Франк Рыбэры

Франк Рыбэры
Пэрсанальная інфармацыя
Нарадзіўся	7 красавіка 1983 Булёнь-сюр-Мэр, Францыя
Рост	170
Вага	72
Пазыцыя	паўабаронца
Клюбная інфармацыя
Клюб	Баварыя Мюнхэн
Нумар	7
Моладзевыя клюбы
1989—1996 1996—1999 1999—2000	Канці Булёнь Ліль Булёнь
Клюбы
Гады	Клюб	Гульні (галы)¹
2000—2002 2002—2003 2003—2004 2004—2005 2005 2005—2007 2007—	Булёнь Алез Брэст Мэц Галатасарай Марсэль Баварыя	28 (6) 19 (1) 35 (3) 20 (1) 14 (0) 60 (11) 146 (47)
Зборныя
2006—	Францыя	64 (10)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 5 траўня 2012. ² Колькасьць гульняў і галоў за нацыянальную зборную ў афіцыйных матчах, адкарэктавана на 23 чэрвеня 2012.

Франк Рыбэры (па-француску: Franck Ribéry; нарадзіўся 7 красавіка 1983 году, Булёнь-сюр-Мэр, Францыя) — францускі футбаліст, які выступае за нямецкі клюб «Баварыя» й нацыянальную зборную Францыі на пазыцыі паўабаронцы. Па веравызнаньні зьяўляецца мусульманам.

Клубная кар’ера

Францускія клюбы

Пачынаў сваю кар’еру ў 2001 годзе ў камандзе «Булёнь», якая гуляла ў 2-й французскай лізе. У наступным сэзоне перайшоў у клюб клясам ніжэйшым у «Алімпік» з Алезу. Некаторы час не гуляў у футбол з-за фінансавых праблемаў, і некалькі месяцаў працаваў дарожным рабочым. У 2003—2004 годзе выступаў за «Брэст», у 2004 годзе перайшоў у «Мэц».

«Галатасарай» Стамбул

У 2005 годзе Франк перайшоў у «Галатасарай», які неўзабаве пакінуў з-за нявыплаты заробку. У складзе «Галатасараю» стаў пераможцам кубку Турэччыны.

«Алімпік» Марсэль

Франк перайшоў на правах вольнага агента ў «Алімпік Марсэль» у 2005 годзе. У 2006 годзе са зборнай Францыяй стаў фіналістам чэмпіянату сьвету.

«Баварыя» Мюнхэн

7 чэрвеня 2007 году перайшоў у мюнхэнскую «Баварыю», падпісаўшы чатырохгадовы кантракт за рэкордныя для клюба 25 мільёнаў эўра. Рыбэры атрымаў футболку пад нумарам 7, якая вызвалілася па завяршэньні кар’еры Мэхмэта Шоля, легенды клюба, у канцы сэзону 2006—2007 гадоў. Рыбэры паказаў сябе як шматбаковы й хуткі паўабаронца, які забясьпечваў шматлікімі пасамі двух форвардаў клюба: Міраслава Клёзэ і Люку Тоні.

Кар’ера ў зборнай

У нацыянальнай зборнай Францыі дэбютаваў у траўні 2006 году ў матчы супраць Мэксыкі.

Дасягненьні

Галатасарай:

• Уладальнік Кубка Турэччыны: 2005

Марсэль:

• Уладальнік Кубка Інтэртота: 2005

Баварыя:

• Чэмпіён Нямеччыны: 2008, 2010
• Уладальнік Кубка Нямеччыны: 2007, 2010
• Уладальнік Кубка Лігі Нямеччыны: 2007, 2010
• Фіналіст Ліга чэмпіёнаў: 2010

зборная Францыі:

• Фіналіст чэмпіянату сьвету: 2006

Асабістае жыцьцё

Калі Рыбэры было 2 гады, ён і ягоная сям’я патрапілі ў сур’ёзную аўтакатастрофу ў Булёні-сюр-Мэр. Аўтамабіль, у якім яны ехалі, сутыкнуўся з грузавіком, і Франк стукнуўся тварам аб ветравое шкло. Пасьля гэтай падзеі на правай частцы твару ў яго засталіся два доўгіх шнары. Рыбэры прапаноўвалі правесьці плястычную апэрацыю, якая б цалкам выдаліла гэтыя шнары, але ён адмовіўся, матывуючы гэта тым, што яны робяць яго мацней.

Франк прыняў іслам і жанаты на альжырцы па імені Вагіба й мае зь ёй двух дачок. Малодшая дачка нарадзілася 9 студзеня 2008 году ў Парыжы.

Вонкавыя спасылкі

Франк Рыбэры — сховішча мультымэдыйных матэрыялаў

• Афіцыйны сайт
• Профіль на афіцыйным сайце «Баварыі Мюнхэн»
• Франк Рыбэры на LFP.fr
• Профіль на сайце Нямецкай Бундэсьлігі