Сьцяг Ангельшчыны

Сьцяг Ангельшчыны

Нацыянальны сьцяг Ангельшчыны — белы з прамым крыжом Сьвятога Георгія, які лічыцца нябесным заступнікам ангельцаў. Афіцыйныя прапорцыі сьцягу – 3:5, чырвоны крыж займае 1/5 палотны. Георгіеўскі сьцяг пачаў выкарыстоўвацца ангельцамі не пазьней 1277 году.

Крыж Сьвятога Георгія зьяўляецца адной з першых вядомых эмблем Ангельшчыны. Ён стаў ангельскім сымбалям у Сярэднявечча, падчас Крыжовых паходаў.

Сьвяты Георгій забівае цмока

Сьвяты Георгій стаў заступнікам Ангельшчыны ў 13 стагодзьдзі. Існуе тэорыя, што Крыж стаў выкарыстоўвацца, як нацыянальная эмблема, падчас Валійскай войны 1275 году.

Ёсьць меркаваньне, што Крыж быў прыняты Ангельшчынай для надаваньня флёта адмысловай сымболікай. Ангельскі манарх Рычард Ільвінае Сэрца першапачаткова абраў у якасьці заступніка Сьвятога Георгія. Потым ангельскія судны паднімалі белы сьцяг з чырвоным крыжом, каб зарабіць вызначаную выгаду: калісьці Крыж быў знакам Генуі, і Ангельшчына такім чынам пападала пад пратэктарат магутнага флёту.

Вонкавыя спасылкі

Сьцяг Ангельшчыны — сховішча мультымэдыйных матэрыялаў