión Deportiva Almería) ― гішпанскі футбольны клюб з аднайменнага гораду й правінцыі Андалюсія. Клюб быў заснаваны ў 1989 і зьяўляецца самым маладым у гішпанскай Ля Лізе. Яшчэ з 1979 па 1981 год існавала каманда «Альмэрыя», але яна зьнікла ў 1982 годзе, ёсьць меркаваньні што сучасная «Альмэрыя» спадкаемца гэтай каманды. Ад самага пачатку з 1989 году клюб зваўся Almería Club de Fútbol, але ў 2001 годзе назва была зьменена на Unión Deportiva Almería.

Клюб шмат часу правёў у ніжэйшых лігах пакуль у сэзоне 2006―2007 гадоў не атрымаў квіток у вышэйшы дывізіён. У 2011 годзе клюб вылецеў зь Ля Лігі, упершыню ў сваёй гісторыі, аднак, паводле вынікаў сэзону 2012—2013 гадоў клюб зноўку атрымаў права ўдзел у наймацнейшай лізе краіны.

Гісторыя

Першай камандай з гораду быў клюб «Альмэрыя». Тая каманда гуляла ў Ля Лізе паміж 1979 і 1981 гадамі, але зьнікла ў 1982 годзе. У 1989 годзе быў створаны новы футбольны клюб «Альмэрыя» (гішп. Almería Club de Fútbol), які ў 2001 годзе быў перайменаваны ў аб’яднаны спартовы клюб Альмэрыі (гішп. Unión Deportiva Almería). Пасьля сэзону ў другім дывізіёне клюб быў паніжаны да трэцяга, а потым і чацьвёртага дывізіёну.

Правёўшы некалькі сэзонаў у другім узроўні, «Альмэрыя» ўпершыню дамаглася выхаду ў Ля Лігу паводле вынікаў сэзону 2006―2007 гадоў, калі клюб заняў выніковы другі радок у розыгрышы Сэгунды. У першым сэзоне клюб заняў 8-е месца, дзякуючы добрай гульні, пад кіраўніцтвам Унай Эмэры, і выбітнай гульні нападніка Альвара Нэгрэда, які забіў у тым сэзоне 13 мячоў.

Пасьля таго як Эмэры зьехаў у «Валенсію» наступным трэнэрам быў прызначаны Гансалё Арканада, які, аднак, быў звольнены 21 сьнежня 2008 году, пасьля сэрыі дрэнных вынікаў. Новы мэксыканскі спэцыяліст Уга Санчэс узяўся за працу на пасадзе галоўнага трэнэра й здолеў праціснуць клюб ў сярэдзіну турнірнай табліцы.

У сэзоне 2010―2011 гадоў Альмэрыя дайшла да паўфіналу Кубка Гішпаніі, упершыню ў сваёй гісторыі. У лізе, аднак, клюб ня здолеў утрымацца, вылецеўшы вышэйшы дывізіён пасьля чатырох год удзелаў у ім. У тым жа сэзоне «Альмэрыя» атрымала зьнішчальную паразу ад «Барсэлёне» зь лікам 0:8, прычым матч праходзіў у Андалюсіі. Пасьля гэткай буйной паразы з працы быў звольнены галоўны трэнэр андалюсійцаў Хуан Мануэль Лільлё.

Прахадэньне па дывізіёнах

• 1991―1992 ― Павышэньне да Тэрсэры
• 1992―1993 ― Павышэньне да Сэгунды Б
• 1994―1995 ― Павышэньне да Сэгунды
• 1996―1997 ― Паніжэньне да Сэгунды Б
• 1998―1999 ― Паніжэньне да Тэрсэры
• 1999―2000 ― Павышэньне да Сэгунды Б
• 2001―2002 ― Павышэньне да Сэгунды
• 2006―2007 ― Павышэньне да Ля Лігі
• 2010―2011 ― Паніжэньне да Сэгунды
• 2012―2013 ― Павышэньне да Ля Лігі

Склад каманды

Па стане на 19 жніўня 2013 году

№ Пазыцыя Імя Год нараджэньня 1 Бр Эстэбан 1975 2 Аб Марка Тарсыльеры 1988 3 Аб Марсэлё Сыльва 1989 4 Аб Эрнан Пальлерана 1984 5 Аб Анхель Трухільлё 1987 6 ПА Маркас Тэбар 1986 7 ПА Вэрса 1986 8 Нап Алекс Відаль 1989 9 Нап Оскар Дыяс 1984 10 Нап Родры (ар. «Барсэлёна») 1990 11 Нап Элдэр Барбоза (ар. «Брага») 1987

№ Пазыцыя Імя Год нараджэньня 12 ПА Рамон Азіз 1992 14 Аб Рауль Гарсія 1989 15 ПА Карона (капітан) 1981 16 ПА Сэбастыян Дубарб’ер 1986 17 ПА Суса (ар. «Лівэрпул») 1993 18 Аб Крыстыян 1985 20 Аб Рафіта 1982 22 Аб Нэлсан (ар. «Палерма») 1983 23 ПА Фэрнанда Сарыяна 1979 25 Бр Оскар Устары 1986

Вонкавыя спасылкі

Альмэрыя (футбольны клюб) — сховішча мультымэдыйных матэрыялаў

• Афіцыйны сайт (гішп.)
• Расейскамоўны сайт заўзятараў клюба (рас.)