Дэпартыва Ля-Каруньня

Дэпартыва
Поўная назва	Real Club Deportivo de La Coruña, S.A.D.
Заснаваны	1906
Горад	Ля-Каруньня, Гішпанія
Стадыён	«Рыясор» Умяшчальнасьць: 34 600
Прэзыдэнт	Аўгуста Сэсар Лендойра
Галоўны трэнэр	Хасэ Люіс Ольтра
Чэмпіянат	Ля Ліга
· 2011—2012	Сэгунда 1 месца
Хатнія колеры Выязныя колеры
Галерэя здымкаў у Вікісховішчы Афіцыйны сайт

Дэпартыва (па-гішпанску: Real Club Deportivo de La Coruña) ― гішпанскі футбольны клюб з гораду Ля-Каруньня з правінцыі Галісія, удзельнік гішпанскай Ля Лігі. Заснаваны ў 1906 годзе. Хатнія гульні праводзіць на стадыёне «Рыясор», што ўмяшчае 34 600 гледачоў.

Адзін з самых пасьпяховых клюбаў Гішпаніі. Аднойчы стаў пераможцам чэмпіянату Гішпаніі (2000) й яшчэ пяць разоў фінішаваў другім (1950, 1994, 1995, 2001 і 2002). Двойчы выйграваў Кубак Гішпаніі й тройчы Супэркубак. Пяць разоў прымалі ўдзел у Лізе чэмпіёнаў і столькі ж разоў у Кубку УЭФА. Да правядзеньня чэмпіянату Гішпаніі клюб шэсьць разоў станавіўся чэмпіёнам Галісіі (1927, 1928, 1931, 1933, 1937, 1940).

Галоўным праціўнікам клюбу зьяўляеццца іншая каманда з Галісіі — «Сэльта» зь Віга. Традыцыйна гуляе ў бела-сініх паласатых кашулях і сініх шортах і гетрах.

Гісторыя

У 1902 годзе Хасэ Марыя Абаля вярнуўся дадому ў Ля-Каруньню пасьля навучаньня ў Ангельшчыне, дзе ён пазнаёміўся з гульнёй у футбол. У 1904 годзе ён разам зь сябрамі сабралі каманду, якую назвалі Каруньня (гішп. Coruña). Гульня ў горадзе стала больш папулярнай, калі ў прэстыжнай гімназіі гораду Sala Calvet футбол быў уведзены ў праграму навучаньня.

У сьнежні 1906 году вучні гімназіі згаданай вышэй стварылі сваю ўласную каманду, якую назвалі Club Deportivo da Sala Calvet. Праз два з паловай гады клюб атрымаў статус каралеўскага ад Альфонса XIII і з гэтага часу існуе цяперашні назоў каманды Real Club Deportivo de A Coruña.

Дасягненьні

• Чэмпіёны Гішпаніі (1): 2000
• Уладальнікі Кубку Гішпаніі (2): 1995, 2002
• Уладальнікі Супэркубку Гішпаніі (3): 1995, 2000, 2002

Склад каманды

Па стане на 1 верасьня 2012 году

№ Пазыцыя Імя Год нараджэньня 1 Бр Даніель Арансубія 1979 2 Аб Мануэль Паблё (капітан) 1976 3 Аб Эвалда (у арэндзе з «Спортынгу») 1982 4 ПА Алекс Бэргантыньнёс 1985 5 Аб Зэ Каштру 1983 6 Аб Айтамі Артылес 1986 7 ПА Сауль Фэрнандэс 1985 8 ПА Андрэ Сантуш (у арэндзе з «Спортынгу») 1989 9 Нап Піццы (у арэндзе з «Брагі») 1989 10 ПА Хуан Радрыгес 1990 11 Нап Рыкі 1980 12 Аб Тыягу Мігел (у арэндзе з «Рыю Авэ») 1988 13 Бр Хэрман Люкс 1982 14 ПА Абэль Агіляр (у арэндзе з «Эркулеса») 1985

№ Пазыцыя Імя Год нараджэньня 15 Аб Ляўрэ 1985 16 ПА Бруну Гама 1987 17 Аб Айосэ Дыяс 1982 18 ПА Хавіер Камуньняс (у арэндзе зь «Вільлярэалу») 1980 19 Аб Родэрык Міранда (у арэндзе з «Бэнфікі») 1991 20 ПА Хесус Васкес 1980 21 ПА Хуан Карляс Валерон (віцэ-капітан) 1975 22 ПА Дыёгу Саламан (у арэндзе з «Спортынгу») 1988 23 Нап Радольфа Бадыпа 1977 24 Аб Карляс Марчэна 1979 25 Нап Нэлсан Алівэйра (у арэндзе з «Бэнфікі») 1991 29 Нап Хуан Карляс 1991 33 Аб Дыега Сэаанэ 1988

Вонкавыя спасылкі

Дэпартыва Ля-Каруньня — сховішча мультымэдыйных матэрыялаў

• Афіцыйны сайт (гішп.)
• Неафіцыйны сайт заўзятараў (гішп.)