Андрэй Бембель

Андрэй Бембель
Дата нараджэньня	30 кастрычніка 1905
Месца нараджэньня	Вяліж, Віцебская губэрня
Дата сьмерці	13 кастрычніка 1986
Месца пахаваньня	Усходнія могілкі
Адукацыя	Ленінградзкі мастацкі інстытут
Месца вучобы	Вяліская мужчынская гімназія[d] Вяліская мастацкая школа[d] Віцебская народная мастацкая вучэльня[d] (1927) Інстытут жывапісу, скульптуры і архітэктуры імя Рэпіна[d] (1931)
Занятак	мастак
Месца працы	Беларускі дзяржаўны тэатральна-мастацкі інстытут Менскі дзяржаўны мастацкі каледж імя Аляксея Глебава
Жанры	скульптура
Плынь	скульптура
Узнагароды	Срэбны медаль імя М. Грэкава (1972)
Андрэй Бембель у Вікісховішчы

Андрэ́й Ану́фрыевіч Бе́мбель (17(30) кастрычніка 1905, Вяліж — 13 кастрычніка 1986), беларускі скульптар, пэдагог. Заслужаны дзеяч мастацтваў БССР (1939), Народны мастак БССР (1955), прафэсар (1955).

Біяграфія

Нарадзіўся ў г. Вяліжы (зараз у складзе Смаленскай вобласьці Расеі), дзе атрымаў пачатковую адукацыю ў мужчынскай гімназіі. У 1919—1922 гадох вучыўся ў Вяліжскай мастацкай школе. У 1924—1927 гг. вучыўся ў Віцебскай мастацкай вучэльні у М. А. Керзіна. У 1931 годзе скончыў Ленінградзкую акадэмію мастацтваў (Санкт-Пецярбурскі дзяржаўны акадэмічны інстытут жывапісу, скульптуры і архітэктуры імя І. Я. Рэпіна). Вучыўся ў М. Мізнера, У.Лішава, В.Сіманава, Р. Р. Баха. Удзельнік выстаў ад 1932 году. Аўтар барэльефаў «Барыкады 1848 г. у Парыжы», «Сялянскае паўстаньне ў акупаванай панскай Польшчай Заходняй Беларусі», «Першы пяцігадовы плян Беларускай ССР у дзеяньні» для Дому ураду ў Менску (1932—1934, сумесна з У.Рытарам). У 1939 годзе выканаў гіпсавы барэльеф «Беларусь — фарпост СССР» і мурмуравы барэльеф «Узьяднаньне з Заходняй Беларусьсю» для павільёну БССР на Усесаюзнай сельска-гаспадарчай выставы ў Маскве. Пасьля вайны выканаў барэльефы «Няхай ніколі не будзе ўзняты меч» (гіпс тон, 1961) і «У. І. Ленін» (гіпс тон, 1962) для залы дому ўраду БССР. Адзін з аўтараў мэмарыяльнага комплексу Берасьцейскай крэпасьці. Працы Бембеля выстаўляліся ў Румыніі (1959). Выстава ягоных твораў прайшла ў Менску (1955). Выкладаў у Менскай мастацкай вучэльні (1948—1950), Беларускім тэатральна-мастацкім інстытуце (ад 1953, прафэсар — ад 1962). У 1952 годзе ўступіў у КПСС.

Творы

• Гарэльеф «9 траўня 1945 г.» (бронза, 1954) для абеліска-манумэнта (усталяваны ў Менску)
• Фігура «Дзьмітрыю Мендзялееву» (бронза, 1954) для МДУ.

Помнікі

• Уладзімеру Леніну у Полацку (гіпс, 1936, не захаваўся)
• героям Ваўгаграда (праект, гіпс, 1944)
• Герою Савецкага Саюза партызану Дзьмітрыю Цімафеевічу Гуляеву у Старобіне (цэмент, 1960)

Партрэты

• Героя Савецкага саюза Мікалая Гастэлы (бронза, 1943, Нацыянальны мастацкі музэй Рэспублікі Беларусь; паўтор 1951 — у Румынскай нацыянальнай галерэі, Бухарэст).
• Аляксандра Матросава (гіпс, 1949, Нацыянальны мастацкі музэй Рэспублікі Беларусь).
• Народнага Артыста СССР Паўла Маўчанава (гіпс, 1954, тамсама).
• Заслужанага настаўніка БССР І. Пісарчына (гіпс, 1961).

Кампазыцыя

• «За Савецкую Радзіму» (гіпс, 1946, Нацыянальны мастацкі музэй Рэспублікі Беларусь)